Vicdanı ləkəli hökumət
Tarix: 23-10-2016 13:54 | Bölmə: Zaur ƏHMƏD


Bu günlərdə Milli Məclisin iclasında millət vəkilləri Aydın Mirzəzadə və Əflatun Amaşov şəhid ailələrinə verilən birdəfəlik müavinətin 10 dəfəyədək artırılaraq 100 min manat olması təklif ilə çıxış etdilər.

Bir gündə "yuxarı"dan gələn 30-40 qanun layihəsini sorğu-sualsız qəbul edən Milli Məclis üzvüləri bu təklifə açıq şəkildə "yox" deməsələr də, məsələnin üstündə çox qalmadılar. Amma deputat Aydın Mirzəzadə deyəsən, sona qədər getmək fikrindədir. Hörmətli deputat deyir ki, hərbi qulluqçular şəhid olarkən onların ailələrinə ödənilən sığorta haqqının məbləği 10 dəfə artırılmalıdır. "Çox istərdim ki, hökumət büdcə müzakirələri zamanı təklifimi nəzərə alsın. 10 min manat o qədər də böyük məbləğ deyil. Nəzərə alsaq ki, il ərzində çox sayda şəhidimiz olmur, bu baxımdan şəhid ailəsinə ödənilən sığorta məbləğinin 10 dəfə artırılaraq 100 min olmasını təklif edirəm. Bu, ciddi bir rəqəmdir. Şəhid ailəsi bu məbləği banka depozit qoya, özünün biznes fəaliyyətini genişləndirə, torpaq ala, mənzil şəraitini yaxşılaşdıra bilər. Bu, dövlətin onlara çox ciddi yardımı kimi qiymətləndirə bilər",- deyə A.Mirzəzadə bildirib.

Maraqlısı odur ki, Milli Məclisin Sosial siyasət komitəsinin sədri Hadi Rəcəbli partiyadaşının fikirlərinin tam əksini deyir. Ölkənin sosial siyasətinin formalaşmasında əsas söz sahiblərindən sayılan Hadi müəllim şəhid ailələrinə verilməli olan birdəfəlik yardımın on dəfə artırılmasını mümkün saymır. "Şəhid ailələrinə verilən birdəfəlik müavinətin 10 dəfə artırılması barədə təkliflər populizmdir. Bu, əlbəttə ki, mümkün deyil. 11 min manatın 100 min manata qaldırılmasına bugünkü dövlət büdcəmiz heç bir formada imkan vermir. Bu cür fikirləri səsləndirərkən büdcədən xəbərdar olmaq lazımdır",- deyən H.Rəcəbli bəlkə də ilk dəfədir ki, ictimaiyyət üçün bu qədər səmimi danışır.

Düzü, bu mövzuda yazmaqdan yorulmuşam. Həm də şəhid övladı olduğumdan pul söhbəti eləməyi özümə sığışdırmıram. Məni tanıyanlar da bilir ki, heç vaxt öz davamı aparan adam olmamışam. Lakin Milli Məclis kürsüsündən səslənən fikirlərə laqyed qalmaq olmur. Çünki ortada böyük bir haqsızlıq, ədalətsizlik, hətta deyərdim ki, hökumət səviyyəsində söylənilən yalan var. Dövlət hər bir vətəndaşının hüquqlarını qorumalı, onun haqqını tanımalıdır. Şəhidlərimiz Vətən borcunu öz canları ilə ödəyib və ailələrini bu dövlətə əmanət ediblər. Amma bu dövlət, bu dövlətin söz sahibləri əmanətə sahib çıxa, onlara borcunu qaytara bilmir. Birinci Qarabağ müharibəsində şəhid olanların ailələrinin 90 faizi 11 min manat icbari sığortanı, yəni, birdəfəlik müavinəti ala bilməyib. Bir qədər dəqiq desək, dövlət bu borcunu qaytarmayıb. Amma deputatlarımız 20 ildir qaytarılmayan borcun 10 dəfə artırılmasını istəyirlər. Vallah, kənardan baxanda baş verənlər adama karikatura kimi görünür.

Cənab səmimi və populist deputatlar! Şəhid ailələrinə veriləcək birdəfəlik müavinətin on dəfə artırılmasını təklif etmək əvəzinə, 20 ildən çoxdur o pulu ala bilməyən şəhid ailələrinin haqqının tanınmasını tələb etmək daha yaxşı olardı. Sizcə, minlərlə şəhidin əmanət qoyub getdiyi ailələrin halal haqqını verməyən hökumətdən artım tələb etmək nə qədər səmimidir? Səmimiyyətinizə şübhə etməsəm də, hökumətinizin vicdanına şübhəm böyükdür. Məni qınamayın, əmanətə xəyanət edənlərdən vicdanlı hərəkət gözləmirəm. Çünki ötən 25 il hökumətin vicdanına ləkə salıb.

скачать dle 10.5фильмы бесплатно




Bölməyə aid digər xəbərlər
6-09-2019, 12:54 Zaur ƏHMƏD - Şərəflə daşınası ad
8-05-2019, 12:47 Zaur ƏHMƏD - Bizi bağışlama, Şuşa - Zaur Əhməd yazır
13-04-2019, 14:40 Zaur ƏHMƏD - Düşmənə arxa çevirməyən kişi... - Z. Əhməd yazır
20-10-2018, 11:06 Zaur ƏHMƏD - Dövlət Babanın gecikən ədaləti
22-07-2018, 08:50 Zaur ƏHMƏD - Urvatsız elmin, urvatlı “alim”ləri
11-05-2018, 23:35 Zaur ƏHMƏD - Əsgərə süpürgə yox, silah verin!
5-05-2018, 08:43 Zaur ƏHMƏD - Hərənin öz payı, yoxsa...
11-04-2018, 20:47 Zaur ƏHMƏD - 24 il gecikən məktub
30-03-2018, 23:00 Zaur ƏHMƏD - Jurnalistikaya akademik söyüşü
17-03-2018, 08:29 Zaur ƏHMƏD - Ağxalatlı terrorçular
18-02-2018, 16:43 Zaur ƏHMƏD - “Cinayət Məcəlləsi” arasındakı rüşvət
27-01-2018, 13:24 Zaur ƏHMƏD - Ürəyinə qələm sancılanlar
15-01-2018, 12:12 Zaur ƏHMƏD - Bizimkilər sponsor axtarır, onlar isə...
16-12-2017, 10:25 Zaur ƏHMƏD - Ordu, yoxsa qələm?
8-10-2017, 15:59 Zaur ƏHMƏD - Səlim Müslümovun arşını
21-08-2017, 12:10 Zaur ƏHMƏD - Qulağı buruq deputatlar
28-07-2017, 19:25 Zaur ƏHMƏD - Vətəndə vətənsizlər
27-06-2017, 19:32 Zaur ƏHMƏD - Şəhidə borc yazanlar
10-05-2017, 12:00 Zaur ƏHMƏD - Dövlət baba, hökumət ata, yetim övlad
2-04-2017, 16:28 Zaur ƏHMƏD - Eşşək, metroda öpüş və söz azadlığı
4-03-2017, 16:55 Zaur ƏHMƏD - Ziya Məmmədova cənnət müjdəsi
19-02-2017, 12:42 Zaur ƏHMƏD - Ramil Usubov və ətrafı
9-01-2017, 12:46 Zaur ƏHMƏD - Dövlət babanın minnət borcu
30-12-2016, 16:00 Zaur ƏHMƏD - Şahverdinin xoruzu
23-11-2016, 19:16 Zaur ƏHMƏD - Deputatlara "paket" verək
23-10-2016, 13:54 Zaur ƏHMƏD - Vicdanı ləkəli hökumət
20-09-2016, 22:54 Zaur ƏHMƏD - Haqqa kor olanlar
8-08-2016, 00:28 Zaur ƏHMƏD - Şəhid payına göz dikənlər
12-07-2016, 23:35 Zaur ƏHMƏD - General kimi yaşamaq, yoxsa?..
25-06-2016, 08:00 Zaur ƏHMƏD - Səlim müəllimin traktorçuları
10-05-2016, 15:49 Zaur ƏHMƏD - Mikayılın nağılı
12-04-2016, 20:40 Zaur ƏHMƏD - Kasıbın şəhid, varlının məmur oğlu
1-02-2016, 19:43 Zaur ƏHMƏD - Məmurlar, rüşvəti manatla alın!
10-11-2015, 22:11 Zaur ƏHMƏD - Haqq-ədalətin əvəzi

{sape_links}{sape_article}