Ordu, yoxsa qələm?
Tarix: 16-12-2017 10:25 | Bölmə: Zaur ƏHMƏD
Ordu, yoxsa qələm?

Milli Məclisin son iclasında yenidən hazırlanmış “Azərbaycan Respublikasının Silahlı Qüvvələri haqqında” qanun layihəsi ikinci oxunuşda müzakirəyə çıxarıldı və qəbul olundu.

Ordu məsələsində həssas olduğumu ətrafımdakılar bilir. Belə görürəm ki, hamı həssasdır. Lakin hərənin özünəməxsus həssas yanaşması var. Bu müxtəlifliyi Milli Məclisdəki müzakirələrdən də gördük.

Ancaq mən bir məsələni - bəzi millət vəkillərinin az qala, ordudan yazmağı qadağan etmələri ilə bağlı mövqeyini anlamadım.

Gəlin, sitatlarla danışaq.

Birinci vitse-spiker Ziyafət Əsgərovdan başlayaq. Mətbuatın ordudan yazmasına deyir ki, Müdafiə Nazirliyinin mətbuat xidməti vasitəsi ilə lazımi şərait yaradılır və bundan artığını etmək düzgün deyil.

Onun ardınca deputat Siyavuş Novruzov bildirir ki, ordunun sirləri qapalı olmalı, mətbuat Müdafiə Nazirliyinin yaydığından kənar məlumatlar yaymamalıdır.

Siyavuş müəllim haqlı saymıram. Bu, artıq senzura kimi bir şeydir.

Doğrudur, dövlət və hərbi sirri yaymaq olmaz. Bu, hamı üçün ali qanundur. Amma oturub Müdafiə Nazirliyinin mətbuat xidmətini gözləmək nə deməkdir?

Hamı bilir ki, bu nazirliyin mətbuat xidməti ən ləng işləyən qurumdur. Mediaya qadağalar qoymaq əvəzinə, bu nazirliyin mətbuat xidmətinin fəaliyyətini gücləndirməyi tələb etmək daha doğru olmazmı, hörmətli deputat?

Bu müzakirələrdə ən düzgün mövqeyi hörmət etdiyim deputat Qüdrət Həsənquliyev ifadə elədi. O, haqlı olaraq peşəkar səviyyədə fəaliyyət göstərən medianın, jurnalistlərin Silahlı Qüvvələr haqqında məlumatlar yazmasına məhdudiyyətlər qoyulmasına etirazını bildirdi.

Q. Həsənquliyevin fikrincə, ordudakı problemlərdən yazmadıqca, o problem daha da artacaq:

“Əlbəttə, hərbi sirr qorunmalıdır və onsuz da qorunur. Amma peşəkar fəaliyyət göstərən jurnalistlərə ordudan yazmağı qadağan etmək, məhdudlaşdırmaq düzgün deyil”.

Əslində, Qüdrət bəy lazım olanı deyib. Peşəkar media nümayəndələri ordu barəsində nə yazmağı yaxşı bilirlər.

İllərlə ordudakı neqativ hallardan ən çox yazanlar sırasında olmuşam. Amma hər zaman ordumuzun maraqlarını öndə tutmuşam. Nə yazıq ki, bu ölkədə məsələnin həlli üçün başqa yol qoymayıblar. Şikayət edirsən, baxan yoxdur. Özbaşınalıq, rüşvətxorluq olur, dinən yox. Nəhayət, məsələ ictimailəşir, o zaman hərəkətə keçirlər. Yəni, bizdə media bir növ yardımçı vasitədir. Problemlərin həllinə start vermək üçün bir araçdır. İndi isə deyirlər ki, sən get, sakit otur yerində, özümüz bilərik.

Mediaya “Sus!” deyən cənablar! Orduya qiymət vermək onun nöqsanlarını gizlətməklə olmur. Şəhidə, Qaziyə, Əsgərə münasibət Orduya qiymətin göstəricisidir. Hökumətdəkiləri deyə bilmərəm, bu xalq zatən Şəhidini, Qazisini, Əsgərini, Ordusunu başının tacı edib. Kimsə Ordusuna xələl gəlməsini istəməz! Odur ki, narahat olmayın! Biz nə yazırıqsa, sevgimizdən yazırıq.

Amma seçim olsa ki, “Ordu, yoxsa qələm?”, bir Şəhid oğlu kimi seçimim Ordudan yana olar.скачать dle 10.5фильмы бесплатно




Bölməyə aid digər xəbərlər
6-09-2019, 12:54 Zaur ƏHMƏD - Şərəflə daşınası ad
8-05-2019, 12:47 Zaur ƏHMƏD - Bizi bağışlama, Şuşa - Zaur Əhməd yazır
13-04-2019, 14:40 Zaur ƏHMƏD - Düşmənə arxa çevirməyən kişi... - Z. Əhməd yazır
20-10-2018, 11:06 Zaur ƏHMƏD - Dövlət Babanın gecikən ədaləti
22-07-2018, 08:50 Zaur ƏHMƏD - Urvatsız elmin, urvatlı “alim”ləri
11-05-2018, 23:35 Zaur ƏHMƏD - Əsgərə süpürgə yox, silah verin!
5-05-2018, 08:43 Zaur ƏHMƏD - Hərənin öz payı, yoxsa...
11-04-2018, 20:47 Zaur ƏHMƏD - 24 il gecikən məktub
30-03-2018, 23:00 Zaur ƏHMƏD - Jurnalistikaya akademik söyüşü
17-03-2018, 08:29 Zaur ƏHMƏD - Ağxalatlı terrorçular
18-02-2018, 16:43 Zaur ƏHMƏD - “Cinayət Məcəlləsi” arasındakı rüşvət
27-01-2018, 13:24 Zaur ƏHMƏD - Ürəyinə qələm sancılanlar
15-01-2018, 12:12 Zaur ƏHMƏD - Bizimkilər sponsor axtarır, onlar isə...
16-12-2017, 10:25 Zaur ƏHMƏD - Ordu, yoxsa qələm?
8-10-2017, 15:59 Zaur ƏHMƏD - Səlim Müslümovun arşını
21-08-2017, 12:10 Zaur ƏHMƏD - Qulağı buruq deputatlar
28-07-2017, 19:25 Zaur ƏHMƏD - Vətəndə vətənsizlər
27-06-2017, 19:32 Zaur ƏHMƏD - Şəhidə borc yazanlar
10-05-2017, 12:00 Zaur ƏHMƏD - Dövlət baba, hökumət ata, yetim övlad
2-04-2017, 16:28 Zaur ƏHMƏD - Eşşək, metroda öpüş və söz azadlığı
4-03-2017, 16:55 Zaur ƏHMƏD - Ziya Məmmədova cənnət müjdəsi
19-02-2017, 12:42 Zaur ƏHMƏD - Ramil Usubov və ətrafı
9-01-2017, 12:46 Zaur ƏHMƏD - Dövlət babanın minnət borcu
30-12-2016, 16:00 Zaur ƏHMƏD - Şahverdinin xoruzu
23-11-2016, 19:16 Zaur ƏHMƏD - Deputatlara "paket" verək
23-10-2016, 13:54 Zaur ƏHMƏD - Vicdanı ləkəli hökumət
20-09-2016, 22:54 Zaur ƏHMƏD - Haqqa kor olanlar
8-08-2016, 00:28 Zaur ƏHMƏD - Şəhid payına göz dikənlər
12-07-2016, 23:35 Zaur ƏHMƏD - General kimi yaşamaq, yoxsa?..
25-06-2016, 08:00 Zaur ƏHMƏD - Səlim müəllimin traktorçuları
10-05-2016, 15:49 Zaur ƏHMƏD - Mikayılın nağılı
12-04-2016, 20:40 Zaur ƏHMƏD - Kasıbın şəhid, varlının məmur oğlu
1-02-2016, 19:43 Zaur ƏHMƏD - Məmurlar, rüşvəti manatla alın!
10-11-2015, 22:11 Zaur ƏHMƏD - Haqq-ədalətin əvəzi

{sape_links}{sape_article}