Ağxalatlı terrorçular
Tarix: 17-03-2018 08:29 | Bölmə: Zaur ƏHMƏD
Ağxalatlı terrorçular

Hər kəs bir gün mütləq ölümlə üzləşəcək. İstər yaxınının, istərsə də özünün timsalında. Amma biri var əcəl, biri də var, əcəli-mayallaq.

Nə yazıq ki, son illər əcəldən çox, əcəl-mayallaqlar yaşamaqdayıq. Ən pisi isə odur ki, insana şəfa verməli olan, həyat qurtarmağı özünə peşə seçən həkimlər - bəlkə də belələrinə həkim demək doğru deyil - əcəli-mayallağın "ssenari müəllifləri” olublar.

Son dövrlər Azərbaycanda həkim səhlənkarlığı və savadsızlığı ucbatından xəstə ölümlərinin sayı durmadan artmaqdadır. Bu hallar o qədər artıb ki, insanlar daha buna təəccüblənmirlər. Artıq bunu həkim səhlənkarlığı və savadsızlığı kimi dəyərləndirmək də doğru deyil. Bu, "həkim terroru”dur, başqa adı ola bilməz!

Uzağa getmirəm. Elə son bir ildə həkim terrorunun qurbanlarına baxın. Birinin "qanqren” olmuş ayağının əvəzinə, sağlam ayağını, o birinin boğaz ətinin əvəzinə, dilçəyini kəsirlər. Cərrah qayçısı xəstənin qarnında qalır. Naşı ginekoloqlar neçə-neçə ananı uşaqsız, körpəni anasız qoyub. Nə qədər gənc qız plastik cərrahiyyənin qurbanı olub. Hələ diş həkimlərini demirəm. Sağlam insanlara o qədər ağır viruslar salan stamatoloqlar olub ki... Hələ bunlar nədir ki? Nə qədər insan həkim terrorunun qurbanı olub ki, səs-sorağı çıxmayıb.

Etinasız yanaşmasam da, sadaladığım acı faktlar mənə xəbər kimi görünüb. Amma insanın yaxını terror qurbanı olanda sarsılır. Məsələnin əsl mahiyyətini varırsan.

Üç gün öncə dayım Ramiz kişi 63 yaşında həkim terrorunun qurbanı oldu. Yox, yox, ağır xəstə filan deyildi, əməliyyat da olunmamışdı. Dayım yaşam tərzinə görə, kifayət qədər sağlam olub. Terror gününə qədər həyət-bacada işləyən, yer belləyən, ağaclara qulluq edən, odun doğrayan, samovar qaynadan, "həftə səkkiz, mən doqquz” manqal başında kabab bişirən adam idi. Həkimə də çox gedən deyildi. Nəsə həkimlə arası yox idi. Sən demə, elə düz edirmiş. Bu həkimlərdən nə qədər uzaq gəzsək, bir o qədər yaxşıymış.

Dayımla terrorçu həkimlərin tanışlığına səbəb 8 mm-lik böyrək daşı oldu. Özünü narahat hiss edən dayım həkimə gedir. Kaş ki, getməyəydi. Bəlkə də türkəçarə üsullarla müalicə olunsaydı, o daş həyatını itirməyə səbəb olmayacaqdı. Amma yanlış müalicə elimizin ağsaqqalını bizdən aldı. 4 günlük müalicədən sonra dağ kimi insan reanimasiyaya yerləşdirildi. Onu da deyim ki, bu terrorçu həkim, dayıma vəziyyətinin yüngül olduğunu, iynə-dərmanın evdə qəbulunu demişdi. Yəni, xəstəliyi ağır olsaydı, xəstəxanada yatmağı məsləhət görərdi. Nə sirri xudadırsa, bu "müalicə kursu” şəfa yox, ölüm gətirdi dayıma. Yaxşı olmadığını demək üçün öz ayağı ilə yenidən xəstəxanaya gələn adamı reanimasiyaya yerləşdirdilər. Bir neçə saat sonra da cansız bədənini bizə verdilər. Beləliklə, daha bir qoca çinar həkim terrorunun qurbanı oldu. Terrordan heç kim sığortalanmayıb.

Dünyanın ən güclü dövlətlərində belə terror olur. Amma bizdəki terror daha təhlükəlidir. Çünki bu dəfə terrorçular insanlara şəfa verən həkimlər kimi ağ qiyafədə olurlar. Odur ki, özünüzü ağxalatlı terrorçulardan qoruyun!

скачать dle 10.5фильмы бесплатно




Bölməyə aid digər xəbərlər
6-09-2019, 12:54 Zaur ƏHMƏD - Şərəflə daşınası ad
8-05-2019, 12:47 Zaur ƏHMƏD - Bizi bağışlama, Şuşa - Zaur Əhməd yazır
13-04-2019, 14:40 Zaur ƏHMƏD - Düşmənə arxa çevirməyən kişi... - Z. Əhməd yazır
20-10-2018, 11:06 Zaur ƏHMƏD - Dövlət Babanın gecikən ədaləti
22-07-2018, 08:50 Zaur ƏHMƏD - Urvatsız elmin, urvatlı “alim”ləri
11-05-2018, 23:35 Zaur ƏHMƏD - Əsgərə süpürgə yox, silah verin!
5-05-2018, 08:43 Zaur ƏHMƏD - Hərənin öz payı, yoxsa...
11-04-2018, 20:47 Zaur ƏHMƏD - 24 il gecikən məktub
30-03-2018, 23:00 Zaur ƏHMƏD - Jurnalistikaya akademik söyüşü
17-03-2018, 08:29 Zaur ƏHMƏD - Ağxalatlı terrorçular
18-02-2018, 16:43 Zaur ƏHMƏD - “Cinayət Məcəlləsi” arasındakı rüşvət
27-01-2018, 13:24 Zaur ƏHMƏD - Ürəyinə qələm sancılanlar
15-01-2018, 12:12 Zaur ƏHMƏD - Bizimkilər sponsor axtarır, onlar isə...
16-12-2017, 10:25 Zaur ƏHMƏD - Ordu, yoxsa qələm?
8-10-2017, 15:59 Zaur ƏHMƏD - Səlim Müslümovun arşını
21-08-2017, 12:10 Zaur ƏHMƏD - Qulağı buruq deputatlar
28-07-2017, 19:25 Zaur ƏHMƏD - Vətəndə vətənsizlər
27-06-2017, 19:32 Zaur ƏHMƏD - Şəhidə borc yazanlar
10-05-2017, 12:00 Zaur ƏHMƏD - Dövlət baba, hökumət ata, yetim övlad
2-04-2017, 16:28 Zaur ƏHMƏD - Eşşək, metroda öpüş və söz azadlığı
4-03-2017, 16:55 Zaur ƏHMƏD - Ziya Məmmədova cənnət müjdəsi
19-02-2017, 12:42 Zaur ƏHMƏD - Ramil Usubov və ətrafı
9-01-2017, 12:46 Zaur ƏHMƏD - Dövlət babanın minnət borcu
30-12-2016, 16:00 Zaur ƏHMƏD - Şahverdinin xoruzu
23-11-2016, 19:16 Zaur ƏHMƏD - Deputatlara "paket" verək
23-10-2016, 13:54 Zaur ƏHMƏD - Vicdanı ləkəli hökumət
20-09-2016, 22:54 Zaur ƏHMƏD - Haqqa kor olanlar
8-08-2016, 00:28 Zaur ƏHMƏD - Şəhid payına göz dikənlər
12-07-2016, 23:35 Zaur ƏHMƏD - General kimi yaşamaq, yoxsa?..
25-06-2016, 08:00 Zaur ƏHMƏD - Səlim müəllimin traktorçuları
10-05-2016, 15:49 Zaur ƏHMƏD - Mikayılın nağılı
12-04-2016, 20:40 Zaur ƏHMƏD - Kasıbın şəhid, varlının məmur oğlu
1-02-2016, 19:43 Zaur ƏHMƏD - Məmurlar, rüşvəti manatla alın!
10-11-2015, 22:11 Zaur ƏHMƏD - Haqq-ədalətin əvəzi

{sape_links}{sape_article}