Eşşək, metroda öpüş və söz azadlığı
Tarix: 02-04-2017 16:28 | Bölmə: Zaur ƏHMƏD


Neçə vaxtdır, hamı ölkədəki qiymət artımından gileylənir. Mən özüm də hər gün bahalaşmanın əziyyətini çəkənlərdənəm. Ət, yağ, qənd, çörək, işıq, qaz, su, nə bilim, Azərbaycanda gözlə görünən nə varsa, bahalaşıb. Sözsüz ki, bu bahalaşma ancaq halal pul qazananları narahat edir.

Amma məni daha çox narahat edən başqa məsələdir. Bu ölkədə gözlə görünən nə varsa, hər şeyin bahalaşdığı bir məqamda ucuzlaşma da var. Yeganə ucuzlaşan sözdü, söz...

Azdan-çoxdan biz də söz adamı sayılırıq, çörəyimiz sözdən çıxır. Yəqin ki, həmkarlarım yaxşı başa düşər, söz adamı üçün sözün dəyərdən düşməsi ac gəzməkdən də pisdir. Söz o qədər urvatdan düşüb ki, söz ustalarının da hörməti qalmayıb. Tay əvvəlki kimi şairə, yazıçıya, jurnalistə məhəl qoymurlar. Təəssüf...

9 günlük bayram və ondan sonrakı qısa dövrdə baş verənlər buna əyani sübutdur. Düz iki həftədir sosial şəbəkələrin, yazılı və elektron medianın gündəmi gic-gic mövzularla dolub. Hətta iş o yerə çatdı ki, nəinki sosial şəbəkələr, edektron media, radio və telekanalların da baş xəbərləri eşşəklə bağlı oldu.

Bekarçılıqdan saytlar eşşək ətinin xeyir və zərərindən, eşşəyin müsbət və mənfi xüsusiyyətlərindən araşdırmalara başladılar. Amma Azərbaycanda eşşək üzrə mütəxəssislər az olduğundan mövzunu çox uzada bilmədilər.

Belə baxanda, həqiqətən çox maraqlı bir ölkədə yaşayırıq. Yemək-içməyimiz bol olsa, yaşamalı yerdir. Çünki bir ölkədə günlərlə eşşək məsələsi müzakirə olunursa, o cəmiyyətdə nəsə var.

Bu dəfə isə başqa bir mənasız mövzunu saqqız kimi uzatmaqla həftəni başa vurduq. Jurnalist həmkarım Xaqani Səfəroğlunun metroda gənclərin öpüşməsinə etirazı sosial şəbəkələrdə geniş müzakirəyə səbəb oldu. Məlum status sosial şəbəkə istifadəçilərini iki cəbhəyə ayırdı. Bir tərəf həmkarımın haqlı olduğunu bildirdi, ictimai yerdə öpüşməni pislədi. Digər tərəf isə iki gəncin öpüşməsində zərərli bir şeyin olmadığını əsas gətirərək həmkarımı tənqid atəşinə tutdu.

Hər kəsin öz fikri var və buna hörmətlə yanaşmaq lazımdır. Bu tipli mövzuların sosial şəbəkədə müzakirəsində qəbahət bir şey yoxdur. Amma metroda öpüşmə məsələsinin ölkə mediasının baş xəbəri sırasına çıxması başadüşülən deyil.

Öpüşmənin insan orqanizminə xeyir və zərərlərindən tutmuş, harda öpüşmək olar-olmaza kimi hər şey yazıldı, pozuldu. Hətta bir sıra rəsmi qurumlardan da öpüşmə ilə bağlı münasibətlər öyrənildi. Eşşək və öpüş məsələsi Azərbaycanda söz və mətbuat azadlığının sərhədlərinin olmadığını göstərdi.

Ayrı vaxt bizdə araşdırma jurnalistikasının olmadığını deyənlər susa bilərlər. Ortada fakt var. Dünyanın heç bir mediası eşşək və öpüş məsələsi ilə bağlı bu qədər detallı müzakirə apara bilməzdi, amma biz ən xırda detallara qədər izah elədik.

İndi nə edək ki, bizdə söz o qədər urvatdan düşüb ki, ancaq eşşək söhbətinə yarayır.Başqa yolumuz da yoxdur. Hər şeyin bir həddi olmalıdır. Movcud durumda "sərhəddən" o tərəfə keçmək isə eşşəklik olar.

скачать dle 10.5фильмы бесплатно




Bölməyə aid digər xəbərlər
6-09-2019, 12:54 Zaur ƏHMƏD - Şərəflə daşınası ad
8-05-2019, 12:47 Zaur ƏHMƏD - Bizi bağışlama, Şuşa - Zaur Əhməd yazır
13-04-2019, 14:40 Zaur ƏHMƏD - Düşmənə arxa çevirməyən kişi... - Z. Əhməd yazır
20-10-2018, 11:06 Zaur ƏHMƏD - Dövlət Babanın gecikən ədaləti
22-07-2018, 08:50 Zaur ƏHMƏD - Urvatsız elmin, urvatlı “alim”ləri
11-05-2018, 23:35 Zaur ƏHMƏD - Əsgərə süpürgə yox, silah verin!
5-05-2018, 08:43 Zaur ƏHMƏD - Hərənin öz payı, yoxsa...
11-04-2018, 20:47 Zaur ƏHMƏD - 24 il gecikən məktub
30-03-2018, 23:00 Zaur ƏHMƏD - Jurnalistikaya akademik söyüşü
17-03-2018, 08:29 Zaur ƏHMƏD - Ağxalatlı terrorçular
18-02-2018, 16:43 Zaur ƏHMƏD - “Cinayət Məcəlləsi” arasındakı rüşvət
27-01-2018, 13:24 Zaur ƏHMƏD - Ürəyinə qələm sancılanlar
15-01-2018, 12:12 Zaur ƏHMƏD - Bizimkilər sponsor axtarır, onlar isə...
16-12-2017, 10:25 Zaur ƏHMƏD - Ordu, yoxsa qələm?
8-10-2017, 15:59 Zaur ƏHMƏD - Səlim Müslümovun arşını
21-08-2017, 12:10 Zaur ƏHMƏD - Qulağı buruq deputatlar
28-07-2017, 19:25 Zaur ƏHMƏD - Vətəndə vətənsizlər
27-06-2017, 19:32 Zaur ƏHMƏD - Şəhidə borc yazanlar
10-05-2017, 12:00 Zaur ƏHMƏD - Dövlət baba, hökumət ata, yetim övlad
2-04-2017, 16:28 Zaur ƏHMƏD - Eşşək, metroda öpüş və söz azadlığı
4-03-2017, 16:55 Zaur ƏHMƏD - Ziya Məmmədova cənnət müjdəsi
19-02-2017, 12:42 Zaur ƏHMƏD - Ramil Usubov və ətrafı
9-01-2017, 12:46 Zaur ƏHMƏD - Dövlət babanın minnət borcu
30-12-2016, 16:00 Zaur ƏHMƏD - Şahverdinin xoruzu
23-11-2016, 19:16 Zaur ƏHMƏD - Deputatlara "paket" verək
23-10-2016, 13:54 Zaur ƏHMƏD - Vicdanı ləkəli hökumət
20-09-2016, 22:54 Zaur ƏHMƏD - Haqqa kor olanlar
8-08-2016, 00:28 Zaur ƏHMƏD - Şəhid payına göz dikənlər
12-07-2016, 23:35 Zaur ƏHMƏD - General kimi yaşamaq, yoxsa?..
25-06-2016, 08:00 Zaur ƏHMƏD - Səlim müəllimin traktorçuları
10-05-2016, 15:49 Zaur ƏHMƏD - Mikayılın nağılı
12-04-2016, 20:40 Zaur ƏHMƏD - Kasıbın şəhid, varlının məmur oğlu
1-02-2016, 19:43 Zaur ƏHMƏD - Məmurlar, rüşvəti manatla alın!
10-11-2015, 22:11 Zaur ƏHMƏD - Haqq-ədalətin əvəzi

{sape_links}{sape_article}