Reyting.az "Deadline" nəşrinə istinadla bildirir ki, razılaşmaya əsasən, döyüş janrında lentə alınacaq ekran əsəri ancaq "Prime Video" yayım platformasında nümayiş olunacaq.

Filmin süjeti Nyu-York şəhərində yaşayan, lakin fəaliyyətinə görə nüfuzdan düşmüş polis Cek Kelli ətrafında cərəyan edir. Terrorçular onun həyat yoldaşı Mollini girov götürdükdən sonra filmin qəhrəmanı onu xilas etmək üçün ailə üzvləri ilə birləşməyə məcbur qalır.

Yeni layihənin rejissoru Bred Peyton filmin ssenarisini Tse Çun ilə birlikdə hazırlayıb və "Kelli" filminin çəkilişlərinə start verilib.

Oqtay Qorçu

Reyting.az Ermənistan mətbuatına istinadən xəbər verir ki, saat 12:00-dan etibarən Mərkəzi Seçki Komissiyası hər üç saatdan bir seçici fəallığı barədə məlumat açıqlayacaq.

Yeni baş naziri də müəyyən edəcək Ermənistan parlamentində siyasi qüvvələrin vəziyyəti, seçicilərin üçdə birinin yaşadığı paytaxt Yerevan da daxil olmaqla, iri şəhərlərdən məlumatlar daxil olmağa başlayandan sonra, təxminən saat 14:00–15:00 radələrində daha aydın görünəcək. Elektron səslərin hesablanması isə iyunun 8-də saat 08:00-da başa çatacaq.

Qeyd edək ki, Ermənistan parlamenti proporsional seçki sistemi əsasında, yəni yalnız partiya siyahıları üzrə formalaşdırılır. Ermənistanın 9-cu Milli Məclisində yerlər uğrunda 18 siyasi qüvvə - 16 partiya və iki partiya bloku mübarizə aparır. Parlamentə düşmək üçün seçki baryeri partiyalar üçün 4 faiz, partiya blokları üçün isə 8 faizdir.

Qəsdən korlanmış bülletenlər də daxil olmaqla, etibarsız bülletenlər seçkilərin nəticələri hesablanarkən nəzərə alınmır. Bütün siyasi qüvvələr üçün verilmiş etibarlı səslərin və qeydə alınmış hər hansı uyğunsuzluqların cəmi faiz hesablamalarının aparıldığı ümumi göstərici kimi qəbul edilir.

***

Ermənistanda keçirilən parlament seçkilərində səsvermə başa çatıb.

Reyting.az xəbər verir ki, saat 17:00-a olan məlumata görə, səsvermə hüququ olan əhalinin 48,9 faizi artıq öz seçimini edib. Yəni 2 milyon 503 min 976 seçicidən 1 milyon 224 min 957-si artıq səs verib.

Bu da 5 il bundan əvvəlki seçkidəki seçici fəallığından 11 faiz çoxdur.

Seçkilərdə ümumilikdə 18 siyasi qüvvə - iki blok və 16 partiya iştirak edib. Parlamentə girmək üçün partiyalara 4 faiz, bloklara isə 8 faiz (iki partiyaya qədər) və 10 faiz (ikidən çox partiya) hədd müəyyən edilib. Seçici iştirakı üçün hədd nəzərdə tutulmayıb.

Onu da qeyd edək ki, ilkin nəticələrin gecə saat 00:00 radələrində açıqlanacağı gözlənilir.

MSK sədri Vaaqn Ovakimyan seçici fəallığı ilə bağlı məlumatları saat 21:00-da açıqlayacaq.

E. Kamal
 

Reyting.az "Daily Express" nəşrinə istinadən xəbər verir ki, alimlərin fikrincə, bu buzlağın əriməsi bir sıra ölkələr üçün çox ciddi nəticələr doğura bilər.

Qeyd olunur ki, nəhəng buzlağın əriməsi nəticəsində dəniz səviyyəsi yüksələcək. Bu isə ABŞ, Böyük Britaniya, Niderland, Banqladeş, Tuvalu və Maldiv adaları üçün ciddi təhlükə yaradacaq. 

Alimlərin qənaətinə görə, "Qiyamət buzlağı" uzun müddət passiv qala və ya gözlənilmədən sürətlə qoparaq əriyə bilər. Lakin hər iki halda təhlükə qalmaqdadır.

Məlumata görə, bu böyük buz kütləsinin əriməsi nəticəsində bəzi ölkələr, şəhərlər və hətta bütöv adalar ciddi daşqın riski ilə üzləşəcək.

Təxminən 192 min kvadratkilometr sahəni əhatə edən Tveyts buzlağı Qərbi Antarktida buz örtüyünün ən vacib hissələrindən biridir. Alimlər hesab edirlər ki, bu buzlaq bölgədəki digər buz kütlələrinin sabitliyini qoruyan əsas maneələrdən biridir. Onun qoparaq əriməsi halında böyük fəlakətin qarşısını almaq mümkün olmayacaq.

Tədqiqatçıların sözlərinə görə, buzlağın dağılması Qərbi Antarktidada buz örtüyünün böyük hissəsinin çökməsinə səbəb ola bilər. Nəticədə dünya okeanında suyun səviyyəsi təxminən 3,3 metr yüksələ bilər.

Mütəxəssislər bildirirlər ki, Antarktidadakı sahil buzlaqlarının 70 faizindən çoxu hazırda sabit vəziyyətdədir və real təhlükə mənbəyi hesab edilmir.

Oqtay Qorçu
 

Reytingşaz bildirir ki, bu barədə Azərbaycan Premyer Liqası təmsilçisindən məlumat verilib.

H. İsmayılov növbəti iki mövsümdə də "Şamaxı"nın formasını geyinəcək.

Qeyd edək ki, "Şamaxı" Premyer Liqanın 2025/2026 mövsümündə 38 xalla 8-ci olub.(Report)
 

Reyting.az DİM-ə istinadla bildirir ki, bu gün III qrup üzrə DT və TC altqruplarının hər ikisini seçənlər üçün coğrafiya fənni üzrə də imtahan keçiriləcək.

İmtahan Bakı, Xankəndi, Naxçıvan, Gəncə, Şəmkir, Ağstafa, Qazax, Sumqayıt, Abşeron, Şamaxı, Mingəçevir, Şəki, Zaqatala, Bərdə, Göyçay, Ucar, Kürdəmir, Şirvan, Sabirabad, Salyan, Lənkəran, Cəlilabad, Quba və Xaçmazda təşkil olunacaq.

İmtahan saat 10:00-da başlanır. İmtahanın başlanmasına 15 dəqiqə qalmış - saat 09:45-də buraxılış rejimi başa çatır və bundan sonra gələn iştirakçılar imtahan binasına buraxılmırlar.

Abituriyentlər imtahana aşağıdakı sənədləri gətirməlidirlər:

- İmtahana buraxılış vərəqəsi;

- Şəxsiyyəti təsdiq edən sənədin əsli.

a) Azərbaycan Respublikasının vətəndaşları (16 yaşı tamam olmayan iştirakçılar da daxil olmaqla) şəxsiyyət vəsiqəsini;

b) əcnəbilər və vətəndaşlığı olmayan şəxslər Dövlət Miqrasiya Xidməti tərəfindən verilmiş icazə vəsiqələrini, qaçqın statusu almış xarici vətəndaşlar və onların ailə üzvləri isə qaçqın vəsiqələrini;

- Şəxsiyyət vəsiqəsində şəkli olmayan iştirakçılar digər sənədlərlə yanaşı, təhsil müəssisəsi tərəfindən verilmiş və fotoşəkilləri yapışdırılmış arayışı (arayışa iştirakçının 3x4sm ölçülü şəkli yapışdırılır və şəkil möhürlə təsdiqlənir).

İmtahan keçirilən şəhər və rayonlarda, ümumilikdə 212 imtahan binası, 3803 imtahan zalı ayrılıb. İmtahanların idarə olunmasına 212 ümumi imtahan rəhbəri, 605 imtahan rəhbəri, 4716 nəzarətçi, 673 buraxılış rejimi əməkdaşı, 212 bina nümayəndəsi cəlb olunub.

İmtahanda I ixtisas qrupu üzrə 33 986, IV ixtisas qrupu üzrə 6 518, III ixtisas qrupu üzrə DT və TC altqruplarının hər ikisini seçən abituriyentlər üçün coğrafiya fənni üzrə imtahanda isə 11 186 nəfər olmaqla, ümumilikdə 51 690 abituriyentin iştirakı nəzərdə tutulur.

İmtahanda 65 nəfər sağlamlıq imkanları məhdud (gözdən əlil, serebral iflic, eşitmə əngəlli və digər) abituriyent də iştirak edəcək. Onların rahat şəkildə imtahan verməsi üçün imtahan binalarında xüsusi zallar ayrılıb, orqanizmin funksiyalarının 81-100 faiz pozulmasına görə gözdən əlilliyi müəyyən edilmiş şəxslərə isə fərdi nəzarətçilər təyin edilib. Hərəkət məhdudiyyətli abituriyentlərin bina və zala daxil olması və hərəkəti üçün də şərait yaradılıb.

***

Bu gün Dövlət İmtahan Mərkəzi I və IV ixtisas qrupları (o cümlədən III qrup üzrə DT və TC altqruplarının hər ikisini seçənlər üçün coğrafiya fənni) üzrə qəbul imtahanı keçirib.

İmtahan Bakı, Xankəndi, Naxçıvan, Gəncə, Şəmkir, Ağstafa, Qazax, Sumqayıt, Abşeron, Şamaxı, Mingəçevir, Şəki, Zaqatala, Bərdə, Göyçay, Ucar, Kürdəmir, Şirvan, Sabirabad, Salyan, Lənkəran, Cəlilabad, Quba və Xaçmazda təşkil olunub.

İlkin məlumatlara əsasən, 10 nəfərdə mobil telefon aşkarlanıb və onlar imtahandan kənarlaşdırılıblar. Bundan əlavə, 1 nəzarətçi-müəllimdə “ağıllı” saat aşkar edildiyi üçün imtahandan xaric edilib. Hazırda baş verən hallar araşdırılır.

İmtahanda 51690 abituriyentin iştirakı nəzərdə tutulurdu.

İmtahanlarda istifadə olunan açıq tipli tapşırıqların yoxlanılması vaxt tələb etdiyindən nəticələrin 2 həftədən sonra elan olunması nəzərdə tutulur.

Reyting.az xəbər verir ki, bu barədə “Reuters” məsələ ilə tanış olan mənbəyə istinadla məlumat yayıb.

Mənbənin sözlərinə görə, Vaşinqton həmin vəsaitlərdən regiondakı müttəfiq dövlətlərə keçmişdə dəymiş ziyanın kompensasiyası üçün də istifadə etməyi düşünür.

Mənbə bildirib ki, ABŞ-ın maliyyə naziri Skott Bessent İranın Körfəz ölkələrinə vurduğu ziyanı qiymətləndirmək məqsədilə ekspert qrupu təyin edib. Bu qiymətləndirmənin nəticələrinə əsasən, bərpa işləri və kompensasiyalar üçün tələb olunan vəsaitin həcmi müəyyən edilə bilər.

Hansı İran aktivlərinin bu prosesə cəlb olunacağı və ya hansı ölkələrin yardım almaq hüququ qazanacağı hələ dəqiqləşdirilməyib.

Dondurulmuş İran aktivlərinin köçürülməsi və ya istifadəsi üçün mümkün mexanizmin necə tətbiq ediləcəyi də hələ məlum deyil.

Y. Qacar
 

Reyting.az xəbər verir ki, tarixi eradan əvvələ, 340–320-ci illərə aid edilən bu məzar 1857-ci ildə Vulkidə aşkar olunub. Onun əsas dəyəri qədim etrusk və yunan mifologiyasını əks etdirən 37 rəngli freskadan ibarətdir.

Yerli mütəxəssislərin fikrincə, bu rəsmlərin əsas əhəmiyyəti etruskların hakimiyyətini, həmçinin ölüm səbəblərini araşdırmaq və milli kimliklərini, mənşəyini öyrənmək üçün nadir mənbə olmasındadır. Bu barədə rəy verən alimlər həmçinin vurğulayıblar ki, bu abidə xüsusilə erkən Roma tarixi ilə bağlı, qədim mədəniyyət haqqında təsəvvürləri əks etdirən təsvirlər toplusu kimi tarixçilər üçün çox böyük əhəmiyyət daşıyır.

Freskalar Romadakı Milli Etrusk Muzeyinə təhvil veriləcək. Eksponatların 2026-cı ilin iyunun 25-dən ziyarətçilər üçün açılması planlaşdırılır.

Böyük mədəniyyətə və zəngin tarixə malik olan Etrusk xalqı qədim İtaliyanın mərkəzi bölgələrində yaşayıblar. Alimlər bildiriblər ki, etrusklar tarixən Roma mədəniyyətinin və dininin, o cümlədən siyasi ənənələrinin formalaşmasına ciddi təsir göstərmiş xalq hesab olunublar.

Oqtay Qorçu
 

Zəfərimizlə başa çatan İkinci Qarabağ müharibəsindən sonra ikinci dəfə seçki məntəqəsinə dəvət olunan erməni elektoratı sabah, həqiqətən də, çətin tarixi seçimlə üz-üzədir. Beş il əvvəl müharibədə məğlub olmuş baş nazirə məhz sülh istəyi ilə səsini verən vətəndaşların öz seçimini təkrar edəcəkləri gözlənilsə də, hadisələrin kənar qüvvələrin prosesə müdaxiləsi nəticəsində idarəolunmaz xaosa sürüklənəcəyini proqnozlaşdıranlar da var. Hakimiyyətin siyasi seçimi isə birmənalıdır: Ermənistan Avropa İttifaqına daxil olmağı hədəfləyir və ABŞ ilə Cənubi Qafqazda vacib nəqliyyat dəhlizi olacaq “Tramp yolu”nun açılmasına razılıq verib.

Bundan başqa, rəsmi İrəvan Azərbaycan və Türkiyə ilə münasibətləri normallaşdırmaq üçün konkret addımlar atıb. Buna görə də 2026-cı il parlament seçkiləri təkcə iqtidar üçün deyil, həm də xalq üçün geosiyasi seçim anıdır. Bu anı şərtləndirən əsas sual isə hərb, yoxsa sülhdür? Seçki qutusundan hansı cavab çıxacaq? Proqnozlar özünü doğrultmasa, nə baş verəcək? Suallarımza cavabı ölkənin tanınmış siyasi ekspertlərinin iştirakı ilə aramağa qərar verdik.

***

Milli Məclisin deputatı Cavanşir Feyziyev Ermənistanda ictimai-siyasi vəziyyəti yaxından izlədiyini, seçkiqabağı təbliğat dövründə kifayət qədər kənar müdaxilələrin baş verdiyini bildirdi: “Xüsusilə Rusiya həm rəsmi Kreml səviyyəsində, həm də hakimiyyətyönlü media vasitəsilə Ermənistandakı proseslərə kobud müdaxilə edib və bunu hələ də davam etdirir. Amma hesab edirəm ki, Moskvanın bu cəhdləri Ermənistandakı rusiyayönümlü siyasi qüvvələrə öz tərəfdarlarının sayını artırmaq şansını yaratmır. Paşinyan hökuməti vaxtaşırı olaraq Rusiyadan dəstək alan siyasi qüvvələri ifşa edir və nəticədə onların seçki reytinqi getdikcə azalır. Məsələn, hələ seçkilərə 3 ay qalmış aparılan rəy sorğusunda Paşinyanın reytinqi 30 faiz təşkil edirdisə, indiki sorğular bu rəqəmin 60 faizdən yuxarı olduğunu göstərir. Paşinyanın rəhbərlik etdiyi “Mülki müqavilə” partiyasının seçkilərdə qalib gələcəyini indidən söyləmək mümkündür”.

Hazırda Paşinyan tərəfdarlarının, sadəcə, digər rəqiblərdən daha çox səs toplamaq üçün yox, yeni parlamentdə konstitusion çoxluğa nail olmaq uğrunda çalışdıqlarına diqqət çəkən deputat onların seçkilərdə konstitusion çoxluğu əldə etməyə və şəriksiz hökumət qurmağa şanslı olduqlarını dedi: “Əgər bu baş verərsə, Ermənistanda həyata keçməli olan islahatların yolu açılmış olacaq. Belə bir vəziyyət Azərbaycanla sülh sazişinin bağlanmasına da müsbət təsirini göstərəcək.

Əminəm ki, yeni hökumət bu il həm də konstitusiya islahatlarını həyata keçirəcək və bu, bölgədə dövlətlərarası diplomatik və siyasi-iqtisadi münasibətlərin canlanmasına gətirib çıxaracaq. Proseslər təkcə bölgə miqyasında deyil, bütövlükdə, Avrasiya miqyasında siyasi və iqtisadi-ticari trendlərdə özünü göstərəcək”.

***

Türkiyənin Erciyes Universitetinin professoru, ermənişünas alim Qafar Çaxmaqlı Ermənistanda parlament seçkiləri öncəsi dönəmin kifayət qədər gərginliklə müşayiət olunduğunu qeyd etdi: “Əslində, bu seçkilərə referendum havası verən xüsusiyyətlər var. Onu müharibə və sülh tərəfdarlarının, Qərbə inteqrasiya etmək istəyənlərlə rusiyayönümlülərin mübarizəsi kimi də dəyərləndirmək olar. Seçkiqabağı dövrdə açıq göründü ki, iki qüvvə arasında kəskin mübarizə gedir. Seçicilər də hardasa, ikiyə bölünmüş vəziyyətdədirlər. Rusiya seçkiyə göndərdiyi “üçbaşlı” müxalifətə – Samvel Karapetyan, Robert Koçaryan və Qagik Tsarukyanın fraksiyalarına açıq dəstək verir və Ermənistandan Rusiyaya göndərilən bir çox mallara sanksiyalar tətbiq edir ki, bu yolla erməni seçicilərinə təsir göstərsin. Təsadüfi deyil ki, seçkilərə iki gün qalmış Rusiya Prezidenti Vladimir Putin Ermənistanın Avrasiya İqtisadi İttifaqı ilə Avropa İttifaqı arasında seçim etməli olduğunu bir daha dilə gətirdi və bunu tez etməsini istədi”.

Kremlin Ermənistanın Azərbaycanla sülh müqaviləsi prosesinə müdaxilə cəhdlərinə toxunan Q.Çaxmaqlı bu sənədin artıq ABŞ-da paraflandığını və dialoqun vasitəçilərsiz davam etdiyini söylədi: “Azərbaycanla Ermənistan sülh sazişinin bəndlərini heç kimin iradəsi olmadan razılaşdırıblar. Onların yeni platformaya ehtiyacları yoxdur. Bəli, Rusiya növbəti dəfə prosesə müdaxilə etmək üçün səy göstərməkdədir, amma bunlar faydasız cəhdlərdir. Moskva təsir dairəsindən çıxmış Ermənistanda və ümumən Cənibi Qafqazda sözü keçən dövlət görüntüsü yaratmaq istəyir. Rusiya nəzəri cəhətdən Ermənistandakı seçkilərdə hakimiyyət dəyişikliyinə ümid edə bilər. Amma artıq Paşinyan hakimiyyətinin məğlub olacağı mümkün görünmür. Son günlər aparılan rəy sorğularında Paşinyanın partiyası böyük fərqlə öndədir və seçkiqabağı təşviqat kampaniyaları onu göstərir ki, ona dəstək vermək sülhə dəstək vermək anlamına gəlir və erməni xalqı bunun nə demək olduğunu anlayır”.

Alim hesab edir ki, daha çox casusluq fəaliyyəti ilə məşğul olduğunu ortaya qoyan eks-prezident Robert Koçaryan Ermənistanı vətəndaş qarşıdurmasına sürükləməyə çalışır: “Bu isə o deməkdir ki, Ermənistanı yenidən Rusiyanın boyunduruğuna qaytaracaq, Azərbaycanla sülh prosesini arxa plana keçirib, yeni şovinist ideyalarla ortaya çıxacaqlar. Ermənistanda budəfəki seçkilər tarixi seçkilərdir və buna yalnız ölkədaxili siyasi tədbir kimi baxılmamalıdır. Seçkilərdə Paşinyan qələbə çalacağı təqdirdə bölgədə sabitliyin təmin olunmasına daha bir addım yaxınlaşacağıq”.

***

Problemlər yaşayan ölkələrdə seçkilərin də problemli kampaniyalarla müşayiət olunduğuna, bu zəmində Ermənistanın istisna təşkil etmədiyinə diqqət çəkən siyasi icmalçı Tofiq Abbasov elektoratın seçiminə çeşidli vasitələrlə təsir göstərmək cəhdlərini xüsusi olaraq vurğuladı: “Burada söhbət iki istiqamətdən – Şərq və Qərbdən gedir. Eyni zamanda, hərb və sülh arasında seçim məsələsi də var. Hipotetik baxımdan fərz etsək ki, revanşistlər seçkini udub hakimiyyətə gəlsələr belə, bundan sonra heç bir halda Azərbaycana qarşı müharibə gündəmini irəli sürə bilməzlər. Bu reallığı onların özləri də yaxşı anlayırlar. Karapetyan, Koçaryan və digər müxalif namizədlərin arxasınca gedən qüvvələrin iddaları heç bir əsasa söykənmir. Onlar Ermənistanın üzləşdiyi bütün çətinliklərin günahkarı kimi Nikol Paşinyanı göstərirlər. Halbuki siyasi rəqiblər kimi sıravi ermənilər də buraxılan səhvlərdə indiki hökumətdən daha çox əvvəlkilərin təqsirkar olduğunu yaxşı bilirlər. Yəni əsas günahkarlar qeyri-qanuni yolla hakimiyyətə yiyələnmiş revanşist separatçı prezidentlər – Robert Koçaryan və Serj Sarkisyandır. Onların başçılıq etdiyi Ermənistanın seçdiyi paradiqmalar yanlış idi”.

Ermənilərin iki əsrlik saxta ideologiyasının tabutuna mismarları vurmaqla bölgədə reallığı kökündən dəyişən Azərbaycanın bir daha geriyə dönüşə imkan verməyəcəyi şəksizdir. Siyasi icmalçı bunu birmənalı olaraq vurğuladı: “Regionda təsir rıçaqlarının hamısı Azərbaycanın əlindədir. Bəli, indi İrəvan seçim qarşısındadır: ya Qərb, ya da Şərq! Düşünürəm ki, Paşinyan hakimiyyətini qoruyacaq və onun Rusiya ilə qarşıdurma planları siyasi-texnoloji gedişdir. Sadəcə olaraq, parlament müxalifətinin başında rusiyayönümlü Qagik Tsarukyanın durması iqtidara da sərf edən variantdır”.

***

Mövzunu XQ-yə şərh edən politoloq Asif Nərimanlının qənaətincə, Ermənistan elektoratı 7 iyunda Nikol Paşinyan, yaxud Robert Koçaryan və Samvel Karapetyanın timsalında siyasətçilər yox, sülh və müharibə arasında seçim edəcək və bunu Ermənistanın gələcək mövcudluğunu müəyyən edəcək həlledici an hesab etmək olar: “Nikol Paşinyanın liderlik etdiyi hakim komanda seçkiyə sülh proqramı ilə gedir, Koçaryan və Karapetyanın ətrafındakı revanşistlər isə müharibə proqramından çıxış edirlər. Onların Azərbaycanla sülh razılaşmalarını yenidən nəzərdən keçirmək istəkləri yeni müharibənin başlanmasına zəmin hazırlaya bilər. Bu baxımdan, erməni seçicilər partiyaları, yaxud liderləri yox, sülh və müharibəni, ümumilikdə millət və dövlət olaraq öz gələcəklərini seçəcəklər. Bu seçkilər həm də Cənubi Qafqazda Qərb və Rusiya arasında davam edən geosiyasi mübarizədə güc balansını müəyyən edəcək”.

Rusiyanın revanşistlərə dəstək verməklə seçkidən sonra bölgədəki mövqelərini qorumağa, Paşinyanı dəstəkləyən Qərb isə Ermənistanda və bu ölkə üzərindən regionda yeni mövqelər qazanmağa çalışdıqlarını dilə gətirən siyasi icmalçı Ermənistandakı seçkilərin bu qədər gərgin atmosferdə keçməsinin səbəbi kimi geosiyasi maraqların kəsişdiyi coğrafiya ilə izah etdi. A.Nərimanlı ümumi vəziyyətin analizinin seçkidə Paşinyan komandasının şanslarının daha çox olduğunu deməyə əsas verdiyini proqnozlaşdırdı: “Mövcud iqtidar hakimiyyətdə qalacağı təqdirdə, regionda təməli atılmış sülh gündəliyi davam edəcək, əks təqdirdə, müharibə riski yenidən aktuallaşa bilər ki, bu da Ermənistanın dövlət kimi mövcudluğunu sual altına salacaq”.

İmran Bədirxanlı
XQ
 

Reyting.az-ın məlumatına görə, Boris Qrebennikovun baş məşqçisi olduğu kollektiv İsveçdə Yunanıstan yığması ilə üz-üzə gəlib.

Qarşılaşma rəqibin 3:0 (20:25, 22:25, 7:25) hesablı qələbəsi ilə başa çatıb.

Qeyd edək ki, komanda növbəti matçını sabah ev sahibi İsveçə qarşı keçirəcək.(Report)
 

Reyting.az APA-ya istindal bildirir ki, rayonun Aşıqlı kəndində bir neçə evə sel suları dolub.

Həmçinin Göygöl-Toğanalı-Kəlbəcər avtomobil yolunun rayonun Aşıqlı kəndində keçən hissəsində yağışdan sonra evin hasarı uşub. Nəticədə avtomobil yolunda hərəkətdə çətinliklər yaranıb.

Bundan başqa, avtomobil yolunun üzərində yerləşən irigövdəli ağaclar yolunun hərəkət hissəsinə aşıb.

Hazırda əraziyə adiyyəti qurumların əməkdaşları cəlb edilib.

Qərb bölgəsində yağışlı hava şəraiti davam edir.
 

Müəllif: BİRCƏ

(Əbdürrəhim bəy Haqverdiyevin ruhuna sonsuz ehtiramla)

Allah Sənə qəni-qəni rəhmət eləsin, Əbdürrəhim bəy! Bu cızma-qaraları Sənin marallarından ilhamlanıb yazıram.

Məndəkilər çox bicəltəkdilər, səninkilərin əlinə çöpü cüt-cüt verərlər. Gəl gör mənim nə qədər dodağı pöşük, yanbızı şişik, qarpız boyda başının içində darı dənəsi qədər ağlı olmayan, ev yıxan, yuva dağıdan marallarım var. Səndə belələri çətin tapıla.

Mənim də həci, kərbəlayı maralım çoxdu. Bu gün onun birindən danışmaq istəyirəm Sənin müqəddəs ruhunun hüzurunda.

Sinəsi yaralı aşıq sazını basdı sinəsinə, “Paşaköçdü” havası üstündə aldı görək nə dedi…

Mənim yaşadığım kənddən şəhərin işıqları görünməzdi. Amma hamımız bilirdik lap uzaqlarda gözəl şəhərlər var, orda yaxşı adamlar yaşayırlar. Şəxsən mənə elə gəlirdi institutu, universiteti olan diyarların adamları hamılıqla çox savadlı, mədəni, mehriban olurlar. Elə bilirdim o adamlar heç vaxt qonşularıyla dalaşmazlar, bir-birinin toyuğunu oğurlayıb yeməzlər, təndirindən küt aparmazlar. Əlqərəz, işıqlarını görmədiyim şəhərin adamlarını daim əmin-amanlıq içində yaşayan görürdüm.

Adicə məhlə sulamaq üstündə bir-biriylə dalaşan qonşularımıza baxanda loxma boğazımda qalırdı. Bütün günahlar kəndimizin adamlarındadı sanırdım.

Kitabxanamız yoxuydusa da, məktəbimiz varıydı, mədəniyyət evisə ağlımıza da gəlməzdi. Belə baxanda heç məktəbimiz də yoxuydu, məktəb binası bizdən irəliki kənddə yerləşsə də, adı bizimkiydi. Bax buna görə az da olsa şellənirdik.

O dediyim məktəbin yerləşdiyi Quşqapan kəndində qarnı şişik, boğazı deşik, burnu şömbə, qolları dizlərindən aşağı, sallaq dodağının üstündə hitlersayağı bığı, əlində qoyunqığı təsbehi olan bir məxluq yaşayırdı. Evində də bir çətən külfəti. Övladlarının hamısı işindən-gücündən qalmayan zəhmətkeş uşaqlarıydı.

Maralımın adına Dıqıran deyərdilər. Ona qədər ata-anasının çoxlu uşağı tələf olduğundan kəndin hampası Dıqırana belə gavur-moltanı adı qoymuşdu. Yazıq hardan biləydi adı boş qalmış böyüyüb nə, kim olacaq.

İtinə-pişiyinə də ayama qoşan kənd camaatı Dıqıranın da qarşısına uzunqulağın pasportdakı adını əlavə eləmişdi. Ayaması yəqin onun haqqında hər kəsə nəsə demiş olacaq, ta mən artıq söz işlədib baş yormayım.

Dıqıran balalarının heç birini oxutmadı, oxutmağı cəhənnəmə, onlara qarın dolusu çörək, gözü dolusu sevgi belə vermədi. Oğlanları şahın günəyananı kimi işlədilər, gövdəsi yoğunlamış dədə pullarını qamarlayıb özünə maşın aldı, qondu sükanın boynuna.

Hərdən məcbur olanda inəyi də maşınla otarardı. Oğlanları lalıxlamış günün altında yer qazanda, yük çəkəndə Dıqıran qırmızı “Jiquli”sində oturub İbrahim Tatlısəsin mahnılarına qulaq asa-asa şoqqar inəyini güdərdi. Axşam da gərnəşə-gərnəşə süfrə başında oturub, işləməkdən qıçı-qıçına dolaşan, saçları cürcürü, başı qavazaqlı arvadının qovurduğu beçələrin budunu, döşünü kəhildəyə-kəhildəyə, təri alnından loxmasına dama-dama dişinə çəkər, yağlı əlləriylə kələm turşusunu ağzına dürtərdi. Yalnız kələfətir doyub bığını siləndən sonra külfət də əlini bişmişə uzada bilərdi.

Dıqıran asqıranda bütün sovetlik eşidər, dərs vaxtı biz sinifdə diksinərdik. O, kəndin ortasında dana kimi böyürəndə uşaqlar qaçıb ot tayasına təpilərdilər, hələ bəlkə arıq-uruq gəlinlərdən uşaq salanı da olardı.

Qızlarından biri çox bacarıqlıydı, mahalımızdakı xalçaçılıq kursunda oxumuşdu, istədiyi adamın şəklini xalçaya toxuya bilirdi. Həmən bu qız bir gün çox sevdiyi, hamımızın yaxşı tanıdığı artistlərdən birinin şəklini toxuduğu xalçanın üstünə saldı.

Eşşək Dıqıran elə biləsən yatdığı yerdə qızıl yüklü dəvə tapmışdı. Eni bir metr, uzunu iki metr olan xalçanı vurdu qoltuğuna, qızını da pərpiləyib dürtdü maşına, Bakı deyin yol aldı. Nə başınızı ağrıdım, olan-qalan bir tikə abrını da üzündən axıdıb töküb artisti tapdı, xalçanı ona verdi. Maşını dolu qənfet, parça, bir dəst də təzə qəstumla geri qayıtdı.

O gündən qızını evə təpib, ətrafını doldurdu məşhur adamların şəkilləriylə. Ta o qızın üzünü görən olmadı. Qız bir ucdan xırda xalçalar toxudu, dədəsi soraqlaşıb sovqatı ünvanına çatdırdı, ətəyini doldurub geri qayıtdı. Yeyib şişdikcə külfətə qənim kəsildi, arvad-uşağı yağı kimi işlətdi, kəndin toylarında bozbaşdan, araqdan basıb “Meşəbəyi” havasına gəvərə-gəvərə təkcə oynadı, heç kimin də toyuna nəmər salmadı.

Dıqıranın qızı mahalın qoburnatının həşəmətli şəklini xalçaya həkk eləyəndən sonra Quşqapan kəndinin qara günləri başlandı. Eşşək Dıqıran oldu qulluqdarın qurud əzəni, alacağından qırğı aldı, verəcəyinə qarğa verdi. Artıq işə adam qoydurur, işdən adam çıxartdırırdı. Pristavla gəzirdi, hamıya barmaq silkələyirdi. Kəndin yetim-yesiri Dıqıranın odununu yarırdı, bağını suvarırdı. Yekələrdən kimsə ona babat təpinmişdi deyə bığının uclarını sallaq dodaqlarının qırağınacan uzatmışdı.

Kəndin gününü göy əskiyə düysə də, camaat Dıqıranın oğlanlarına görə sevinirdi. Kişi iki oğlunu mahalın gözəgirən yerlərində işə düzəltmişdi. Böyüyü çörək zavodunda nəzarətçiydi, hər axşam yanmış, qurumuş çörəkləri gətirib kəndin dullarına, yoxsullarına paylayırdı. Dədəsi bundan xəbər tutanda qapıları gəzib oğlunun verdiyi çörəkləri geri almışdı, aparıb itinə, inəyinə yedirtmişdi.

Oğlu qorxudan dillənə bilməmişdisə də, işin çəmini tapmışdı: yanıq, quru çörəklərin arasına yaxşılarını da yığıb verirdi Quşqapan kəndinə işləyən avtobusa. Sürücü çörəyi sonuncu dayanacaqdakı tibb məntəqəsinə qoyur, ehtiyacı olanlar gedib ordan götürürdülər.

Quşqapan kəndində hamı mərdimazardan aralı dolanırdı. Bir qılca yaxşılıq elədiyi adam səhəri bu pıspısanın üzünə gülməsəydi, bağı su, ağzı dad görməzdi. Necə deyərlər, çay qaşığıyla verdiyini çömçəylə geri alırdı.

Kəndin gimgəsində çayxana işlədən oğlan bir gecə Dıqıranın qabağını kəsib onu içəri buraxmamışdı: cavanlar içəridə bir az turşməzə kinoya baxırmışlar.

Çox keçməmiş Quşqapan kəndinin çayxanaya toplaşan cavanlarını cələkləyib apardılar, çayxananı da uçurtdular. Səhəri kələçər dana kəndin aralığında səsini başına atmışdı:

– Küçükləriniz lüt-anabülbül arvadlara baxıb nəşə çəkirdilər, mən olmasaydım eviniz yıxılmışdı!..

Bir Allah bilirdi ki, o kəndin cavanları ciyər dolusu siqaret də tapıb çəkə bilmirdilər, Dıqıranın dediyi o cüzamın üzünü belə görməmişdilər. Ancaq bir bəndə irəli durub Dıqıranın bataqlıq kimi bulanıq gözünün içinə bu sözü deyə bilmədi. Kişi evləri, adamları pəsətləyib xəbər uçururdu, ardınca da pristavın pısıx, pələş gədələri gəlib xalxın qapısını döyürdü. İrandakı qohumlarıgildə bir ay qalıb yaxşı sovqatla geri dönən qonşusu tösə Temi əlində oynatdığı təsbehi ona vermədiyinə görə kişini şərlədib qoduqluğa basdırdı.

Beləcə, Dıqıran usanmadan mərdimazarlıq eləməyində, qızı gün üzü görmədən xalça toxumağında, oğlanları da atalarının yabılığını ört-basdır eləməkdəydilər.

Bir gün Dıqıran üstündə Süleyman Dəmirəlin şəkli olan xalçanı Türkiyəyə aparıb orda xeyli ləngidi. Qayıdanda “uçuyorum, qaçıyorum” kimi sözlər işlədirdi. Ondan sonra cavanlar Dıqıranın pota şalvarını sərgidən oğurlayıb içinə cır-cındır yığır, kəndin aralığında tamaşa göstərirdilər. Bütün fellərin sonuna “yorum” şəkilçisi yamayıb lağlağı eləyirdilər. Tamaşaya baxdıqca camaata qoşulub oğlanları da gülürdü.

Bir gecə yenə gimgəyə ova çıxan Dıqıran cavanları çöp tayasının üstündə söhbətləşən görüb onlara hərcayı söyüşlər yağdırır, özünü kəndxudadan da hikkəli aparır. Cavanlar dağılışırlar, gedib başqa döngədə marığa yatırlar. Ay işığında kəndin içiylə loppaz-loppaz gəzən Dıqıranın başına yekə bir çərşov atıb onu yerə yıxırlar, ağzını da tuturlar ki, anqırmasın. Kişini ustaddangəlmə yaxşıca əzişdirirlər. Lotuların bəzisi deyirdi ki, Dıqıran şalvarını batırıb deyə iyrənib onu buraxıblar.

Mərdimazar özünə gələndə yanından bir maşın keçir, çevik tərpənib maşının nömrəsini yaddaşına yazır. Deməyəsən yuxarı kəndin cahılları Quşqapandan aşağı kənddəki ciyəraxşamından deyə-gülə gəlirmişlər. Həmən cavanların hamısını Dıqıran damlatdı. Quşqapan kəndinin lotuları bundan söz düşəndə bic-bic qımışırdılar.

Gəbə toxumaqdan beli əyilmiş qıza bir gün yaxşı yerdən elçi gəldi. Dədəsi daş atıb başını tutdu. Bayquşun ovu ağzına düşər deyiblər, qız getsəydi, Dıqıranın sehirli ağacı əlindən düşəcəkdi, el içində tasalana bilməyəcəkdi. Axırda qızı üzünə qayıtdı, ona elçi düşən oğlanın əlini buraxmadı. Vaxt ötdü, vədə yetişdi, oğlan evi gəlini aparmağa gələndə Dıqıranın eşşəkliyi yenə tutdu, kürəkənin atasına dedi ki, sənə qızıl yumurtlayan toyuq verirəm, sən də mənə filan qədər südpulu verməlisən. Ara qarışdı, məzhəb itdi, oğlan evi əliboş geri qayıtdı.

Quşqapan kəndi belə məzhəkə görməmişdi. Balaları, qardaş-bacıları ilk dəfə Dıqıranın üzünə ağ oldular, iş o həddə çatdı ki, axşam Dıqıran özü qızını maşına mindirib oğlan evinə apardı. Qızın toxuculuq alətləri, hanası, sapı, ilməsi olan otağın qapısına qıfıl vurub açarını cibinə qoydu.

İnsafən oğlan evi o qızın qızıl yumurtalarına göz dikmədi. Vaxt ötdükcə şad-xürrəm yaşayan gənc ailənin bəxtəvərliyi Dıqıranın gözünə batmağa başladı. Xalça biznesi əlindən çıxandan elə biləsən kişinin sehri sınmışdı, camaat ona salam-zad vermirdi, daha qabaqkı kimi bərkdən öskürüb-asqıra da bilmirdi. Ac adam doqquz evə gedə bilər, lüt adam heç qapısından çıxa bilməz – Dıqıran bax həmən lütə çevrilmişdi.

Bir gün fınxırıb hücum çəkdi, qızını ər evindən qoparıb geri qaytardı. Əlipayalı qapıda yatıb bir ayda ona üstünə Obamanın şəkli həkk olunan xalça toxutdu. Bu minvalla qızının ailəsini dağıtdı. Azmış kimi arıq, vızbaş arvadını da bəyənmədi, hardansa eyzən gülən, cavanlara qənfet tullayan bir sinəçax cüvənəzan tapıb gətirdi. Oğlanları elə həmən gün yığışıb, analarını da götürüb getdilər…

Dıqıran artıq məşədi, kərbəlayı olmuşdu. Başına qəribə fəslər qoyurdu, bir də görürdün yolun qırağındakı otluqda namaz qılır. Duasını dodağının altında pıçıldayır, təkcə “Allahu-əkbər” sözünü bərkdən deyirdi, bu vaxt sərçələr budaqlardan pırıltıyla uçurdu, hörüklü at hürkürdü, çəmənlikdə dənlənən hinduşkalar hıçqırışırdı. Səsi nə qədər gur, vahiməli olsa da, Allaha çatan səs deyildi, necə deyərlər, dili İncil oxuyur, ürəyi şər toxuyurdu.

Kənddə hamı Dıqıranın Amerikaya gedib xalçanı Obamaya təqdim eləyəcəyi günü gözləyirdi. Hamı onu televizorda görəcəkdi – özü belə deyib camaatın qulağını doldurmuşdu. Hələ Obamaya Qarabağın pambıq bəylərindən də danışacaqdı.

Dıqırana ən yekə pisliyi də elə Obama elədi – ona viza vermədilər. Kişi Quşqapan kəndinin ortalığında bəlğəm qaynadan sinəsini irəli verib hökküldəyirdi:

– Kül başına ay kəklik, səni qarğalar dimdikləyir. Ayə, ay Səfər, mən Səddam Hüseynə bu əllərimlə gəbə bağışlayan adamam ey, indi Amerika səfirliyi mənə viza vermir. Alacam, onları mələdə-mələdə alacam!..

Bir həftə sonra Obamanın şəkli toxunmuş xalçanın üstündə kəndə Dıqıranın meyidi qayıtdı. Mən özüm gedib görmədim, görənlər dedilər ki, kişinin qanı axan yekə başını Obamanın düz üzünə qoymuşdular.

Xalam deyirdi Dıqıranın özü kimi yekəpər bacısı qardaşını belə ağlayırmış:

– Qanlım sənsən, Obama, niyə qağamı qanına bələyib yolladın obama?..

Dıqıranın meyidi axşamdan ta günçıxana kimi seyvanında eləcə əynigeyincəkli qalıb. Heç kim irəli durub onun qanlı paltarını soyundurmayıb, ayrıq çənəsini çəkib kilidləməyib, bir tayı corablı, bir tayı corabsız ayaqlarını cütləyib çataqlamayıb.

Quşqapan kəndi Dıqıranın müsibətinə eləcə tamaşaya baxan kimi baxıb. Gün qızıb günortanı keçsə də, heç kim çırmanıb qəbir qazmağa getməyib. Oğlanları başlarını qaldırıb elin üzünə baxa bilməyiblər.

Xalam deyirdi:

– Yetimdar Tavat gəlməsəydi, bəlkə də oğlanları Dıqıranı itin-zadın qabağına atacaqdılar. Kim öz dədəsini təkcənə basdırıb ki?

Tavat elin qabağında saçını-başını yolub töküb:

– Ay camaat, Dıqıranı qoyun qırağa, bəs bunun oğlunun qollarında daşıdığı çörəklə mən yetimlərimi bələ-böyür eləmədimmi?! Balaca oğlu hamımızın xeyrinə-şərinə yaramadımı?! İrəli durun, küsümüz küsü olsun, gəlin atımızı sulayaq. Heç meyidi yumayın, gedin bir çala qazın, yumalayaq salaq ora, üstünü örtək. Belə zülüm olmaz axı!

El yetimdar Tavatdan utanıb irəli durub. Meyidi suda çalpalayıb ağa bürüyüblər, molla dalınca getməyə vaxt qalmadığından cavanlardan biri Fatihə oxuyub. Di gəl, heç kim irəli durub Dıqıranın iki oğluyla qollaşmayıb, heç kim mafənin altına çiyin verməyib. Yenə Tavat arvad hay-haray salıb kirvələrini çağırıb, meyidi hallacı götürüb atıblar kirvənin “Qazel”inə. Ona qədər Quşqapan kəndində heç bir ölünün meyidi qəbiristanlığa maşınla aparılmamışdı.

Məzarlıqda qonşunun oğlu Dıqıranın oğlanlarıyla qollaşıb kişini elə yuxarıdan qəbrinə yumalayıb. Xalamın əri deyirmiş Dıqıranın meyidi çalaya dombaltma düşdü, heç kim qəbirə girib ölünün başını qibləyə sarı çevirmədi, camaat tez irəli durub üstünü torpaqladı – guya bir an geciksəymişlər, meyid durub qaçacaqmış…

Dıqıranın ehsanını da yeyən olmadı. Hərçənd ucsuz-bucaqsız axur kimi baxdığı bu dünyada özünün yemədiyi bir şey qalmamışdı.

Aprel 2026-cı il

Reyting.az APA-ya istinadən xəbər verir ki, hadisə rayonun Çovdar kəndi ərazisində qeydə alınıb.

Kəlbəcər rayon sakini, 1996-cı il təvəllüdlü B. Kamalov kənd ərazisində at belində mal-qara otaran zaman onu və mal-qaranı ildırım vurub. Nəticədə 30 yaşlı kişi müxtəlif xəsarətlər alıb, bir iribuynuzlu heyvan tələf olub. 

Xəstəxanaya yerləşdirilən şəxsin vəziyyətinin kafi olduğu bildirilir.

Qeyd edək hazırda qərb bölgəsində qeyri-sabit hava şəraiti davam edir.

Reyting.az xəbər verir ki, neft ehtiyatlarına görə 10 ölkənin reytinq siyahısı tərtib olunub.

Ekspertlər bildirirlər ki, neftin keyfiyyəti və hasilat şərtləri bir çox ölkələrin dünya neft bazarındakı mövqeyinə ciddi təsir göstərir.

Məlumata görə, Yaxın Şərq ölkələri asan hasil oluna bilən və keyfiyyətli neft yataqları sayəsində neft bazarında aparıcı rol oynayır. Alimlərin fikrincə, "qara qızıl" adlanan sərvət ölkələrin əbədi xəzinəsi deyil. Məhz buna görə, elm adamları böyük ehtimalla yaxın gələcəkdə neft ehtiyatlarının tükənə biləcəyini nəzərə alaraq öncədən tədbirlər görmək və alternativ enerji mənbələri üzərində araşdırmalar aparmaq yollarını araşdırırlar.

Lakin buna baxmayaraq, neft indiyə qədər dünya iqtisadiyyatının əsas enerji və xammal mənbələrindən biri hesab olunur.

Ekspertlər vurğulayırlar ki, neftin necə kəşf edildiyini və axtarıldığını öyrənmək üçün hətta Rusiyanın Yuqra bölgəsinə də baş çəkmək kifayətdir. İnfoqrafikaya əsasən, burada dünya neftinin təxminən 7 faizi və Rusiyada hasil olunan neftin isə təxminən 50 faizi çıxarılır.

Neft ehtiyatlarına görə, yeni infoqrafikada yer alan 10 lider ölkə bunlardır:

1. Venesuela
2. Səudiyyə Ərəbistanı
3. İran
4. Kanada
5. İraq
6. Birləşmiş Ərəb Əmirlikləri
7. Küveyt
8. ABŞ
9. Rusiya
10. Liviya

Oqtay Qorçu
 

Reyting.az xəbər verir ki, təbrik məktubunda deyilir:

"Əlahəzrət,

İsveç Krallığının milli bayramı münasibətilə Sizi və Sizin simanızda bütün xalqınızı öz adımdan və Azərbaycan xalqı adından ürəkdən təbrik edir, Sizə möhkəm cansağlığı, xoşbəxtlik, xalqınıza daim firavanlıq diləyirəm".
 

Reyting.az xəbər verir ki, bu barədə "Variety" nəşri yazıb. 

Nolanın bu filminə ABŞ-da böyüklər üçün nəzərdə tutulan "R" reytinqinin verilməsi çoxları tərəfindən təəccüblə qarşılanıb. Məlumata görə, bunun səbəbi açıqlanmasa da, filmdə zorakılıq səhnələrinin daha çox olduğu ehtimal edilir. 

İnsayderlər "Variety" nəşrinə deyiblər ki, demək olar, 300 milyon dollarlıq büdcəyə malik olan bu ekran əsəri eyni zamanda Hollivudun kino tarixində ən bahalı "R" reytinqli filmlər sırasına düşə biləcək. 

"Odisseya" filminin müəllifi kimi rejissor Kristofer Nolan üçün bu xəbər qeyri-adi qərar olub ki, bunun da əsas səbəbi onun əvvəlki blokbasterlərinin ancaq "PG-13" reytinqi alması ilə bağlıdır.

Oqtay Qorçu

Reyting.az-ın məlumatına görə, şirkətdən bildiriblər ki, qanadın ön hissəsinə yerləşdirilən elektrik kanallı pərlər xüsusi hava axını yaratmaqla, yüksək qaldırıcı qüvvəni təmin edir. Bu isə ən müasir model nümunəsi sayıla bilər. 

Mütəxəssislər deyiblər ki, təqdim olunan  yeni texnologiyalar daha səssiz və sadədir. Xüsusi qeyd olunub ki, hazırda "JetFoil" ABŞ ordusu və NASA ilə birgə ilkin sınaqlardan keçirilir.

Sınaqlarda iştirak edənlər bildiriblər ki, yeni pərlər gözləniləndən də uğurlu, qeyri-adi səviyyədə keyfiyyətli alınıb və hava axınının 90 dərəcə istiqamətləndirilməsi zamanı 95 faizdən çox səmərəlilik nümayiş etdirir. Bu xüsusiyyət "JetFoil" sistemli yeni təyyarəyə eyni platformadan adi, həmçinin qısa məsafəli və yaxud şaquli qalxmaq üçün istifadə etməyə imkan verir.

Mütəxəssislər hesab edirlər ki, yeni və müasir texnologiya pilotsuz uçuş aparatlarında, hava taksilərində, həmçinin məhdud sahələrdən səmaya uçuşu sərbəst təmin edə biləcək yaxın gələcəyin aviasiya platformalarında geniş tətbiq oluna bilər.

Oqtay Qorçu

Reyting.az Dövlət Sərhəd Xidmətinə (DSX) istinadla bildirir ki, həmin şəxslər Əfqanıstan vətəndaşları - 1999-cu il təvəllüdlü Amini Del Aqa və 2003-cü il təvəllüdlü Rahimi Nazirgüldür.

Əməliyyat-qoşun tədbirləri DSX Sərhəd Qoşunlarının "Horadiz" sərhəd dəstəsinin xidməti ərazisində həyata keçirilib.

Fakt üzrə əməliyyаt-istintaq tədbirləri dаvаm еtdirilir.
 

"Fitch" bildirib ki, Azərbaycanın ölkə tavanı uzunmüddətli xarici valyuta emitentinin defolt reytinqindən (BBB-) bir pillə yuxarı olan "BBB" səviyyəsində müəyyən edilib.

Azərbaycanın reytinqləri ölkənin çox güclü xarici mövqeyi, digər ölkələr arasında ən aşağı dövlət borc səviyyəsi və ölkənin əhəmiyyətli suveren sərvət fondu aktivləri ilə təmin edilən yüksək maliyyə çevikliyi ilə dəstəklənir.

"Yaxın Şərq münaqişəsinin yaratdığı yüksək neft qiymətləri neft və qaz gəlirlərini artıracaq və bu da 2026-cı ildə suveren valyuta aktivlərinin 93 milyard ABŞ dollarına (və ya proqnozlaşdırılan ÜDM-in 117%-i) qədər artmasına səbəb olacaq. Bu məbləğin 84%-i Azərbaycan Dövlət Neft Fondunda (ARDNF), qalan hissəsi isə Azərbaycan Mərkəzi Bankının (AMB) beynəlxalq ehtiyatlarında saxlanılacaq. Xalis suveren xarici aktivlər ÜDM-in 73%-nə çatacaq ki, bu da "BBB" kateqoriyasında reytinq alan ölkələr arasında ən yüksək göstəricidir", - deyə məlumatda qeyd olunub.

"Fitch" vurğulayıb ki, neftin daha yüksək qiymətləri və orta idxal tələbi cari hesab profisitinin 2025-ci ildə ÜDM-in 4,6%-i ilə müqayisədə 2026-cı ildə ÜDM-in 9%-nə qədər artmasına imkan verəcək.

2027-ci ildə neft və qaz qiymətlərində gözlənilən eniş cari hesab profisitinin daralmasına səbəb olacaq, lakin bu, çox güman ki, analoji ölkələrin profisitindən yüksək qalacaq və mülayim tempdə olsa da, valyuta aktivlərinin daha da yığılmasını dəstəkləməyə davam edəcək.

"2026-cı ildə ÜDM-in proqnozlaşdırılan 5,6%-nə yüksəldikdən sonra, neft qiymətlərinin aşağı düşməsi, qeyri-neft gəlirlərində orta artım və nisbətən sabit xərclər, həmçinin hökumətin müdafiəyə və azad edilmiş ərazilərin yenidən qurulmasına prioritet verməyə davam etdiyi üçün konsolidasiya edilmiş büdcə profisitinin 2027-ci ildə azalacağını gözləyirik", - deyə xəbərdə vurğulanıb.(Report)
 

Professor Cümşüd Nuriyev “Reytinq” qəzetinə açıqlamasında bildirib ki, Rusiya Nikol Paşinyanın yenidən hakimiyyətə gəlməsində maraqlı deyil və onun rəqibi kimi təqdim olunan Samvel Karapetyana dəstək verir.

C. Nuriyevin sözlərinə görə, Avropa və ABŞ-nın Paşinyanı müdafiə etdiyi də hiss olunur.

Professor hesab edir ki, seçkilərin birinci mərhələsində ciddi nəticə əldə olunmayacaq: “Bu səbəbdən əsas qarşıdurma iyunun 21-də keçiriləcəyini ehtimal etdiyim ikinci mərhələdə baş verə bilər. Bu mərhələdə Paşinyan qalib gələ bilər. Ancaq müəyyən qüvvələr çalışacaq ki, seçkilərin ikinci mərhələsi ərəfəsində qan tökülsün, vəziyyət gərginləşdirilsin. Bir növ Ermənistanda Ukrayna ssenarisi baş versin”.

Nuriyevin fikrincə, Paşinyan seçkilərdə məğlub olarsa, Ermənistan dövlət kimi mövcudluğunu qoruyub saxlamaq baxımından ciddi problemlərlə üzləşə bilər:

“Qənaətimcə, Paşinyan seçkini uduzduğu təqdirdə, Zəngəzur məsələsi Azərbaycanın xeyrinə həll oluna bilər. Bizim üçün Ermənistanda hakimiyyətə kimin gəlməsinin elə də böyük fərqi yoxdur. Çünki Prezident İlham Əliyevin bu məsələ ilə bağlı planı çoxdan hazırdır. Sadəcə, Paşinyan qalib gələ bilməsə, bu, ilk növbədə Ermənistanın özünə zərər verəcək”.

Nuriyev qeyd edib ki, hazırda Rusiyada Ermənistanla bağlı fəaliyyət göstərən bəzi siyasətçilər ritorikalarını sərtləşdirərək İrəvana qarşı təhdidedici bəyanatlar səsləndirirlər:

“Mən Konstantin Zatulini, Aleksey Overçuku və digərlərini nəzərdə tuturam. Onlar uzun müddətdir Ermənistan hökumətini tənqid edirlər. Lakin onların bu çıxışları Paşinyanın ölkə daxilindəki dəstəyinin artmasına səbəb olur.

Rusiyanın Paşinyanın yenidən seçilməsindən narahat olduğunu görürük. Bu baxımdan seçkilərin nəticələri böyük maraq doğurur. Ümumiyyətlə, son dövrlərdə Rusiyada Azərbaycanla bağlı çağırışlar da səslənir, xüsusilə Azərbaycanın Avrasiya İqtisadi İttifaqına qoşulması ilə bağlı fikirlər irəli sürülür. Görünür, bəzi dairələr Ermənistanın bu qurumdakı rolunun Azərbaycanla əvəzlənməsinə müsbət yanaşırlar. Əslində, mən burada ciddi problem görmürəm. Bu iqtisadi birlikdə bizim tərəfdaşlarımız olan Qazaxıstan və Özbəkistan da təmsil olunur. Üstəlik, Azərbaycanın dünya ilə geniş iqtisadi əlaqələri formalaşıb”. 

Professor əlavə edib ki, hazırda həm Azərbaycanın, həm də region ölkələrinin diqqəti Ermənistandakı seçkilərin nəticələrinə yönəlib. Çünki bu nəticələr Ermənistanın gələcək inkişaf istiqamətini müəyyənləşdirəcək.

Nemət Orucov
Reyting.az
 

Reyting.az xəbər verir ki, Amerika Birləşmiş Ştatları ən böyük hərbi büdcəsi ilə liderliyini ötən ildən qoruyur. 

Siyahıda ancaq hərbi büdcə kəsiri olmayan ölkələrin adları yer alıb. 

Lider ölkələrin siyahısında olan Çin isə 336 milyard dollarlıq hərbi büdcə ilə infoqrafika reytinqində ikinci yerdədir. Bu ölkənin müdafiə xərclərində son 20 ildə davamlı artım müşahidə olunub.

Ən çox hərbi büdcəyə malik olan ölkələrin sırasında Rusiya, Almaniya, Fransa, Böyük Britaniya, Ukrayna, İtaliya ilə yanaşı Polşa və İspaniya da yer alıb.

Statistika ilə bağlı məlumatları analiz edən mütəxəssislər vurğulayıblar ki, Asiya-Sakit okean regionundakı Hindistan, Yaponiya və Cənubi Koreya, Avstraliya, Tayvan ilə Sinqapur kimi ölkələrin son illər müdafiə büdcələrini artırmaları da bu bölgədə hərbi sahədə rəqabətin güclənməsini göstərir. 

Məlumata görə, bu ölkələr sırasında xüsusi seçilən Hindistanın hərbi xərcləri təxminən 92 milyard dolları ötüb ki, bu da onun dünya liderləri arasında beşinci yerə yüksəlməsinə səbəb olub. Yaponiya isə öz hərbi xərclərinə 62 milyard dollardan çox vəsait ayırmaqla, genişmiqyaslı hərbi güclənmə proqramını böyük uğurla davam etdirməklə, İkinci Dünya Müharibəsindən sonra ölkə səviyyəsində yüksək göstəricilər əldə edib.

Oqtay Qorçu

Elm adamlarının fikrincə, Avropa dillərində çoxsaylı sözlər oxşar səslənsə də, məhz pul anlayışını ifadə edən sözlərin əhəmiyyətli hissəsi mənşəcə fərqlənir və daha çox alınma sözlərə bənzəyir.

Reyting.az xəbər verir ki, 2026-cı ilin infoqrafik hesabatını hazırlayan mütəxəssislərin qənaətinə görə, rus dilindəki “denqi” sözünün mənşəyi türk dillərinə bağlıdır. Araşdırmalar göstərir ki, bir sıra türk xalqlarında xırda gümüş və ya mis sikkələr “təngə” adlanıb.

Avropalı tədqiqatçılar hesab edirlər ki, bu versiya tarixi faktlara daha yaxındır. Çünki “denqi” sözü Rusiyaya Qızıl Orda dövründə daxil olub. Sonralar “denqa” yarım qəpiklik sikkənin adı kimi işlədilsə də, zaman keçdikcə ədəbi və danışıq dilində ümumi “pul” mənası qazanaraq bütün pul növlərinə şamil edilib.

İngilis dilində pul “money” adlanır. Bu sözün mənşəyi ilə bağlı aparılan araşdırmalar alimlərin diqqətini yenidən cəlb edib. Tədqiqatçılar bildirirlər ki, “money” sözü latınca “moneta” sözündən yaranıb və bununla bağlı kifayət qədər elmi sübut mövcuddur. Roma mifologiyasında Moneta ilahə Yunonanın adlarından biri olub. Onun məbədinin yaxınlığında yerləşən böyük zərbxana səbəbindən “moneta” sözü sonradan pul anlayışı ilə əlaqələndirilib.

Araşdırma müəlliflərinin sözlərinə görə, roman dillərinin bir çoxunda pulu ifadə edən sözlər qədim Roma sikkəsi olan “denarius”un adından törəyib. Maraqlıdır ki, qədim Şərq ölkələrində də “dinar” adlı pul vahidi mövcud olub.

Fransız dilində pul mənasında işlədilən “argent” sözünün tarixi də diqqət çəkir. Bu söz eyni zamanda “gümüş” mənasını verir və qədim latın dilindəki “argentum” sözünün müasir forması hesab olunur.

Alman dilindəki “Geld” sözü isə qədim german mənşəlidir. Bu söz yalnız “pul” deyil, həm də “ödəniş”, “əvəz” və ya “əvəz etmək” mənalarını ifadə edir.

Mərkəzi Avropanın bir sıra ölkələrində pul anlamında işlədilən oxşar sözlərin əksəriyyətinin kökü qədim slavyan dilindəki “penyaz” sözünə bağlanır. Dilçilərin fikrincə, həmin söz qədim alman dilində pul mənasını verən “pfenninq” sikkəsinin adından götürülüb.

Belarus dilində pul “qroşı”, Ukrayna dilində isə “qroşi” adlanır. Bəzi alimlər bu sözlərin polyak dilindən keçdiyini və mənşəcə orta əsrlərdə geniş yayılmış “qroş” adlı gümüş sikkənin adı ilə bağlı olduğunu bildirirlər. Bununla belə, “qroş” sözünün tarixi mənşəyi barədə tədqiqatçılar arasında hələ də vahid fikir formalaşmayıb.

Oqtay Qorçu

Reyting.az xəbər verir ki, akademikin fevral ayında yazdığı ərizə bu gün təsdiqlənib.

Eyni zamanda, bu gün direktor müavini təyin olunan Elçin Vəliyev Geologiya İnstitutunun direktoru vəzifəsinin səlahiyyətlərini müvəqqəti icra edəcək.

Elm və Ali Təhsil üzrə Dövlət Agentliyi faktı APA-ya təsdiqləyib.
 

Reyting.az xəbər verir ki, su təsərrüfatı və meliorasiya sahəsində səmərəli fəaliyyətinə görə aşağıdakı şəxslər təltif ediliblər:

2-ci dərəcəli "Əmək" ordeni ilə

Quliyev Zakir Bəybala oğlu

Məmmədov Etibar Kərim oğlu

3-cü dərəcəli "Əmək" ordeni ilə

Bəşirov Yaşar Miskin oğlu

Əliyev Siyah Əli oğlu

Fərzəliyev Mehrəli Məmməd oğlu

Qafarlı Adil Rzaquli oğlu

Nəsirov Əlizadə Vahid oğlu

Seyidov Mirkamil Miriş oğlu

"Tərəqqi" medalı ilə

Allahverdiyev Hüseyn Məmməd oğlu

Aşumova Nərminə Nazim qızı

Əhədi Yusif Məmmədağa oğlu

Əliyev Səxavət Qədimalı oğlu

Əliyev Taleh Həbulla oğlu

Həmidov Akif Dəyyam oğlu

Xanverdiyev İntiqam Yunus oğlu

Qasımov Zahid Süleyman oğlu

Qoçəliyev Vüsal Aslan oğlu

Paşayev Mehdi Paşa oğlu

Səfərov Emil Qanbay oğlu

Səmədov Vasif Abid oğlu

Vəliyev Yaşar Həsən oğlu

"Dövlət qulluğunda fərqlənməyə görə" medalı ilə

Rüstəmov Oktay Musa oğlu.

Reyting.az xəbər verir ki, sərəncamla Azərbaycan milli yığma komandasının 2026-cı il minifutbol üzrə Avropa çempionu olması ilə əlaqədar 2026-cı il dövlət büdcəsində nəzərdə tutulmuş Azərbaycan Prezidentinin ehtiyat fondundan Azərbaycan Minifutbol Federasiyasına 1 milyon manat ayrılıb.

Maliyyə Nazirliyi Sərəncamda göstərilən məbləğdə maliyyələşməni təmin etməlidir.

Qeyd edək ki, minifutbol üzrə Azərbaycan millisi Slovakiyada keçirilən Avropa çempionatının qalibi olub.

Reyting.az xəbər verir ki, kvant fiziklərinin yeni araşdırmasına əsasən, əvvəllər yalnız elmi fantastika kimi qiymətləndirilən, "İnterstellar" filmində təsvir olunan keçmişə məlumat ötürülməsi ideyası nəzəri baxımdan mümkün görünür.

Alimlər bildiriblər ki, onlar ümumi nisbilik nəzəriyyəsinə əsaslanan və elmdə "CTC" (qapalı zamanabənzər əyrilər) kimi tanınan modeli araşdıraraq məlumatın keçmişə göndərilməsinin riyazi əsaslarını hazırlayıblar. Yeni tədqiqatlarda zaman paradokslarının qarşısını almağa imkan verən təkmilləşdirilmiş "P-CTC" modelindən istifadə olunub.

Araşdırmalara görə, qravitasiyanın zaman ölçülərinə təsirindən istifadə etməklə müəyyən məlumatların keçmişə ötürülməsi nəzəri baxımdan mümkündür. Tədqiqatçıların fikrincə, bu konsepsiya məşhur filmdə qəhrəmanın qızına keçmişə mesaj göndərdiyi səhnəni xatırladır.

Alimlər vurğulayıblar ki, əldə olunan nəticələr hələlik yalnız nəzəri xarakter daşıyır. Onların sözlərinə görə, gələcəkdə fotonlardan istifadə etməklə kvant səviyyəsində məlumatın zaman boyunca ötürülməsini laboratoriya şəraitində sınaqdan keçirmək planlaşdırılır.

Oqtay Qorçu
 

Reyting.az-ın "Bloomberg" agentliyinə istinadla verdiyi məlumata görə, mütəxəssislər bildiriblər ki, belə almazlar qabaqcıl çiplərin istehsalında istiliyi daha səmərəli yaymaq üçün istifadə edilir və çox güclü yarımkeçiricilərin hazırlanmasına imkan yaradır.

Çinli istehsalçılar deyiblər ki, almazların istilikötürücü kimi effektivliyi təsdiqləndikdən sonra sifarişçilərin maraqlarına uyğun şəkildə kommersiya tədarükünə başlayıblar. Bu səbəbdən "Zhecheng Huifeng Diamond Technology Co." və "SF Diamond Co" şirkətlərinin səhmləri son bir neçə gün ərzində 40-51 faiz arasında bahalaşıb.

Mütəxəssislər hesab edirlər ki, almaz ənənəvi mis və alüminium əsaslı soyutma materiallarını əvəz edə bilər. "SF Diamond" şirkəti isə artıq bu sahədə irəliləyiş edib və xarici müştərilərə ilk nümunələr kimi kiçik həcmli almaz istilikötürücüləri göndərməyə başlayıb, "Henan Liliang Diamond Co." Çin şirkəti isə almaz istehsalının ilk mərhələsini işə salıb.

Çinli ekspertlər qeyd ediblər ki, son zamanlar investorlar süni intellekt sənayesində yeni inkişaf istiqamətləri axtardığından, sintetik almaz sektoru diqqət mərkəzinə çevrilib.

Oqtay Qorçu
 

Reyting.az xəbər verir ki, bu barədə Xarici İşlər Nazirliyinin mətbuat katibi Ayxan Hacızadə məsələni şərh edərkən deyib.

O qeyd edib ki, həmin məqalədə yer alan iddialar Azərbaycan tərəfindən dəfələrlə təkzib edilib və bu mövqe CNN-in sorğusuna cavab olaraq əvvəlcədən redaksiyaya rəsmi qaydada təqdim edilib:

"Heç bir tutarlı sübut ortaya qoyulmadan, anonim mənbələrə əsaslanan və Azərbaycanın rəsmi mövqeyini nəzərə almayan iddiaların yayımlanması jurnalistikanın obyektivlik, qərəzsizlik və peşəkar etika prinsipləri ilə ziddiyyət təşkil edir".

XİN nümayəndəsi əlavə edib:

"Dəfələrlə bəyan edildiyi kimi, Azərbaycan ərazisinin hər hansı üçüncü dövlətə qarşı hərbi əməliyyatlar, kəşfiyyat fəaliyyəti və ya digər düşmən xarakterli məqsədlər üçün istifadə edilməsi barədə iddiaların heç bir əsası yoxdur. Ölkəmiz bu kimi fəaliyyətlərə heç vaxt icazə verməyib və verməyəcək.

Azərbaycan regionda sülhün, sabitliyin və mehriban qonşuluq münasibətlərinin təşviqinə sadiqdir. Bu kimi əsassız və heç bir sübuta əsaslanmayan iddialar növbəti dezinformasiya cəhdidir. CNN-dən əsassız iddiaların yayıldığı bu məqalənin təkzib edilməsini gözləyirik".

Reyting.az-ın məlumatına görə, Çin Kommunist Partiyası (ÇKP) Mərkəzi Komitəsinin Beynəlxalq Əlaqələr şöbəsi bildirib ki, Si Cinpin 8-9 iyun tarixlərində Şimali Koreya lideri və Koreya İşçi Partiyasının (ÇFP) baş katibi Kim Çen Inın dəvəti ilə bu ölkədə rəsmi səfərdə olacaq.

Xatırladaq ki, “COVİD-19” pandemiyasından əvvəl - 2019-cu ildə Şimali Koreyaya sonuncu dəfə səfər edən Si 7 ildən sonra təkrar Pxenyana gedəcək.
 
Səfər zamanı Si Cinpin həmkarı Kim ilə təkbətək və nümayəndə heyəti səviyyəsində görüşlər keçirməsi gözlənilir. Çin və Şimali Koreya, Vyetnam, Laos və Kuba ilə yanaşı, kommunist rejimləri tərəfindən idarə olunan dünyanın beş ölkəsi arasındadır.

Şimali Koreya lideri Kim sonuncu dəfə 2025-ci ilin sentyabr ayında İkinci Dünya Müharibəsinin bitməsinin 80-ci ildönümünü qeyd etmək üçün Pekindəki Tiananmen Meydanında keçirilən hərbi paradda iştirak etmək üçün Çinə səfər edib.

Si Cinpinin Şimali Koreya səfəri diqqətəlayiqdir, çünki ABŞ Prezidenti Donald Tramp və Rusiya lideri Vladimir Putinin ötən ay Çinə ardıcıl səfərlərindən sonra baş tutur.

ABŞ Prezidenti 13-15 may tarixlərində Çində danışıqlar aparıb, Rusiya lideri isə 19-20 may tarixlərində Pekində səfərdə olub.

Trampın səfəri zamanı ABŞ və Çin liderləri Şimali Koreyanın nüvəsizləşdirilməsi məqsədi ilə razılığa gəldiklərini bildirmiş, Putinin səfəri zamanı isə tərəflər birgə bəyanatda Şimali Koreyaya qarşı diplomatik təcrid və iqtisadi sanksiyalara qarşı olduqlarını vurğulayıblar.

E. Kamal
 

Reyting.az “Qafqazinfo”ya istinadla xəbər verir ki, o, ev dustaqlığına buraxılıb.

Məhkəmə qətimkan tədbirini dəyişərkən R.Eyyubovun səhhətində yaranmış problemləri nəzərə alıb. 

Ötən ilin ən böyük əməliyyatlarından biri olan 5 milyonluq siqaret qaçaqmalçılığı ilə bağlı ilkin istintaq başa çatıb.

Reyting.az xəbər verir ki, paylaşımda deyilir:

"Azərbaycanın regionda ilk dəfə olaraq Ümumdünya Ətraf Mühit Günü ilə bağlı qlobal tədbirə ev sahibliyi etməsi mühüm hadisədir. Bu, Azərbaycanın beynəlxalq səviyyədə ətraf mühitin mühafizəsi ilə bağlı maarifləndirmənin artırılması sahəsində fəal roluna və planetimizi qorumaq naminə kollektiv səylərə verdiyi töhfəsinə yüksək qiymətin göstəricisidir".

Reyting.az xəbər verir ki, bununla bağlı Cinayət-Prosessual Məcəlləsinə dəyişiklik layihəsi parlamentin növbədənkənar sessiyasının bugünkü ilk iclasında müzakirəyə çıxarılıb.

Məcəlləyə əlavə olunan yeni maddəyə əsasən, təqdim olunan qanun layihəsində təklif edilən əlavə təqsirləndirilən şəxs olmayan, lakin əmlak üzərinə həbs qoyulması barədə cinayət və dəyişikliklər prosesini həyata keçirən orqanın qərarı ilə qanuni mənafeyinə toxunulan şəxslərin, cinayət prosesində iştirak edən digər şəxslər kateqoriyasına daxil edilməsi, həmin şəxslərin qanuni mənafeyinə toxunulan şəxs qismində cinayət prosesinə cəlb edilməsi, cinayət prosesində iştirak edən şəxslər kimi apellyasiya, kassasiya, əlavə kassasiya şikayəti vermək hüquqları və qaydalarını tənzim edir.

Təklif olunan ən mühüm dəyişikliklərdən biri də cinayət mühakimə icraatı çərçivəsində əmlak üzərinə həbs qoyulması barədə cinayət prosesini həyata keçirən orqanın qərarının mülki mühakimə icratı çərçivəsində deyil, məhkəmə nəzarəti qaydasında mübahisələndirilməsinin nəzərdə tutulmasıdır.

Mülki mühakimə icraatından fərqli olaraq məhkəmə nəzarəti qaydasında materiallara baxılması və işin həll edilməsi zaman baxımından daha çevik və operativ baş verir. Üstəlik daha sonra məhkəmə qəranının preyudisial əhəmiyyətinin hansı həddə olması kimi mübahisənin yaranmasının da qarşısı alınmış olur.

Sənəd müzakirələrdən sonra ilk oxunuşda qəbul edilib.

Reyting.az xəbər verir ki, şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə 16-19° isti, gündüz 25-30° isti olacaq. Atmosfer təzyiqi 761 mm civə sütunu, nisbi rütubət gecə 60-65 %, gündüz 45-55 % olacaq.

Azərbaycanın rayonlarında havanın əsasən yağmursuz keçəcəyi, lakin gündüz dağlıq və dağətəyi rayonlardan başlayaraq bəzi yerlərdə arabir yağıntılı olacağı gözlənilir. Ayrı-ayrı yerlərdə qısa müddətə intensivləşəcəyi, şimşək çaxacağı, dolu düşəcəyi ehtimalı var. Gecə və səhər bəzi yerlərdə duman olacaq. Mülayim şərq küləyi əsəcək. Havanın temperaturu gecə 15-18° isti, gündüz 26-31° isti, dağlarda gecə 5-10° isti, gündüz 13-18°, bəzi yerlərdə 21-26° isti olacaq.

Reyting.az  Report-a istinadla xəbər verir ki, bu məsələ Hesablama Palatasının sədri Vüqar Gülməmmədovun sədrliyi ilə təşkil edilən Kollegiya iclasında müzakirəyə çıxarılıb.

İclasda auditor Vüqar İbrahimovun hazırladığı auditor hesabatı dinlənilib və müzakirə olunub.

Aparılmış audit dövlət büdcəsinin "Ümumdövlət xidmətləri" və "Təhsil" bölmələri çərçivəsində təhsil və məktəbəqədər təhsil müəssisələrinin tikili və avadanlıqlarının cari təmiri, qeyri-yaşayış binalarının əsaslı təmiri, eləcə də dövlət əsaslı vəsait qoyuluşu xərclərindən ayrılmış maliyyə vəsaitlərinin istifadəsini əhatə edib.

Müzakirələrin nəticəsində auditor hesabatının təsdiq edilməsi barədə qərar qəbul olunub. Bununla yanaşı, audit gedişində müəyyən edilmiş nöqsanların aradan qaldırılması üçün audit olunan qurum tərəfindən lazımi tədbirlərin görülməsi tövsiyə edilib.

Reyting.az xəbər verir ki, bununla bağlı Cinayət-Prosessual Məcəlləsinə dəyişiklik layihəsi parlamentin növbədənkənar sessiyasının bugünkü ilk iclasında müzakirəyə çıxarılıb.

Dəyişiklik layihəsinə görə, bu Məcəllənin 38-ci maddəsinə uyğun olaraq cinayət təqibinin həyata keçirilməsi üçün səbəb və əsasların olması qənaətinə gəldikdə və bu Məcəllənin 293-1-ci maddəsində nəzərdə tutulmuş hallar olmadıqda, yazılı məlumata və ya şifahi məlumatın qəbul edilməsi barədə protokola dərkənar qoymaqla məlumatın daxil olduğu vaxtdan 48 saatdan (hazırda 24 saat) gec olmayaraq cinayət təqibi üzrə məhkəməyədək sadələşdirilmiş icraat açılacaq.

Bundan başqa, artıq məhkəməyədək sadələşdirilmiş icraat şəklində təhqiqat böyük ictimai təhlükə törətməyən aşkar cinayət üzrə məlumatın təhqiqatçıya, müstəntiqə və ya ibtidai araşdırmaya prosessual rəhbərliyi həyata keçirən prokurora daxil olduğu vaxtdan 10 gün müddətində deyil, 30 gün müddətində aparılacaq.

Qanun layihəsinə əsasən, Məcəllənin bəzi maddələrində "şikayət" sözü "məlumat" sözü ilə əvəz edilir. Bu dəyişiklik bəzi hallarda məlumat verən şəxsin niyyətinin şikayət etmək deyil, sadəcə baş vermiş cinayət hadisəsi barədə səlahiyyətli orqanları məlumatlandırmaqdan ibarət ola bilməsi ilə əlaqədardır.

Eyni zamanda sənəddə hüquqi şəxslər tərəfindən də cinayət hadisəsi barədə məlumat verilməsinin mümkünlüyü nəzərə alınaraq böyük ictimai təhlükə törətməyən aşkar cinayət üzrə yazılı məlumatda və ya şifahi məlumatın qəbul edilməsi barədə protokolda, həmçinin məhkəməyədək sadələşdirilmiş icraatın aparılması nəticələrinə dair yekun protokolda hüquqi şəxsin adı, olduğu yer və vergi ödəyicisinin eyniləşdirmə nömrəsinin göstərilməsi ilə bağlı müvafiq dəyişiklik nəzərdə tutulur.

Sənəd müzakirələrdən sonra ilk oxunuşda qəbul edilib.

Uzun müddətdir ayaqlarında yaranan problemlərə görə yeriməkdə əziyyət çəkən sənətkar bu xəstəlikdən birdəfəlik azad olmaq üçün əməliyyat masasına uzanıb.

Sənətkar üçün xaricdən xüsusi həkim gəlib və onu müayinə edəndən sonra təcili əməliyyata ehtiyac olduğunu bildirib.

Reyting.az xəbər verir ki, aktrisanın həkimi Turab Qasımov Moderator.az-a açıqlamasında bildirib ki, əməliyyat riskli olsa da, uğurla başa çatıb: “Afaq xanımın əməliyyatı uğurlu keçdi. Bir az riskli idi. Əməliyyatdan sonrakı müayinələr də bunu deməyə əsas verir ki, hər şey qaydasındadır. Ayaqlarını normal hərəkət etdirə bilir. Afaq xanımın onurğa beynində sıxılma var idi. Əvvəl də əməliyyat olunmuşdu. Ona bir müddət reabilitasiya lazım olacaq. Qısa müddətdə xeyrini görəcək. Bu Afaq xanımda uzunmüddətli bir problem idi. Problem uzunmüddətli olanda onun düzəlməsi də çox çəkə bilər. Ümid edək ki, ən qısa müddətdə yaxşılaşacaq. Ümid edirəm ki, 2 gündən sonra vəziyyətinin düzəlməsindən asılı olaraq xəstəxanadan evə buraxılacaq. Almaniyadan xüsusi Afaq xanımı əməliyyat etmək üçün gəlmişəm. 6-cı gün qayıdacam”.

Xalq artisti əməliyyatdan sonra səhhəti haqda moderator.az-a danışıb və həkimlərinə təşəkkür edib: “Cərrahiyyə əməliyyatı dünən səhər saat 10-da baş tutdu. Axşam saat 8-də həkimin köməkliyi ilə ayağa qalxıb gəzdim. Bu mənim üçün ən böyük sevincdir. Mən istəyirəm ki, bizim savadlı, gözəl, bacarıqlı həkimlərimizi bütün xalqımız tanısın və həkimlərimizi tərif etsinlər, onlara öz minnətdarlıqlarını bildirsinlər. Bizdə pis həkim yoxdur. Pis həkimlər göz qabağındadır. Onlar da demək olar ki, yox kimidirlər. Bizim Səhiyyəmiz çox gözəl vəziyyətdədir. Mən indiyə qədər bədənimin ayrı-ayrı hissələrində 14 əməliyyat keçirmişəm amma heç vaxt xarici həkimlərə müraciət etməmişəm. Məni dünən əməliyyat edən həkim Turab Qasımov tərtəmiz azərbaycanlıdır. Lakin Almaniyada yaşayır. Çünki universiteti də xaricdə bitirib, müdafiələrini də xaricdə edib. Lakin buna baxmayaraq o xaricdən gəlib məni öz istəyi ilə tam təmənnasız əməliyyat etdi. Mən Ege hospitalın bütün tibbi personalına, başda Barat Yusifov olmaqla Xəyyam Eyvazova, Ağakişi Yəhyayevə, məni əməliyyat edən Turab Qasımova öz təşəkkürümü bildirirəm. Mən Turab balama bir kəlmə söz dedim.. Dedi ki, “Afaq xanım, heç də narahat olmayın, siz deyən olacaq”. Artıq o dediyini isbatladı, mən dünən yeridim. Çox şükür Allaha”.

Reyting.az xəbər verir ki, bununla bağlı "Diplomatik xidmət haqqında" qanuna təklif edilən dəyişikliklər parlamentin növbədənkənar sessiyasının bugünkü ilk iclasında müzakirəyə çıxarılıb.

Qeyd edilib ki, diplomatik xidmət orqanının ləğvi istisna olmaqla, müddətli həqiqi hərbi xidmətə çağırılanadək diplomatik vəzifədə xidmət keçmiş şəxslər, hərbi xidmətdən buraxıldıqdan ən geci 60 təqvim günü keçənədək əvvəlki diplomatik vəzifəsini tutmaq üçün müraciət etdikdə həmin orqanda əvvəlki və ya analoji vəzifəyə təyin ediləcəklər.

Bundan əlavə, qanuna edilən digər dəyişikliyə görə, diplomatik xidmət orqanı əməkdaşı vəfat etdikdə, habelə məhkəmənin qanuni qüvvəyə minmiş qərarı ilə xəbərsiz itkin düşmüş və ya ölmüş elan edildikdə onun xidmətinə xitam veriləcək.

Sənədə görə, bu halda diplomatik xidmət əməkdaşının vərəsələrinə orta aylıq dövlət məvacibinin 4 misli miqdarında müavinət ödəniləcək.

Qanun layihəsində o da vurğulanıb ki, diplomatik xidmət əməkdaşlarının dövlət məvacibi aylıq vəzifə maaşı, diplomatik rütbəyə görə əlavə haqq, təmsilçiliyə görə əlavə haqq, xidmət üçün zəruri olan hallarda aylıq iş vaxtı norması beş saatdan çox artırılanda işlədiyi hər saata görə ödənilən əlavə haqq və əmək qanunvericiliyinə əsasən əmək şəraiti ilə əlaqədar diplomatik xidmət əməkdaşlarına şamil edilən əlavələrdən (xidmət şəraitinin ağır və zərərliliyinə, iqlim şəraiti və s.) ibarət olacaq.

Qüvvədə olan qanuna əsasən isə diplomatik xidmət əməkdaşlarının dövlət məvacibi vəzifə maaşından, mükafatlardan və əlavələrdən ibarət idi.

Layihə müzakirələrdən sonra səsverməyə qoyularaq son oxunuşda qəbul edilib.

Reyting.az xəbər verir ki, mətni Prezidentin iqlim məsələləri üzrə nümayəndəsi Muxtar Babayev oxuyub.

***

Müraciətdə deyilir:

"Hörmətli iştirakçılar,

Hamınızı Ümumdünya Ətraf Mühit Günü münasibətilə səmimi-qəlbdən təbrik edirəm.

Azərbaycanın regionda ilk dəfə olaraq bu qlobal tədbirə ev sahibliyi etməsi mühüm hadisədir. Bu, Azərbaycanın beynəlxalq səviyyədə ətraf mühitin mühafizəsi ilə bağlı maarifləndirmənin artırılması sahəsində fəal roluna və planetimizi qorumaq naminə kollektiv səylərə verdiyi töhfəsinə yüksək qiymətin göstəricisidir.

XXI əsrdə ətraf mühitin mühafizəsi beynəlxalq ictimaiyyətin ortaq məsuliyyətidir. İqlim dəyişmələrinin ildən-ilə artan dağıdıcı fəsadları, təbii sərvətlərin, o cümlədən su ehtiyatlarının sürətlə tükənməsi, biomüxtəlifliyin azalması, torpaqların deqradasiyası, çirklənmə və kəskin istilər bir-biri ilə əlaqəli və təxirəsalınmaz tədbirlər tələb edən proseslərdir.

Planetimizin üzləşdiyi ekoloji problemlər təkcə ekosistemlərə deyil, həm də dayanıqlı inkişafa, insan sağlamlığına, həyat şəraitinə və ölkələrin tərəqqisinə ciddi təsir göstərir. Gələcək nəsillərin rifahı bu gün bizim bu çağırışların öhdəsindən gəlmək bacarığımızdan asılıdır.

Biz Azərbaycanda bu öhdəliyə tam məsuliyyətlə yanaşır və ətraf mühitin mühafizəsi sahəsində genişmiqyaslı layihələr həyata keçiririk.

Bu gün ölkə ərazisində həm daşqınların, həm də quraqlığın artdığını müşahidə edirik. Su qıtlığı təkcə Azərbaycan üçün deyil, bütün region üçün ciddi narahatlıq doğuran məsələdir. Xəzər dənizinin səviyyəsinin son iki yüzillik ərzində qeydə alınan tarixi minimum səviyyəyə yaxınlaşması problemin ciddiliyinin bariz göstəricisidir.

Təmiz ətraf mühit və "yaşıl artım" hədəfi 2030-cu ilə qədər Azərbaycanın sosial-iqtisadi inkişafına dair beş əsas milli prioritetdən biri kimi müəyyən edilmişdir. Bu prioritetə uyğun olaraq, yaşıllıqların və meşə sahələrinin artırılması, su ehtiyatlarından və dayanıqlı enerji mənbələrindən səmərəli istifadənin təmin edilməsi və tullantıların idarə olunması məqsədilə müasir infrastrukturun yaradılması üçün məqsədyönlü səylər göstərilir.

Biomüxtəlifliyin qorunması məqsədilə Azərbaycanda xüsusi mühafizə olunan təbiət əraziləri genişləndirilir. Bir çox relikt, həmçinin regional və yerli endemik flora növləri ilə zəngin, nadir meşə massivi olan Hirkan meşələri Azərbaycanın UNESCO-nun Ümumdünya İrs Siyahısına daxil edilmiş ilk təbiət ərazisidir.

Əfsuslar olsun ki, təxminən 30 il ərzində işğal altında olan ərazilərimiz ekosidə və urbisidə məruz qalmış və bu da həmin ərazilərdə ekoloji tarazlığın pozulmasına səbəb olmuşdu. Bundan əlavə, işğal olunmuş ərazilərdə basdırılmış çoxsaylı minalar bu gün də ciddi ekoloji ziyan vurmaqda davam edir.

Ərazilərimizin işğaldan azad edilməsindən dərhal sonra Azərbaycan Qarabağ və Şərqi Zəngəzur iqtisadi rayonlarında genişmiqyaslı yenidənqurma və bərpa işlərinə başlamışdı. "Ağıllı şəhər" və "Ağıllı kənd" konsepsiyalarına uyğun olaraq infrastrukturun yenidən qurulması, yaşıl enerji layihələrinin həyata keçirilməsi və müasir texnologiyaların tətbiqi yerli ekosistemin bərpasına töhfə verəcək.

Eyni zamanda, yaşıl enerji zonaları elan edilmiş Qarabağ və Şərqi Zəngəzur günəş, külək və su elektrik resursları da daxil olmaqla geniş bərpaolunan enerji potensialına malikdir. Yaşıl enerjinin inkişaf etdirilməsi Azərbaycanın dövlət siyasətinin prioritetləri sırasındadır.

Hörmətli iştirakçılar,

"Təbiətdən ilhamlanaraq. İqlim naminə. Gələcəyimiz naminə" qlobal çağırış adı altında keçirilən builki Ümumdünya Ətraf Mühit Günü iqlim fəaliyyəti və təbiət arasında qarşılıqlı əlaqənin gücləndirilməsinə təcili ehtiyac olduğunu vurğulayır.

Bu gün iqlim böhranının sərhəd tanımayan fəsadları beynəlxalq əməkdaşlığın gücləndirilməsini zəruri edir. Azərbaycan COP29-a sədrliyi dövründə iqlim diplomatiyası və çoxtərəfli dialoq üçün mühüm platforma təmin etmiş, inkişaf etməkdə olan və inkişaf etmiş ölkələr arasında körpü qurmaqla qlobal həmrəyliyi daha da gücləndirmişdi. Azərbaycanın COP mirasını təşkil edən "Bakı sıçrayışı" tarixi qərarlarla yadda qaldı.

COP29-dan bu günədək iqlim liderliyimiz davam etmiş və Azərbaycan Ümumdünya Şəhərsalma Forumunun tarixində ən genişmiqyaslı, sayca 13-cü sessiyasına ev sahibliyi etmişdi. Tədbir "Bakı Fəaliyyətə Çağırış" sənədinin qəbul edilməsi ilə nəticələnmişdir. Sənəddə beynəlxalq əməkdaşlığın gücləndirilməsinə və hər kəs üçün dayanıqlı, əlçatan və iqlimə davamlı mənzil təminatı üçün konkret addımların atılmasına zərurət olduğu vurğulanır.

Azərbaycan gələcək nəsillərə yaşıl və dayanıqlı bir dünya miras qoymaq məqsədilə çoxtərəfli əməkdaşlığı bundan sonra da təşviq edərək qlobal ekoloji gündəliyin irəlilədilməsində fəal rol oynamağa davam edəcək.

Tədbirin işinə uğurlar arzulayıram".

Reyting.az xəbər verir ki,  bu barədə Prezident yanında Antiinhisar və İstehlak Bazarına Nəzarət Dövlət Agentliyi məlumat yayıb.

Dövlət Agentliyi Rəqabət Məcəlləsinin müvafiq maddələrinin tələbləri çərçivəsində "Azərişıq" ASC-yə elektrik enerjisi təchizatının sahəvi qanunvericiliyin tələblərinə uyğun olaraq həyata keçirilməsi, istehlakçılara təqdim edilən hesabda (bildirişdə) elektrik enerjisinə görə istehlakçının mövcud qalıq borcunun göstərilməsi, istehlakçılara təqdim edilən yazılı xəbərdarlıqlarda sahəvi qanunvericiliyin tələblərinə uyğun dəyişikliklərin həyata keçirilməsi ilə bağlı icrası məcburi göstəriş verib: "Hazırda "Azərişıq" ASC tərəfindən elektrik enerjisi təchizatında sahəvi qanunvericiliyin tələblərinə riayət olunması və abonentlərlə işin daha effektiv təşkili istiqamətində zəruri addımlar atılır"

Dövlət Agentliyi qanunvericilikdə müəyyən edilmiş təbii inhisar fəaliyyət sahələri üzrə Rəqabət Məcəlləsinin tələblərinə əməl olunmasına nəzarət edir. Bununla əlaqədar olaraq, Agentlik təbii inhisar subyektlərinin fəaliyyətinin tənzimlənməsi, eləcə də müştərilərin mənafeyinə mənfi təsir göstərə bilən hərəkətlərə yol verilməsinin qarşısının alınması istiqamətində bir sıra tədbirləri həyata keçirir:

"Bu çərçivədə vətəndaş müraciətləri, o cümlədən Agentliyin sorğusuna əsasən Energetika Nazirliyinin tabeliyində Enerji Məsələləri Tənzimləmə Agentliyindən (EMTA) daxil olmuş məlumatlar əsasında elektrik enerjisi təchizatının qanunvericiliyə uyğun təşkili istiqamətində "Azərişıq" ASC barəsində araşdırma aparılıb. Araşdırmalar zamanı elektrik enerjisi təchizatının Rəqabət Məcəlləsinin və sahəvi qanunvericiliyin tələblərinə tam uyğunluğunun təmin edilməsi, habelə istehlakçıların hüquq və mənafelərinin qorunması məqsədilə müvafiq təkmilləşdirmə tədbirlərinin həyata keçirilməsinin zəruriliyi əsas götürülərək iş qaldırılıb. Rəqabət komissiyası tərəfindən baxılan işin hərtərəfli, tam və obyektiv araşdırılmasını təmin etmək məqsədilə işə baxılması prosesinə EMTA-nın səlahiyyətli nümayəndələri cəlb edilib.

İşə baxılma prosesində "Azərişıq" ASC tərəfindən elektrik enerjisi istehlakına görə istehlakçılarla hesablaşmaların aparılması və bildirişlərin təqdim olunmasının sahə üzrə qanunvericiliyin tələblərinə uyğun həyata keçirilməsi, eləcə də elektrik enerjisi təchizatının dayandırılmasında qanunvericilikdə nəzərdə tutulmuş müddətlərə riayət edilməsinin vacibliyi müəyyən edilib"

Reyting.az xəbər verr ki, təbrkdə deyilir: "Danimarka Krallığının hökumətini və xalqını ölkənin Milli Günü münasibətilə səmimi qəlbdən təbrik edirik".

Bakı Dövlət Universitetinin Fizika fakültəsinin Astrofizika kafedrasından Reyting.az-a verilən xəbərə görə, bu hadisə Ayın həm Təzə Ay fazasında olması, həm də Yerə minimum məsafəyə – perigey nöqtəsinə çox yaxın yerləşməsi ilə xarakterizə olunur.

Ay iyunun 15-i Bakı vaxtı ilə saat 03:19-da perigey nöqtəsindən keçəcək, bu zaman onun Yerə qədər məsafəsi 357 195 km olacaq. Cəmi bir neçə saat sonra, saat 06:56-da Ay Təzə Ay fazasına daxil olacaq. Perigey ilə Təzə Ay arasındakı zaman fərqi təxminən 3 saat 37 dəqiqə təşkil etdiyindən, bu hadisə astronomiyada Super Təzə Ay adlandırılır. İndiyədək qeydə alınan ən yaxın Super Təzə Ay hadisələrindən biri 22 yanvar 2023-cü ildə baş verib. Bu zaman Ay Yerə təxminən 356 568 km məsafəyə qədər yaxınlaşıb.

Təzə Ay zamanı Ay Yer ilə Günəş arasında yerləşir və onun işıqlanan tərəfi Yerə əks istiqamətdə olduğundan Ay səma üzərində görünmür. Buna baxmayaraq, bu faza astronomik baxımdan böyük əhəmiyyət daşıyır. Ayın görünməməsi gecə səmasını daha qaranlıq edir və zəif dərin səma obyektlərinin – qalaktikaların, ulduz topalarının və dumanlıqların müşahidəsi üçün əlverişli şərait yaradır.

Ayın orbiti tam dairə deyil, ellips formasındadır. Buna görə Ayın Yerə qədər məsafəsi daim dəyişir. Perigey nöqtəsində Ay Yerə ən yaxın, apogey nöqtəsində isə ən uzaq mövqedə olur. Super Təzə Ay hadisəsi məhz Ayın perigey yaxınlığında Təzə Ay fazasına düşməsi nəticəsində baş verir. Bu hadisə zamanı Ay Yerə bir qədər yaxın yerləşsə də, görünmədiyi üçün bunu vizual olaraq müşahidə etmək mümkün deyil. Lakin Ayın və Günəşin cazibə qüvvələrinin birgə təsiri nəticəsində okeanlarda daha güclü qabarma-çəkilmə hadisələri baş verə bilər.

Reyting.az xəbər verir ki, bunu Bakıda keçirilən ​"Hüquq təhsili və biznes gözləntilərinin uzlaşması" konfransında Vəkillər Kollegiyasının sədri Anar Bağırov bildirib.

"Bu gün Azərbaycan nadir ölkələrdəndir ki, burada hüquqi xidmətlər bazarı tam liberaldır. Halbuki bu səviyyədə liberallıq əksər ölkələrdə mövcud deyil. Bir çox ölkələrdə hüquq təhsili olmayan şəxs hüquq şirkəti yarada bilməz. Hüquqşünas olaraq biz başqa peşə sahələrində eyni fəaliyyəti göstərə bilmirik, çünki həmin sahələrdə ciddi tələb və məhdudiyyətlər mövcuddur", - deyə o qeyd edib.

Onun sözlərinə görə, elə təsəvvür yaranmamalıdır ki, hüquq xüsusi bilik və peşəkarlıq tələb etməyən, hər kəsin məşğul ola biləcəyi fəaliyyət növüdür:

"Bu sahədə tələb olunan meyarlara cavab verməyən şəxslərin hüquqi xidmət göstərməsi düzgün yanaşma deyil. Həkim peşəsinə münasibətdə belə yanaşma mövcuddurmu? Xeyr. Çünki orada insanların sağlamlığı və taleyi həll olunur. Hüquqşünaslar da insanların taleyinə birbaşa təsir edən qərar və proseslərdə iştirak edirlər. Buna görə də hüquq peşəsinə münasibətdə də eyni həssaslıq göstərilməlidir. Düşünürəm ki, bu sahədə müəyyən tənzimləyici mexanizmlərin tətbiqi, peşə standartlarının müəyyənləşdirilməsi barədə ciddi düşünmək lazımdır"/report.

Siyahıya əsasən, Əməkdar artist Abbas Bağırov ən bahalı müğənnilərdən biri kimi göstərilir. O, toy məclislərində yarım saatlıq çıxış üçün 6 min, bütöv toyun idarə olunması üçün isə 18 min manat tələb  edir. 

Məsələ ilə bağlı Abbas Bağırov Qaynarinfo-ya açıqlamasında məlumatı təsdiqləyib:

"Bu rəqəmlər düzdür. Amma mən bu məbləği tək almıram. 18 min manat 21 nəfərlik ansambl üzvləri arasında bölünür. Ansamblın tərkibində Əməkdar artist Ənvər Sadıqov da var. Biz toya tək getmirik. Çoxları elə bilir ki, bu məbləğ yalnız mənə aiddir".

Əməkdar artist Elnarə Abdullayeva da 12 min manat qonorarla bağlı yayılan məlumatlara münasibət bildirib:

"Deyirlər min yeyənin olsun, amma bir deyənin olmasın. İnsanlar nə istəyir, nə axtarır, bilmirəm. Bundan sonra bir milyon da qazansam, yenə  danışılacaq. Mən artıq elim, obam, dövlətim üçün nəyi bacarmışamsa, etmişəm. Kasıblıqdan bu yana başımı bulaya-bulaya gəlirəm. İnsanlar başı  girməyən yerə bədənlərini soxmağı xoşlayır. Bunu yazmaqla nə dəyişir? Hazırda başım daha çox ustalarla bağlı işlərə qarışıb. Onlar işlərini görüb getsələr, özümü xoşbəxt hiss edərəm".

Azərbaycan yazıçısı, nasir və ictimai xadim Xeyrəddin Qoca da müğənnilərin toy qiymətlərinə münasibət bildirib: "Müğənnilərin yarım saatlıq və tam toy qiymətləri ilə tanış oldum, heyrətə gəldim. Sözüm yoxdur, pulu olan xərcləsin.  Vaxtında oxuyan olsaydıq... Paxıllıq edənin gözü çıxsın". 

Reyting.az xəbər verir ki,təbrikdə deyilir:

"2022-ci ildə Avropa çempionu, 2025-ci ildə dünya çempionu olmuş Azərbaycan minifutbol millisi ölkəmizin idman tarixinə daha bir parlaq səhifə yazaraq növbəti dəfə Avropa çempionu oldu. Bu qələbənin komanda idman növündə qazanılması ikiqat sevindiricidir.

Komandamızı bu möhtəşəm qələbə münasibətilə səmimi-qəlbdən təbrik edir, millimizə yeni-yeni uğurlar arzulayıram".

Reyting.az xəbər verir ki, bu sözləri Rusiyanın xarici işlər naziri Sergey Lavrov Sankt-Peterburq Beynəlxalq İqtisadi Forumunda “RT Arabic”-ə müsahibəsində deyib. 

“Bu avantürist aksiyanın məqsədlərindən biri, şübhəsiz ki, ərəblərlə İran arasında yaranan yaxınlaşma və münasibətlərin normallaşması prosesinin qarşısını almaqdan ibarət idi”, - Lavrov bildirib.

E. Kamal
 

Reyting.az xarici KİV-ə istinadla xəbər verir ki, bu barədə yeni robotun proqramçısı açıqlama yayıb. 

Onun sözlərinə görə, model özündə süni intellekt, təkmil ekoloji qavrayış sistemi və humanoid mexanikasını birləşdirir. Robot şirkətin ənənəvi sənaye avtomatlaşdırmasından uzaqlaşaraq çoxyönlü ağıllı maşınlara doğru hərəkətini təmsil etmək üçün nəzərdə tutulub.

“JAKA Pi”-nin boyu 1,22 metr, çəkisi isə 42 kiloqramdır. Tərtibatçıların fikrincə, bu, onu öz sinfində ən yığcam humanoid platformalardan birinə çevirir.

V. Quliyev
 

Reyting.az-ın məlumatına görə, DİN-nin mətbuat xidmətinin Şəki regional qrupundan bildiriblər ki, əməliyyat zamanı 22 yaşlı Hüseyn Əliyev və həmyaşıdı Telman Mehdiyev saxlanılıb. Onlardan 8 kiloqramdan artıq marixuana və 1 kiloqrama yaxın tiryək aşkarlanıb. Saxlanılan şəxslər narkotikləri satış məqsədilə əldə etdiklərini bildiriblər.

Faktla bağlı cinayət işi başlanılıb.

Məhkəmənin qərarı ilə hər iki şəxs barəsində həbs qətimkan tədbiri seçilib.
 

Reyting.az xəbər verir ki, bu barədə “Reuters” məlumat yayıb. 

Aktyor qeyd edib ki, o, musiqi və kinonu insanları birləşdirməyə qadir olan qüdrətli qüvvə hesab edir. Eyni zamanda, o, Hollivudun hazırda LGBT hüquqlarını müdafiə etdiyini və son 5-6 il ərzində studiya istehsalının keyfiyyətinin kəskin şəkildə aşağı düşdüyünü bildirib.

“Mən bir dəfə yuxarıdan bildiriş aldım ki, filmlərdə müxtəlif cinsi oriyentasiyalı insanlar olmalıdır. Və onlar aktyor heyətinə daxil edilməsələr, əsər Oskar kimi festivallarda təqdim oluna bilməyəcək”, - Siqal deyib.

V. Quliyev

Reyting.az xəbər verir ki, Ermənistan Müdafiə Nazirliyinin (MN) deyilir.

Qeyd edək ki, dünən Rusiyadan Zvartnots Beynəlxalq Hava Limanına gələn kişilərə hərbi təlim keçmək üçün çağırış vərəqəsinin təqdim edildiyini əks etdirən reportajlar və fotoşəkillər yayılıb. MN buna cavab olaraq bəyanat yayıb.

V. Quliyev

Reyting.az xəbər verir ki, bu barədə Rusiya Prezidenti Vladimir Putin Sankt-Peterburq Beynəlxalq İqtisadi Forumu çərçivəsində beynəlxalq informasiya agentliklərinin rəhbərləri ilə görüşündə onların suallarını cavablandırarkən danışıb. 

Rusiya liderinin sözlərinə görə, rəsmi Moskva münaqişəni sülh yolu ilə həll etməyə və bu sazişlərdə nəzərdə tutulan kompromisləri qəbul etməyə hazırdır. Bununla belə, Putin vurğulayıb ki, nəticə əldə etmək üçün Ukrayna tərəfinin razılığı lazımdır.

V. Putin onu da qeyd edib ki, “sövdələşmə etmək” niyyəti və Donetsk vilayətinin bütün ərazisi üzərində nəzarətin yaradılması planları bir-birinə zidd deyil.

Y. Qacar
 

Reyting.az “Anadolu” agentliyinə istinadla xəbər verir ki, ABŞ Prezidenti Donald Tramp bu barədə jurnalistlərə bildirib.

O qeyd edib ki, görüşə razılıq əldə edilə bilər. 

Donald Tramp ardınca bildirib ki, Müctəba Xamnəi ilə görüşə can atmır, lakin görüş baş tutsa, bu, ABŞ Prezidenti üçün şərəf olardı. 

Tramp bu həftənin sonu İranla razılaşmanın əldə oluna biləcəyini istisna etməyib.

Bir gün əvvəl D. Tramp Vaşinqton və Tehran arasında danışıqların uğurla davam etdiyini açıqlamışdı.

Y. Qacar
 

Reyting.az xəbər verir ki, bu barədə jurnalın feysbuk hesabında məlumat paylaşılıb. 

"Ulduzlar sönür, ya yox - bilmirəm. Sən bizim sönməyən "Ulduz"umuzsan! İşığını innən belə də əsirgəmə...", - baş redaktor Qulu Ağsəs mərhum iş yoldaşı haqqında bunları yazıb. 

Qeyd edək ki, Hicran Hüseynova uzun müddət idi ki, xərçəng xəstəlyindən müalicə alırdı.

Allah rəhmət eləsin!
 

Reyting.az xəbər verir ki, bu barədə TASS agentliyi məlumat yayıb.

Məlumata görə, 2019-cu ilin iyulundan 2023-cü ilin avqustunadək Böyük Britaniyanın müdafiə naziri vəzifəsində çalışmış Ben Uollesə qarşı ittiham aktı təsdiqlənib.

Rusiya Baş Prokurorluğunun açıqlamasında bildirilir ki, Uolles Rusiya Cinayət Məcəlləsinin 205.2-ci maddəsinin 2-ci hissəsi - informasiya və telekommunikasiya şəbəkələrindən, o cümlədən internetdən istifadə etməklə terror fəaliyyətinə açıq çağırışlar etmək maddəsi ilə qiyabi olaraq ittiham olunur.

Cinayət işi mahiyyəti üzrə baxılması üçün İkinci Qərb Dairə Hərbi Məhkəməsinə göndərilib.

İstintaqın versiyasına görə, Ben Uolles 2025-ci ilin sentyabrında Polşada keçirilən Varşava Təhlükəsizlik Forumu zamanı çıxışında Ukraynaya uzaqmənzilli raketlərin verilməsini dəstəkləyən və Krım körpüsünə zərbələrin endirilməsinə çağırış kimi qiymətləndirilən bəyanatlar səsləndirib. Rusiya tərəfi həmin açıqlamaların Krım ərazisində mülki əhalinin yaşayış şəraitinin pozulmasına yönəldiyini iddia edir.

Baş Prokurorluğun məlumatına görə, bu çıxışın videoları sonradan müxtəlif videoplatformalarda, mesajlaşma tətbiqlərində və xəbər saytlarında yayılıb.

Qurumun açıqlamasında qeyd olunur ki, Ben Uolles istintaqdan yayındığı üçün beynəlxalq axtarışa verilib. Məhkəmə onun barəsində qiyabi həbs qətimkan tədbiri seçib. İstintaq orqanları təqsirləndirilən şəxsin iştirakı olmadan həyata keçirilməsi mümkün olan bütün prosessual hərəkətlərin tamamlandığını bildiriblər.

Rusiya Cinayət Məcəlləsinin 205.2-ci maddəsinin 2-ci hissəsinə əsasən, bu ittiham üzrə 300 min rubldan 1 milyon rubla qədər cərimə və ya müəyyən vəzifə tutmaq və fəaliyyətlə məşğul olmaq hüququndan məhrum edilməklə 5 ildən 7 ilədək azadlıqdan məhrumetmə cəzası nəzərdə tutulur.

E. Kamal
 

Reyting.az xəbər verir ki, bunu Rusiyanın xarici işlər naziri Sergey Lavrov “RT Arabic”-ə müsahibəsində bildirib. 

“Bir vaxtlar amerikalılar İranla birlikdə Hörmüz boğazına 50/50 nisbətində nəzarət təklif etdilər. Yenə də hər şey neftlə bağlıdır, yenə də dünya enerji bazarları ilə bağlıdır, lakin bu, narahatlıq yaradır və ərəb ölkələri də daxil olmaqla, əhəmiyyətli itkilərə səbəb olur. Biz bunu yaxşı bilirik”, - deyə Rusiyanın baş diplomatı əlavə edib.

E. Kamal
 

Reyting.az xəbər verir ki, bunu İslam İnqilabı Keşikçiləri Korpusunun (İİKK) Qüds Qüvvələrinin komandanı, general-mayor İsmayıl Qaani bildirib.

“Müqavimət qüvvələrinin minimum tələbi İsrail rejiminin 40 günlük müharibədən (İranın ABŞ və İsraillə 28 fevralda başlayan müharibəsi-red.) əvvəl tutduğu mövqelərə geri çəkilməsidir”, – deyə o, “Fars” xəbər agentliyinə açıqlamasında bildirib.

İyunun 1-də “Tasnim” xəbər agentliyi Tehranın İsrailin Livandakı fəaliyyətinə etiraz olaraq Vaşinqtonla əlaqələri dayandırdığını yazıb. Məlumata görə, ABŞ və İran atəşkəsin uzadılması, eləcə də Hörmüz boğazında gəmiçiliyin bərpası ilə bağlı razılaşma layihəsi ətrafında mesaj mübadiləsi aparırdılar.

Qeyd edək ki, İranın xarici işlər naziri Abbas Əraqçinin sözlərinə görə, İsrail ordusu Beyruta hücum edəcəyi təqdirdə, İran Silahlı Qüvvələri İsrailə zərbələr endirməyə hazırdır.

E. Kamal
 

Reyting.az bildirir ki, bu barədə “Bloomberg” mənbələrə istinadən məlumat yayıb.

Agentliyin məlumatına görə, təxminən 15 ölkə əməliyyata qoşulmağa hazırdır. Əməliyyatın yalnız ABŞ və İran arasında razılaşma əldə edildikdən sonra başlayacağı bildirilir. Bu, boğazda ticarət və hərbi gəmilərin təhlükəsizliyini təmin etmək məqsədi daşıyır. 

Böyük Britaniyanın xarici işlər naziri İvet Kuper də öz növbəsində bildirib ki, London artıq bu planları Vaşinqtonla müzakirə edib.

Qeyd olunur ki, Böyük Britaniya və Fransa öz hərəkətlərini İranla əlaqələndirməyə hazırdırlar. Lakin Tehran minatəmizləmə işini özü həyata keçirə biləcəyini iddia edir.

Y. Qacar
 

Reyting.az xəbər verir ki, bu barədə “Associated Press” Agentliyi qrupun lideri Naim Qasemə istinadla məlumat yayıb.

Hərəkatın lideri bildirib ki, "İşğal davam etdiyi müddətdə müqaviməti dayandırmaq barədə heç bir öhdəlik götürməmişik".

Qasem əlavə edib ki, İsrail qoşunları Livan ərazisindən çıxarılmalıdır. Çünki davam edən döyüşlər İrandakı münaqişənin həlli səylərinə mane olur.

E. Kamal
 

Reyting.az xəbər verir ki, bu barədə “Zvezda” telekanalı məlumat yayıb.

Rusiya Birbaşa İnvestisiya Fondunun rəhbəri, Rusiya Prezidentinin xarici ölkələrlə investisiya və iqtisadi əməkdaşlıq üzrə xüsusi nümayəndəsi Kirill Dmitriyev bu barədə Sankt-Peterburq Beynəlxalq İqtisadi Forumu çərçivəsində məlumat verib.

“Sabah tunelin layihələndirilməsinin davam etdirilməsi ilə bağlı müqavilə imzalayacağıq. Tunel tikiləcək. Bu, ölkələrimiz arasında ən böyük infrastruktur layihələrindən biri olacaq”, - deyə K. Dmitriyev bildirib. 

R. Rəcəbov
 

Reyting.az xəbər verir ki, İngiltərə millisinin hücumçusu Harri Keyn Şimali Amerikada keçiriləcək 2026-cı il FIFA Dünya Kubokunda “Qızıl Buts” mükafatını qazanmağa əsas namizədlərdən biri hesab olunur.

Harri Keyn (İngiltərə)

* Əvvəlki Dünya Kubokları: 2 iştirak (2018-ci ildə “Qızıl Buts”un qalibi)

* 2025-2026 mövsümündə klub statistikası: “Bayern Münhen”də 51 oyunda 61 qol

* İngiltərə millisində: 112 oyunda 78 qol

Harri Keyn dünyanın ən məhsuldar hücumçularından biridir. O, 2018-ci il Dünya Kubokunda altı qolla “Qızıl Buts”un sahibi olub, 2024-cü il Avropa çempionatında isə turnirin bombardirlərindən biri seçilib. Bundan başqa, üç dəfə İngiltərə Premyer Liqasının ən yaxşı bombardiri olub.

Keyn Dünya Kubokuna “Bayern Münhen”də keçirdiyi möhtəşəm mövsümdən sonra qatılır. İngiltərə millisinin kapitanı olan hücumçu komandasının turnirdə uğurlu çıxışı üçün əsas fiqurlardan biri sayılır.

Kilian Mbappe (Fransa)

* Əvvəlki Dünya Kubokları: 2 iştirak (2022-ci ildə “Qızıl Buts”un qalibi)

* 2025-2026 mövsümündə klub statistikası: “Real Madrid”də 44 oyunda 42 qol

* Fransa millisində: 96 oyunda 56 qol

Mbappe 2022-ci il Dünya Kubokunun finalında Argentinaya qarşı het-trik edərək turnirin bombardiri olmuşdu. Fransa yenidən əsas favoritlərdən hesab olunur və komandanın uzun müddət yarışda qalacağı təqdirdə Mbappenin yenidən “Qızıl Buts” qazanmaq şansı yüksəkdir.

Erlinq Haaland (Norveç)

* Əvvəlki Dünya Kubokları: iştirak etməyib

* 2025-2026 mövsümündə klub statistikası: “Mançester Siti”də 52 oyunda 38 qol

* Norveç millisində: 49 oyunda 55 qol

Haaland son illərdə dünya futbolunun ən məhsuldar hücumçularından biri kimi tanınır. Onun “Qızıl Buts” uğrunda şansları Norveç millisinin turnirdə nə qədər irəliləyə bilməsindən asılı olacaq.

Lionel Messi (Argentina)

* Əvvəlki Dünya Kubokları: 5 iştirak (2022-ci ilin qalibi)

* 2025-2026 mövsümündə klub statistikası: “İnter Mayami”də 16 oyunda 13 qol

* Argentina millisində: 198 oyunda 116 qol

Dünya futbolunun əfsanələrindən biri olan Messi karyerasında demək olar ki, bütün mümkün titulları qazanıb. Lakin Dünya Kubokunun “Qızıl Buts” mükafatı onun kolleksiyasında yoxdur. 2022-ci ildə yeddi qol vursa da, bombardirlik yarışında Mbappeyə uduzub.

Vinisius Junior (Braziliya)

* Əvvəlki Dünya Kubokları: 1 iştirak

* 2025-2026 mövsümündə klub statistikası: “Real Madrid”də 53 oyunda 22 qol

* Braziliya millisində: 48 oyunda 9 qol

Vinisius son illərdə həm klubunda, həm də millidə əsas hücum silahlarından birinə çevrilib. Braziliyanın uğurlu çıxışı onun bombardirlər sırasında yer almasına kömək edə bilər.

Xulian Alvares (Argentina)

* Əvvəlki Dünya Kubokları: 1 iştirak

* 2025-2026 mövsümündə klub statistikası: “Atletiko Madrid”də 49 oyunda 20 qol

* Argentina millisində: 51 oyunda 14 qol

Alvares 2022-ci il Dünya Kubokunda dörd qol vuraraq diqqət çəkmişdi. O, bu dəfə də Argentinanın əsas qol ümidlərindən biri olacaq.

Usman Dembele (Fransa)

* Əvvəlki Dünya Kubokları: 2 iştirak

* 2025-2026 mövsümündə klub statistikası: PSJ-də 40 oyunda 20 qol

* Fransa millisində: 58 oyunda 7 qol

Dembele son mövsümlərdə məhsuldarlığını artırıb və Fransa millisinin uğurlu çıxışı halında bombardirlər yarışında sürpriz namizədlərdən biri ola bilər.

Kriştiano Ronaldo (Portuqaliya)

* Əvvəlki Dünya Kubokları: 5 iştirak

* 2025-2026 mövsümündə klub statistikası: “Əl-Nəsr”də 37 oyunda 30 qol

* Portuqaliya millisində: 226 oyunda 143 qol

41 yaşlı Ronaldo üçün bu turnir xüsusi əhəmiyyət daşıyır. Yaşına baxmayaraq, həm klubunda, həm də millidə qol vurmaq bacarığını qoruyub saxlayır.

Mikel Oyarzabal (İspaniya)

* Əvvəlki Dünya Kubokları: iştirak etməyib

* 2025-2026 mövsümündə klub statistikası: “Real Sosyedad”da 40 oyunda 18 qol

* İspaniya millisində: 52 oyunda 24 qol

Avro-2024 qaliblərindən olan Oyarzabal İspaniyanın əsas hücum güclərindən biri hesab edilir və ilk Dünya Kubokunda öz sözünü deməyə çalışacaq.

Digər namizədlər

“Qızıl Buts” uğrunda mübarizədə aşağıdakı futbolçuların da adları çəkilir:

* Viktor Gyökeres (İsveç)

* Kai Havertz (Almaniya)

* İsmayıl Sarr (Seneqal)

* Luis Dias (Kolumbiya)

* Kodi Qakpo (Niderland).

2026-cı il FIFA Dünya Kuboku iyunun 11-də start götürəcək. Futbolsevərlər turnirin bombardirlik yarışında hansı ulduzun önə çıxacağını böyük maraqla gözləyirlər.

R. Rəcəbov

Reyting.az xəbər verir ki, komandamız finalda Ukrayna yığmasına qalib gələrək bu ünvana sahiblənib - 2:0

Reyting.az xəbər verir ki, bu barədə Ədliyyə Nazirliyindən məlumat verilib.

Bildirilib ki, 2022-ci ildən etibarən bir qrup vətəndaşı əlillik təqaüdünün təyin etdirilməsi və ya işə düzəltmək adı ilə aldadaraq, vətəndaşların etibarından sui-istifadə etməklə, qeyd olunan məqsədlə onlardan pul vəsaiti almaqla zərərçəkmiş şəxslərə külli miqdarda maddi ziyan vurmaqda (Azərbaycan Cinayət Məcəlləsinin 178.2.1 və 178.2.4-cü maddələri) ittiham edilmiş Azərbaycan vətəndaşı Polad Murad oğlu Babayevin yeri BƏƏ-də müəyyən olunub və o, həbs edilib.

Beynəlxalq prosedurlara uyğun tələb olunan sənədlərin təqdimatından, habelə aparılan danışıqlardan sonra həmin şəxsin Azərbaycana ekstradisiyası ilə bağlı razılıq əldə olunub.

Reyting.az-ın məlumatına görə, Rusiya Pravoslav Kilsəsinin arxeoloqu, protoiyerey Vladislav Tsıpin bildirib ki, Nuhun gəmisi və ümumdünya daşqını haqqında rəvayətlər mif deyil, real tarixi hadisələrin izlərini əks etdirə bilər.

Din xadiminin sözlərinə görə, Türkiyədə son illərdə aşkar edilən bəzi tapıntılar əfsanəvi gəminin qalıqları ilə bağlı ola bilər. Bu isə Ağrı dağı ərazisinin Nuhun gəmisinin dayandığı yer olması ilə bağlı nəzəriyyəni gücləndirir.

Protoiyerey qeyd edib ki, Ağrı dağı ətrafında uzun illərdir aparılan axtarışlar zamanı qədim gəmi göyərtəsini xatırladan konstruksiyalar, eləcə də çürümüş ağac qalıqları aşkar olunub. Tsıpinin fikrincə, bu tapıntılar Nuhun gəmisinin qalıqları ola bilər.

Rusiyalı kilsə arxeoloqunun araşdırmalarına görə, italiyalı kartoqraf Urban Montenin 1587-ci ilə aid xəritəsində Ağrı dağına yaxın ərazi (Dürüpınar ərazisi) böyük ehtimalla Nuhun gəmisinin dayandığı yer kimi göstərilib. Tsıpin hesab edir ki, alimin həmin ərazini xəritədə xüsusi şəkildə işarələməsi təsadüfi deyil.

Din xadimi bildirib ki, alimlərin bu ərazidə apardıqları torpaq analizləri zamanı dəfələrlə qədim gəmi konstruksiyasını xatırladan izlər aşkarlanıb. Onun fikrincə, yaxın gələcəkdə Nuhun gəmisinin Türkiyə ərazisində yerləşdiyinə dair daha konkret nəticələr əldə oluna bilər.

Bununla belə, mütəxəssislər məsələyə elmi baxımdan daha ehtiyatlı yanaşır və tələsik nəticələr çıxarmağın doğru olmadığını bildirirlər.

Alimlərin fikrincə, Türkiyədə aşkar edilən bu arxeoloji tapıntıların həqiqətən də Nuhun gəmisinə aid olduğunu təsdiqləmək üçün əlavə araşdırmalara və daha ciddi elmi sübutlara ehtiyac var.

Oqtay Qorçu
 

XİN-dən Reyting.az-a bildiriblər ki, telefon danışığı zamanı Azərbaycan-İran ikitərəfli münasibətlərinin cari vəziyyəti və əməkdaşlıq perspektivləri, habelə regionda mövcud vəziyyət və təhlükəsizlik məsələləri müzakirə olunub.

Nazir Seyid Abbas Əraqçi İran ətrafında aparılan danışıqlar prosesi və son vəziyyətlə bağlı ətraflı məlumat verib. Nazir Ceyhun Bayramov regional sabitliyin qorunması baxımından diplomatik səylərin əhəmiyyətini vurğulayıb.

Tərəflər, həmçinin ikitərəfli və regional gündəlikdə duran digər məsələlər və son proseslər ətrafında müzakirələr aparıblar.
 

Reyting.az-ın məlumatına görə, DİN-nin Mətbuat xidmətinin regional qrupundan bildiriblər ki, Ekologiya və Təbii Sərvətlər Nazirliyinin yerli qurumlarının əməkdaşları ilə birgə keçirilən tədbir zamanı Hirkan Milli Parkının çətin relyef şəraitinə malik meşə ərazisində salınmış narkotik plantasiyası aşkarlanıb.

Tədbirlərlə həmin ərazidə aşkarlanan 179 ədəd çətənə kolunun əvvəllər məhkum olunmuş 38 yaşlı Elməddin Məmmədov tərəfindən əkilərək xüsusi qulluq göstərildiyi müəyyən edilib və o, polis əməkdaşları tərəfindən saxlanılıb.

Faktla bağlı Astara RPŞ-də cinayət işi başlanılıb, saxlanılan şəxs barəsində həbs qətimkan tədbiri seçilib. Araşdırmalar aparılır.
 

Reyting.az xəbər verir ki, ətdən kəskin qoxu gəldiyi və rənginin tündləşdiyi, antisanitar şəraitdə və temperatur rejiminə əməl edilmədən daşındığı, həmçinin baytarlıq-sanitariya ekspertizasından keçirilmədiyi müəyyən edilib.

Vətəndaş izahatında ətin özünə məxsus olduğunu, iribuynuzlu heyvanı tələf olduğu üçün Xocavənd rayonu, Qırmızı Bazar ərazisində kəsdiyini və Beyləqan rayonuna aparmaq istədiyini bildirib.

Faktla bağlı qanunvericiliyin tələblərinə uyğun müvafiq tədbirlər görülüb, ətlər soyuducu anbarda saxlanca yerləşdirilib, laborator nümunə götürülüb.

Reyting.az-ın məlumatına görə, təbrikdə deyilir:

"Zati-aliləri.

Dost ölkənizin Müstəqillik Günü münasibətilə Qətər Dövlətinin xalqı adından və şəxsən öz adımdan Sizə və Azərbaycan xalqına ən səmimi salamlarımı, xoş arzularla dolu təbriklərimi çatdırıram.

Sizə möhkəm cansağlığı, qardaş ölkənizə davamlı tərəqqi və firavanlıq, eyni zamanda, ölkələrimiz arasında qarşılıqlı əlaqələrin daha da inkişaf etməsini və möhkəmlənməsini arzu edirəm".

Bunu “Reytinq” qəzetinə açıqlamasında Azərbaycan Demokrat Partiyasının (ADP) sədri Sərdar Cəlaloğlu deyib.

Onun sözlərinə görə, tərəflər arasında iki mühüm məsələ qalmaqdadır. Bunlardan biri nüvə proqramı və zənginləşdirilmiş uranın taleyi, digəri isə Hörmüz boğazının statusu ilə bağlıdır.

S. Cəlaloğlu hesab edir ki, İran artıq əvvəlki İran deyil:

“İranın da müəyyən itkiləri oldu. Ölkə rəhbərliyi əvvəlki gücə, potensiala və siyasi xarakterə malik deyil. Bir sözlə, genişmiqyaslı müharibə gözlənilmir. Hazırda ABŞ-ın diqqəti daha çox Tayvan və Cənubi Amerika ölkələrinə, xüsusilə də Kubaya yönəlib. Buna görə də Vaşinqton İranla bağlı əsas hədəflərini həyata keçirmiş hesab olunur. Bundan sonra İranla yeni qarşıdurmalara getmək ABŞ üçün sərfəli görünmür.

Digər tərəfdən, ABŞ Konqresi də bu məsələlərə müdaxilə etmək səlahiyyətinə malikdir. Yəni Konqresin razılığı olmadan Donald Trampın İranla müharibəyə başlaması mümkün deyil. Həm Konqresdə, həm də hökumətdə İranla müharibənin əleyhinə olan qüvvələr kifayət qədər güclüdür. Hesab edirəm ki, ABŞ İran siyasətində müəyyən məqsədlərinə nail olub. Hətta vəziyyət o həddə çatıb ki, Tramp İranın İbrahim sazişlərinə qoşula biləcəyini dilə gətirir. Buna görə də ciddi toqquşmalar gözlənilmir”.

ADP sədri bildirib ki, Rusiya-Ukrayna müharibəsinin dayandırılması istiqamətində də müəyyən səylər göstərilir və tərəflərin mövqeləri dəqiqləşdirilir.

Cəlaloğlunun fikrincə, dünyada kəskin qarşıdurmalar dövrü tədricən sona yaxınlaşır və beynəlxalq siyasət yeni mərhələyə qədəm qoyur:

“Çünki kəskin qarşıdurmalar artıq həm ABŞ-ın, həm də Rusiyanın maraqlarına zərbə vurmağa başlayıb”.

Nemət Orucov
Reyting.az
 

Reyting.az xəbər verir ki, bunu Ukrayna Silahlı Qüvvələrinin Baş Qərargah rəisi, ordu generalı Aleksandr Sırski bildirib.

Onun sözlərinə görə, Rusiya ordusu pilotsuz uçuş aparatlarından (PUA) istifadə taktikasını daim dəyişir, onların sayını artırır və texniki imkanlarını təkmilləşdirir.

“Təcavüzkar tərəf reaktiv mühərrikli hücum dronlarının payını 50 faizə çatdırmağı planlaşdırır. Bu isə bizdən operativ və adekvat cavab tələb edir. Hücum dronlarına qarşı mübarizəyə həsr olunmuş işçi müşavirədə hava hücumundan müdafiə sistemlərimizin effektivliyinin artırılması və yerli istehsal olan tutucu dronların daha da təkmilləşdirilməsi ilə bağlı təklifləri dinlədim”, - deyə Sırski bildirib.

General əlavə edib ki, tutucu dronlar üçün döyüş başlıqlarının istehsalının artırılması məsələsi aktuallığını qoruyur. Bununla yanaşı, Ukrayna Silahlı Qüvvələri bu sahədə istehsal imkanlarını genişləndirməyə çalışır.

Baş Qərargah rəisinin sözlərinə görə, Ukraynanın “kiçik hava hücumundan müdafiə” sisteminin inkişafı və onun imkanlarının gücləndirilməsi istiqamətində həyata keçirdiyi sistemli tədbirlər olmasaydı, Rusiyanın gündəlik hava hücumlarının nəticələri daha ağır ola bilərdi.

“Hazırda məhv edilən Rusiya hava hücumu vasitələrinin böyük əksəriyyəti Ukrayna tutucu dronlarının fəaliyyətinin nəticəsidir. May ayı ərzində Ukraynanın üç hava hücumundan müdafiə eşelonunda fəaliyyət göstərən pilotsuz sistemlər müxtəlif tipli 3500-dən çox düşmən PUA-sını məhv edib. Bu dövrdə yalnız vurulan pilotsuz aparatların sayı deyil, həm də “kiçik hava hücumundan müdafiə” sisteminin effektivliyi artıb.

Pilotsuz Sistemlər Qüvvələrinin məsuliyyət daşıdığı ikinci eşelon ən yüksək nəticələri göstərib. Təkcə may ayında burada 1200-dən çox düşmən pilotsuz uçuş aparatı zərərsizləşdirilib”,- deyə Sırski vurğulayıb.

O qeyd edib ki, Müdafiə Qüvvələri hazırda pilotsuz sistemlərin ekipajlarının sayını artırır, şəxsi heyətin hazırlığını davam etdirir və daha iki bölgəni əhatə edəcək dördüncü hava hücumundan müdafiə eşelonunun yaradılması üzərində işləyir.

V. Quliyev
 

Reyting.az xəbər verir ki, bu barədə Elm və Təhsil Nazirliyi məlumat yayıb.

Qeyd olunub ki, Təhsil Mərkəzləşdirilmiş İnformasiya Sisteminə qoşulmuş ali təhsil müəssisələrinə müraciət etmək istəyənlər portal.edu.az vasitəsilə sənədlərini elektron formada təqdim edə bilərlər.

Sənəd qəbulu prosesi 31 avqust 2026-ci il saat 23:59-da başa çatacaq.

Təkrar təhsil hüququ əvvəlki təhsil səviyyəsinə uyğun müəyyən edilir. Qəbul təhsil müəssisələrinin müvafiq tədris ili üçün təsdiq olunmuş qəbul planına uyğun ixtisaslar və təhsilalma formaları üzrə həyata keçirilir.

Bundan başqa, təhsil müddəti əvvəlki və yeni təhsil proqramları arasındakı fərq nəzərə alınmaqla hesablanır.

Təhsil yalnız ödənişli əsaslarla həyata keçirilir, təhsil haqqı isə müddətə uyğun olaraq müəssisə tərəfindən müəyyən edilir.

Qeyd edək ki, T.Əsədov ötən ilin martında xidməti avtomobili ilə Şəki rayonundan iftardan qayıdarkən Qax rayonunun Güllük kəndindən keçən avtomobil yolunun qaranlıq hissəsində dayanan piyadanı vuraraq qəza törədib. Həmin vaxt DSMF-nin yaydığı məlumatda bildirilib ki, T.Əsədov hadisədən dərhal sonra yaralı piyadanı xəstəxanaya çatdırsa da, həyatını xilas etmək mümkün olmayıb.

Reyting.az xəbər verir ki, 42 vaqon dizel yanacağı Böyük Kəsik stansiyası istiqamətində yola düşüb.

Yük Gürcüstan ərazisindən tranzit keçməklə Ermənistana çatdırılacaq.

Xatırladaq ki, bu ölkəyə yanacaq ixracına isə 2025-ci dekabrın 18-də başlanılıb. Həmin gün Ermənistana 1 220 ton Aİ-95 markalı avtomobil yanacağı tədarük edilib.

Prezident İlham Əliyevin 2025-ci ilin oktyabrında verdiyi qərara əsasən, işğal dövründən bəri qüvvədə olan Azərbaycandan Ermənistana yüklərin tranziti ilə bağlı məhdudiyyətlər aradan qaldırıldıqdan sonra bu istiqamətdə daşımalar davam edir.

Reyting.az xəbər verir ki, A. Stubb bu sözləri Finlandiyanın paytaxtında keçirilən enerji konfransında deyib.

Stubbin sözlərinə görə, AB üzvlərinin sayını 40 dövlətə çatdırmağı hədəfləməlidir; o, həmçinin Birləşmiş Krallıq, Kanada, Türkiyə, Norveç və İslandiyanı potensial üzvlük namizədləri adlandırıb.

Siyasətçi əlavə edib ki, AB-nin genişlənməsi üçün “fürsət pəncərəsi” olduqca qısadır, çünki Ukraynadakı müharibə bitəndə və bəlkə də ABŞ administrasiyası dəyişəndə insanlar qaz pedalından əl çəkib yenidən lazımsız şeylər barədə mübahisə etməyə başlayacaqlar.

“Avropanın strateji muxtariyyəti və ya Avropanın geosiyasi gücü çox vaxt ölçü və miqyasdan asılıdır. Mən inanıram ki, tarixdəki ən yaxşı Avropa siyasəti AB-nin genişlənməsi olub”,- prezident vurğulayıb. 

Stubb bildirib ki, hazırda böyük və coğrafi baxımdan düşünmək lazımdır:

“Genişlənməliyik və ya heç olmasa, cəmi 40 Avropa dövlətini - hətta Avropa olmayan dövlətləri də əhatə edəcək qədər çevik bir üzvlük çərçivəsi yaratmalıyıq. AB diqqətini qərb cinahına yönəltməli və 2020-ci ildə blokdan çıxan Birləşmiş Krallığı geri alqışlamalı və ya onu mümkün qədər yaxınlaşdırmalıdır”.

Eyni zamanda, Stubbun vurğuladığı kimi, Kanada başqa bir seçim kimi nəzərdən keçirilməlidir: “Kanadanın ABŞ-ın 51-ci ştatı əvəzinə, Avropa Birliyinin 28-ci ştatı olması gözəl olmazdımı?”.

Bundan əlavə, siyasətçi bildirib ki, Ukrayna, Moldova və Gürcüstanı potensial Aİ üzvləri hesab etdikləri üçün Türkiyə haqqında da ciddi düşünmək lazımdır:

“Artıq heç kim Türkiyə haqqında danışmır və biz zehnimizi açmalıyıq ki, ən azı təhlükəsizlik baxımından Türkiyə mümkün qədər yaxın olmalıdır”.

E. Kamal
 

Reyting.az-ın "Report"a istinadla verdiyi məlumata görə, bu barədə hökm Bakı Ağır Cinayətlər Məhkəməsində hakim Leyla Əsgərova-Məmmədovanın sədrliyi keçirilən prosesdə oxunub.

M. Abasquliyeva məhkəmə zalında həbs olunub.

Bundan başqa, Hamlet Mustafayevə 5 il 8 ay müddətə azadlıqdan məhrum etmə, Elnur Əhmədliyə isə 5 il 2 ay müddətə azadlıqdan məhrum etmə cəzası verilib. Onlar da məhkəmə zalında həbs olunublar.

Xatırladaq ki, ötən proseslərin birində dövlət ittihamçısı Mehriban Abasquliyevanın 8, Elnur Əhmədli və Hamlet Mustafayevin isə 7 il müddətinə azadlıqdan məhrum edilməsini və onların məhkəmə zalından həbs edilmələrini təklif etmişdi.

Qeyd edək ki, 2024-cü il yanvarın 9-da Respublika Perinatal Mərkəzində PHŞ-nin inzibati binasında baş vermiş yanğınla bağlı Baş Prokurorluqda Cinayət Məcəlləsinin müxtəlif maddələri ilə cinayət işi başlanaraq ibtidai istintaqın aparılması Baş Prokurorluğun İstintaq idarəsinə tapşırılıb.

İstintaqla müəyyən olunub ki, Mərkəzin Anesteziologiya, reanimasiya və intensiv terapiya şöbəsinin Yenidoğulmuşların intensiv terapiya bölməsinin yerləşdiyi dördüncü mərtəbədəki palatasında baş vermiş yanğın nəticəsində 7 yeni doğulmuş körpə ölüb, 4 nəfər xəsarət alıb, müəssisəyə isə ümumilikdə 361 min manat məbləğində maddi ziyan vurulub.

Mərkəzin direktoru vəzifəsində işləmiş Mehriban Abasquliyeva Cinayət Məcəlləsinin 308.2 (ağır nəticələrə səbəb olan vəzifə səlahiyyətlərindən sui-istifadə) və 225.3-cü (yanğın təhlükəsizliyi qaydalarını pozma ehtiyatsızlıqdan iki və daha çox şəxsin ölümünə səbəb olduqda) maddələri, həmin mərkəzin şöbə rəisləri vəzifəsində işləmiş Hamlet Mustafayev və Elnur Əhmədli isə Cinayət Məcəlləsinin 225.3-cü maddəsi ilə təqsirləndirilən şəxs qismində cəlb edilərək onlara həmin maddələrlə nəzərdə tutulan ittiham elan edilib.
 

Reyting.az xəbər verir ki, bunu Avropa Birliyinin (AB) daxili işlər məsələləri üzrə komissarı Magnus Brunner deyib.

AB-yə üzv ölkələrin daxili işlər nazirlərinin görüşündən əvvəl Brüsseldə çıxış edən Brunner bildirib ki, Miqrasiya və Sığınacaq Paktının icrası uğurla davam edir və son illərdə qeyri-qanuni miqrasiyada ciddi azalma müşahidə olunur. Onun sözlərinə görə, hazırda Şengen məkanında tətbiq olunan məhdudiyyətlər və qaydalarla bağlı müxtəlif yeni variantlar qiymətləndirilir.

Banqladeş və Pakistandan Avropaya aparan marşrutlara, xüsusilə də Liviya üzərindən keçən istiqamətlərə diqqət çəkən Brunner qeyd edib ki, insanların Aralıq dənizi və Atlantik okeanı vasitəsilə təhlükəli səfərlərə çıxmasının qarşısı alınmalıdır.

Bəzi üzv dövlətlərin paktın icrasına hazırlıqlarını hələ tamamlamamaları ilə bağlı tənqidlərə cavab verən Brunner bildirib ki, son mərhələlər həmişə ən çətin olur, lakin ümumi vəziyyət qənaətbəxşdir.

Brunner qeyri-qanuni miqrasiyanın azalması və islahatların həyata keçirilməsi fonunda Şengen məkanında daxili sərhəd nəzarətinin mərhələli şəkildə aradan qaldırılmasının vacibliyini vurğulayıb.

Almaniyanın hazırda tətbiq etdiyi sərhəd nəzarətinə münasibət bildirən AB rəsmisi deyib:

“Şengen sistemi işləməlidir. İslahatlar həyata keçirildikdən və miqrasiya göstəriciləri azaldıqdan sonra sərhəd nəzarətindən addım-addım uzaqlaşmağın vaxtı gələcək”.

İsveçrədə yaxın vaxtlarda səsverməyə çıxarılacaq və ölkə əhalisinin sayını 10 milyon nəfərlə məhdudlaşdırmağı nəzərdə tutan təşəbbüslə bağlı suala cavab verən Brunner deyib ki, İsveçrə ilə AB arasında əməkdaşlıq güclü olaraq qalır. O, referendumun mümkün nəticələri barədə isə hər hansı şərh verməkdən çəkinib.

Brunner qeyd edib ki, nazirlərin görüşündə Ukrayna vətəndaşlarına verilən müvəqqəti qoruma statusunun gələcəyi də müzakirə olunacaq.

Onun sözlərinə görə, qoruma statusunun əhatə dairəsi ilə bağlı müxtəlif təkliflər nəzərdən keçirilir. Bu təkliflər arasında hərbi çağırış yaşında olan kişilərin müvəqqəti qoruma proqramından kənarda saxlanılması və ya Ukraynanın müəyyən bölgələrinin bu statusun əhatə dairəsindən çıxarılması kimi variantlar da var.

Brunner əlavə edib ki, qərar qəbul edilərkən ukraynalı qaçqınların ən çox yerləşdiyi ölkələrin - Polşa, Çexiya, Almaniya, Avstriya və Baltikyanı ölkələrin mövqeyi nəzərə alınacaq.

O bildirib ki, görüşdən sonra Avropa Komissiyası bu məsələ ilə bağlı konkret təklif təqdim etməyi planlaşdırır.

V. Quliyev
 

Reyting.az xəbər verir ki, bu barədə Latviya Silahlı Qüvvələrinin Baş Qərargah rəisi, general Kaspars Pudans “Financial Times” nəşrinə müsahibəsində xəbərdarlıq edib.

Generalın sözlərinə görə, Rusiyanın NATO ölkələri üzərində üstünlüyü qabaqcıl texnologiyalara malik olmasında deyil, böyük həcmdə dron istehsal etmək və onları döyüş şəraitinə sürətlə uyğunlaşdırmaq bacarığındadır.

Latviyalı general bildirib ki, Rusiya Avropanın yenidən silahlanma prosesinin ləng tempindən yararlana bilər. Çünki əksər hərbi modernləşdirmə proqramlarının 2029-cu ilə qədər tam fəaliyyətə başlaması gözlənilmir.

“Əgər mən Kremldə olsaydım, deyərdim ki, əgər hansısa addım atılacaqsa, bu, 2028-ci ilin sonuna qədər edilməlidir”, – deyə Pudans qeyd edib.

Bölgədəki digər rəsmilər də Rusiyanın mümkün hücumunun əvvəlki proqnozlardan daha tez baş verə biləcəyi ilə bağlı narahatlıqlarını ifadə edirlər. Onların fikrincə, belə bir addım Baltikyanı ölkələrin və ya NATO-nun şərq cinahında yerləşən digər üzv dövlətlərin müdafiə qabiliyyətinin sınaqdan keçirilməsi məqsədi daşıya bilər.

“Əgər siz Vladimir Putinsinizsə, gec deyil, daha tez hərəkət etməyə çalışmaq üçün bir neçə səbəbiniz var. Birincisi, Donald Trampın prezidentlik müddətinin bitməsinə iki il qalıb və ondan sonra hakimiyyətə kimin gələcəyi məlum deyil. İkincisi, Avropa ölkələri müdafiə xərclərini artırırlar. Buna görə də daha erkən hərəkət etmək məntiqli görünə bilər”, - deyə NATO-nun cəbhə xəttində yerləşən ölkələrindən birinin müdafiə rəsmisi bildirib.

Eyni zamanda qeyd olunur ki, Rusiyanın mümkün hərbi əməliyyatları Ukraynadakı müharibədə tətbiq olunan taktika və texnologiyalara əsaslana bilər. Pudansın sözlərinə görə, Rusiya ordusu davam edən döyüşlər zamanı əldə etdiyi təcrübə sayəsində yeni texnologiyaları sınaqdan keçirmək və təkmilləşdirmək imkanı qazanıb.

General vurğulayıb ki, Ukraynada aktiv döyüş əməliyyatları davam etdiyi müddətdə Rusiyanın genişmiqyaslı işğal həyata keçirmək üçün kifayət qədər qüvvəsi yoxdur. Bununla belə, o qeyd edib ki, müharibə başa çatdıqdan sonra Moskva qısa müddətdə daha ciddi təhlükəyə çevrilə bilər.

E. Kamal
 

Reyting.az  lent.az-a istinadla xəbər verir ki, məhkəmə müdafiə tərəfin vəsatətləri ilə davam edib. Məhkəmə tərkibi onlardan birini - iş üzrə istintaq aparan müstəntiqin məhkəməyə dəvət olunması barədə vəsatəti təmin edib və prosesin 11 iyuna təyin olunduğunu deyib.

Xatırladaq ki, hadisə 2025-ci ilin iyununda paytaxtın Xəzər rayonu, Mərdəkan qəsəbəsində qeydə alınıb.

"Arzum 9999" ləqəbli bloger İlduzə Hacıyevanın törətdiyi qəza nəticəsində qarşı tərəfdən bir nəfər ölüb, digəri isə ağır xəsarət alıb.

Faktla bağlı cinayət işi başlanılıb, İlduzə Hacıyeva Cinayət Məcəlləsinin 263.2-ci (yol hərəkəti və ya nəqliyyat vasitəsinin istismarı qaydalarının pozulması - ölümlə nəticələndikdə) və 264-cü (Yol nəqliyyat hadisəsi yerindən qaçma) maddələri ilə məsuliyyətə cəlb olunub.

İstintaq zamanı blogerin barəsində həbslə bağlı olmayan qətimkan tədbiri seçilib

Reyting.az xəbər verir ki, bu barədə klub məlumat yayıb.

Bildirlib ki, 27 yaşlı müdafiəçinin müqaviləsinin müddəti yenilənməyib.

Qeyd edək ki, Amin Seydiyev 2020-ci ildən "Sabah"da oynayırdı.

Reyting.az xəbər verir ki, bu barədə “Fire Point” şirkətinin həmtəsisçisi və baş konstruktoru Denis Ştilerman bildirib.

“Moskvaya qədər uça və hədəfi dəqiq vura bilən FP-9 raketi üçün lazım olan hər şeyimiz var, yalnız mühərrikdən başqa. İdarəetmə sistemi və korpus hazırdır, lakin mühərrik sınaqdan keçirilmədiyi üçün raketin yekun yığılması hələ tamamlanmayıb. Bu ay mühərrikin sınaqlarını keçirəcəyik və yaxın vaxtlarda uçuş testlərinə başlamağı gözləyirik. Sınaqlar uğurla başa çatdıqdan və bütün sistemlərin düzgün işlədiyi təsdiqləndikdən sonra növbəti sınaq uçuşlarının Moskva istiqamətində həyata keçirilməsi nəzərdə tutulur”,- deyə Ştilerman bildirib.

Onun sözlərinə görə, Ukrayna istehsalı olan ballistik raketlər bu yay və ya ən geci payızın əvvəlində Moskvanı vura biləcək imkanlara malik ola bilər.

“Biz heç vaxt təsdiq və ya əlavə icazələrin verilməsini gözləmirik. Buna görə də dərhal istehsal xətlərini qururuq və bir-iki nümunə ilə kifayətlənmirik. İlk mərhələdə 10 sınaq nümunəsi istehsal etməyi planlaşdırırıq. Daha sonra 10-20 raket hazırlanaraq sınaq məqsədilə buraxılacaq”, - o əlavə edib.

Xatırladaq ki, Prezident Aparatının rəhbər müavini, briqada generalı Pavlo Palisa daha əvvəl bildirmişdi ki, Ukraynanın öz ballistik raketinə malik olması Rusiyaya qarşı müharibənin gedişatında həlledici dönüş yaratmasa da, Müdafiə Qüvvələrinin imkanlarını əhəmiyyətli dərəcədə genişləndirəcək.

O, həmçinin ballistik raketlərin mövcudluğunu “ciddi arqument” adlandıraraq vurğulayıb ki, dünyanın bir çox ölkəsi belə silahlara sahib olması ilə öyünə bilmir.

E. Kamal
 

Reyting.az “Qafqazinfo”ya istinadla xəbər verir ki, təqsirləndirilən şəxslərə artıq yekun ittiham elan edilib.

Bakı-Hövsan Beynəlxalq Ticarət Dəniz Limanının sahibi Ruslan Eyyubov, limanın rəisi Rəşad Daşdəmirov, Dəniz Nəqliyyatı və Enerji Resursları Baş Gömrük İdarəsinin Liman Məntəqəsinin rəisi Fərid Usubov və digərləri barəsindəki istintaq sənədləri tanışolma üçün müdafiə tərəfinə təqdim olunub.

Tanışolma prosesi başa çatdıqdan sonra toplanmış materiallar baxılması üçün Bakı Ağır Cinayətlər Məhkəməsinə göndəriləcək.

Təqsirləndirilən şəxslər Cinayət Məcəlləsinin 206.4 (külli miqdarda qaçaqmalçılıq - mütəşəkkil dəstə tərkibində törədildikdə), 213-1.2.1, 213-1.2.2, 213-1.2.3 (külli miqdarda aksiz markası ilə markalanmalı olan malları belə marka olmadan satış məqsədi ilə saxlama - qabaqcadan əlbir olan bir qrup şəxs tərəfindən təkrar törədildikdə) və 308.2-ci (vəzifə səlahiyyətlərindən sui-istifadə-ağır nəticələrə səbəb olduqda) maddələri ilə ittiham edilirlər. Bu əməllər xüsusilə ağır cinayət hesab olunur.

Qeyd edək ki, cinayət işləri Baş Prokuror yanında Korrupsiyaya qarşı Mübarizə Baş İdarəsində istintaq olunub. Təqsirləndirilən şəxslərin hamısı ötən ilin dekabrından həbsdədirlər.

Reyting.az xəbər verir ki, sabah havanın temperaturu gecə 15-18° isti, gündüz 24-29° isti olacaq. Atmosfer təzyiqi 762 mm civə sütunu, nisbi rütubət isə gecə 60-65 %, gündüz 45-50 % olacaq.

Azərbaycanın əksər rayonlarında havanın əsasən yağmursuz keçəcəyi, lakin bəzi dağlıq və dağətəyi rayonlarda arabir yağıntılı olacağı gözlənilir. Ayrı-ayrı yerlərdə qısamüddətli intensivləşəcəyi, şimşək çaxacağı, dolu düşəcəyi ehtimalı var. Gecə və səhər bəzi yerlərdə duman olacaq. Şərq küləyi əsəcək. Havanın temperaturu gecə 15-19° isti, gündüz 27-32° isti, dağlarda gecə 7-12° isti, gündüz 15-19°, bəzi yerlərdə 21-25° isti olacaq.

Reyting.az xəbər verir ki, şotlandiyalı vingerin yeni klubu da məlumdur. O, “Makkabi”yə (Petah-Tikva) ilə anlaşıb. Bu barədə İsrail klubunun mətbuat xidməti məlumat yayıb.

Qeyd edək ki, 29 yaşlı futbolçu başa çatan mövsüm "Karvan-Yevlax"da 34 oyuna çıxıb, 3 qol vurub və 6 qol ötürməsi edib.(QOL.az)
 

Bu barədə əmri Ukrayna müdafiə naziri Mixaylo Fedorov imzalayıb.

G. Məmmədov əslən Azərbaycanın Gəncə şəhərindəndir. O, uzun müddət Ukrayna prokurorluq orqanlarında işləyib. O, 2014-cü ilin iyulundan - Odessanın prokuroru, 2015-ci ilin dekabrından - Odessa vilayəti prokurorunun müavini postunu tutub.

Ukrayna hökuməti tərəfindən 2016-cı il avqustun 22-də Krım Muxtar Respublikasının prokuroru təyin edilib.

2019-2021-ci illərdə Ukrayna Baş prokurorunun müavini olub/Report.

Reyting.az xəbər verir ki, bu barədə Ermənistan Xarici İşlər Nazirliyinin mətbuat xidmətindən bildiriblər.

Ermənistan xarici işlər naziri Ararat Mirzoyan deyib:

“Cəmi bir neçə saniyə əvvəl Ermənistan-ABŞ TRIPP Çərçivə Sazişini gözlərinizin qarşısında imzaladım.

Unutmayaq ki, bir neçə gün əvvəl onu ilkin olaraq mən və ABŞ dövlət katibi Marko Rubio imzaladıq. O, sazişi imzaladı və sənəd Ermənistana göndərildi. İndi mən Ermənistan tərəfindən imzaladım. Beləliklə, məsafədən imzalama prosesi başa çatdı və saziş təsdiqlənməyə hazırdır". 

Xatırladaq ki, Ermənistan Xarici İşlər Nazirliyi əvvəllər TRIPP üzrə Strateji Əməkdaşlıq haqqında Çərçivə Sazişinin mətnini dərc etmişdi.

E. Kamal
 

Reyting.az xəbər verir ki, bu, "Büdcə sistemi haqqında", "Hesablama Palatası haqqında" və "Sığorta fəaliyyəti haqqında" qanunlarda dəyişiklik edilməsi barədə qanun layihəsində öz əksini tapıb.

Sənəd Milli Məclisin İqtisadi siyasət, sənaye və sahibkarlıq komitəsinin bu gün keçirilmiş iclasında müzakirəyə çıxarılıb.

Qanun layihəsinə əsasən, Hesablama Palatası Naxçıvanın büdcəsinin layihəsinə və icrasına, həmçinin müvafiq qanunların layihələrinə və illik hesabatlara rəy verə biləcək. Bundan başqa, qurum muxtar respublikadakı büdcədən-kənar dövlət fondlarının, məqsədli dövlət fondlarının, publik hüquqi şəxslərin vəsaitləri, dövlət zəmanəti ilə alınan kreditlər, dövlət qrantları və texniki yardımlar, büdcədən maliyyələşdirilən təşkilatların büdcədənkənar fondlarının vəsaitləri ilə bağlı səlahiyyətlərə malik olacaq.

Palata həmçinin sığorta bazarının peşəkar iştirakçılarının əldə etdikləri sığorta sirri hesab edilən məlumatlara çıxış əldə edəcək.

Reyting.az xəbər verir ki, bunu DSX-dən bildiriblər.

Məlumata görə, ölkədən çıxışı qadağan edilmiş 831 nəfərin ölkəni tərk etməsinin, girişi qadağan olan 8 nəfərin isə ölkəyə daxil olmasının qarşısı alınıb.
 

Reyting.az xəbər verir ki, bununla bağlı Milli Məclisin İqtisadi siyasət, sahibkarlıq və sənaye komitəsinin bu gün keçirilən iclasında müzakirəyə çıxarılan “Yol hərəkəti haqqında” qanuna təklif edilən dəyişiklikdə əksini tapıb.

Layihəyə əsasən, avtonom nəqliyyat vasitəsi avtomatlaşdırılmış idarəetmə sistemi vasitəsilə hərəkət edən, insan tərəfindən birbaşa və ya davamlı idarəetmə müdaxiləsi olmadan özü hərəkət edən, yol hərəkətinin təhlükəsizliyi pozulduqda və ya avtonom nəqliyyat vasitəsində nasazlıq yarandıqda özü-özünü təhlükəsiz hərəkət rejiminə gətirə bilən, avtomatlaşdırılmış idarəetmə sistemi yüksək avtomatlaşdırılmış (avtomatlaşdırılmış idarəetmə sistemi yalnız müvafiq icra hakimiyyəti orqanının müəyyən etdiyi orqan (qurum) tərəfindən müvafiq icra hakimiyyəti orqanının müəyyən etdiyi orqanla (qurumla) razılaşdırılmaqla müəyyən edilən ərazidə və avtomobil yolunda bütün hərəkətini və ətraf mühitin monitorinqini tam həyata keçirə bilmə, habelə özü-özünü minimal risk vəziyyətinə müstəqil şəkildə keçirə bilmə imkanına malik olma) və ya tam avtomatlaşdırılmış (avtomatlaşdırılmış idarəetmə sistemi istənilən ərazidə bütün hərəkətini və ətraf mühitin monitorinqini tam həyata keçirə bilmə, habelə özü-özünü minimal risk vəziyyətinə müstəqil şəkildə keçirə bilmə imkanına malik olma) səviyyələrində olan mülki təyinatlı nəqliyyat vasitəsidir. Avtonom nəqliyyat vasitəsinin operatoru avtonom nəqliyyat vasitəsinin avtomatlaşdırılmış idarəetmə sisteminin fəaliyyətini təmin edən, müvafiq şəhadətnaməyə malik şəxsdir. Məsafədən idarəetmə mərkəzi avtonom nəqliyyat vasitəsinin avtomatlaşdırılmış idarəetmə sisteminin fəaliyyətinin təmininin məsafədən həyata keçirildiyi idarəetmə məntəqəsidir. Avtonom nəqliyyat vasitəsinin avtomatlaşdırılmış idarəetmə sisteminin fəaliyyətinə nəzarət etmək üçün sürücülük vəsiqəsi tələb olunmur. Avtonom nəqliyyat vasitəsinin texniki parametrləri imkan verdiyi halda avtonom nəqliyyat vasitəsinin bilavasitə idarə edilməsi zamanı həmin nəqliyyat vasitəsini idarə edən şəxsin müvafiq kateqoriyalı sürücülük vəsiqəsi olmalıdır.

Avtonom nəqliyyat vasitəsi müəyyən edilmiş tələblərə cavab verdiyi təqdirdə, o cümlədən dövlət qeydiyyatına alındıqdan sonra yol hərəkətində iştiraka buraxılır. Avtonom nəqliyyat vasitəsi yalnız müvafiq icra hakimiyyəti orqanının müəyyən etdiyi orqan (qurum) tərəfindən müvafiq icra hakimiyyəti orqanının müəyyən etdiyi orqanla (qurumla) razılaşdırılmaqla müəyyən edilən ərazidə və avtomobil yolunda hərəkət edə bilər. Avtonom nəqliyyat vasitələrinin avtomatlaşdırılmış idarəetmə sistemləri həmin sistemlərin fəaliyyətinə nəzarətin həyata keçirilməsi məqsədilə müvafiq icra hakimiyyəti orqanının müəyyən etdiyi orqan (qurum) tərəfindən yaradılan idarəetməyə nəzarət mərkəzi ilə inteqrasiya edilməlidir.

İdarəetməyə nəzarət mərkəzinin aşağıdakı vəzifələri var:

1) avtonom nəqliyyat vasitələrinin hərəkətinin monitorinqinin və təhlilinin aparılması (fərdi məlumatların mühafizəsi ilə bağlı normativ hüquqi aktların tələblərinə riayət edilməsi, o cümlədən anonimliyin və konfidensiallığın təmini şərtilə);

2) avtonom nəqliyyat vasitələrinin istismarı ilə əlaqədar formalaşan məlumatların saxlanılmasının təmin edilməsi;

3) aşağıdakı hallarda avtonom nəqliyyat vasitələrinin yol hərəkətindən kənarlaşdırılması ilə bağlı tədbirlərin görülməsi:

- avtonom nəqliyyat vasitəsində və ya onun avtomatlaşdırılmış idarəetmə sistemində nasazlıq müəyyən edildikdə;

- avtonom nəqliyyat vasitəsinin müəyyən edilmiş ərazi və ya avtomobil yolundan kənara çıxması halları müəyyən edildikdə;

- yol hərəkəti şəraitinin avtonom nəqliyyat vasitəsinin istismarına təhlükə yaratdıqda.

Avtonom nəqliyyat vasitələrinin operatorlarının aşağıdakı vəzifələri var:

1) avtonom nəqliyyat vasitəsinin avtomatlaşdırılmış idarəetmə sisteminin fəaliyyətinə nəzarət etmək;

2) avtonom nəqliyyat vasitəsinin istismarıtəhlükə yaratdıqda, avtonom nəqliyyat vasitəsinin qanunla müəyyən edilmiş ərazidən və ya avtomobil yolundan kənara çıxdıqda, avtomatlaşdırılmış idarəetmə sisteminə kənar müdaxilə baş verdikdə, nasazlıq və fövqəladə hallar (hadisələr) baş verdikdə avtonom nəqliyyat vasitəsinin avtomatlaşdırılmış idarəetmə sistemi tərəfindən verilən xəbərdarlıqlara uyğun olaraq həmin sistemə təlimatlar verməklə operativ müdaxilə (hərəkətin dayandırılması ilə bağlı) etmək;

3) avtonom nəqliyyat vasitəsinin üzərində aydın görünən yerdə və oxuna bilən ölçülərdə avtonom nəqliyyat vasitəsinin operatorunun əlaqə məlumatlarını (mobil nömrə və qaynar xətt) yerləşdirmək və avtonom nəqliyyat vasitəsinin yol hərəkətində iştirakı zamanı üzərində göstərilmiş əlaqə məlumatlarının daim əlçatan olmasını təmin etmək;

4) avtonom nəqliyyat vasitəsinin istifadəsi ilə bağlı son 6 (altı) ayı əhatə edən məlumatların saxlanılmasını və mühafizəsini təmin etmək;

5) avtonom nəqliyyat vasitəsinin avtomatlaşdırılmış idarəetmə sistemində olan məlumatların real vaxt rejimində müvafiq icra hakimiyyəti orqanının müəyyən etdiyi orqanın (qurumun) müvafiq informasiya sisteminə ötürülməsini təmin etmək;

6) avtonom nəqliyyat vasitəsinin avtomatlaşdırılmış idarəetmə sisteminin nəzərdə tutulan tələblərə uyğun fəaliyyətinə nəzarət etmək;

7) avtonom nəqliyyat vasitəsinin iştirakı ilə yol-nəqliyyat hadisəsi baş verdiyi təqdirdə avtonom nəqliyyat vasitəsinin dayanmasını təmin etmək, yol hərəkətinə, insanların həyatı və ya əmlakına təhlükə yaratmaması üçün tədbirlər görmək, habelə bu barədə müvafiq icra hakimiyyəti orqanının müəyyən etdiyi orqana (quruma) dərhal məlumat vermək.

Fiziki və hüquqi şəxslər, o cümlədən xarici hüquqi şəxsin filialı və nümayəndəliyi operator qismində fəaliyyət göstərmək üçün “Nəqliyyat haqqında” qanunla müəyyən edilmiş qaydada şəhadətnamə almalıdırlar.

Operator fiziki şəxs olduqda özü, hüquqi şəxs olduqda isə avtonom nəqliyyat vasitəsinin avtomatlaşdırılmış idarəetmə sistemi vasitəsilə idarə edilməsinə nəzarəti həyata keçirən işçiləri, avtomatlaşdırılmış idarəetmə sistemi və məsafədən idarəetmə mərkəzi “Nəqliyyat haqqında” qanunda qeyd edilən tələblərə cavab verməlidir. Avtonom nəqliyyat vasitəsinin mülkiyyətçisi (sahibi) həmin nəqliyyat vasitəsinin “Avtonom nəqliyyat vasitəsi” tanınma nişanı ilə təchiz edilməsini, istehsalçısı tərəfindən müəyyən edilmiş texniki və proqram təminatı tələblərinə uyğun vəziyyətdə saxlanılmasını, müvafiq şəhadətnaməyə malik operatorun nəqliyyat vasitəsinin avtonom idarə edilməsinə cəlb olunmasını, eləcə də istismar qaydalarının, nasazlıq və fövqəladə hallarda (hadisələrdə) müdaxilə (hərəkətin dayandırılması ilə bağlı) prosedurlarının istehsalçıdan əldə olunmasını təmin etməlidir. Avtonom nəqliyyat vasitəsinin mülkiyyətçisi (sahibi) və ya onun mülki hüquqi müqavilə əsasında cəlb etdiyi operator məsafədən idarəetmə mərkəzini yaradır və həmin mərkəzin proqram təminatının mütəmadi yenilənməsini, kibertəhlükəsizliyinin təminini və təhlükəsizlik auditinin keçirilməsini qeyd olunan mərkəzi yaradan şəxs təmin edir.

Layihəyə əsasən, “Avtonom nəqliyyat vasitəsinin tanınma nişanı” da müəyyənləşir. Avtomatlaşdırılmış idarəetmə sistemi ilə təchiz edilmiş nəqliyyat vasitələrinin arxasında eni 200 mm ölçüdə, hündürlüyü 250 mm ölçüdə ağ haşiyəyə alınmış göy rəngli düzbucaq şəklində tanınma nişanı quraşdırılır, yol hərəkətinin digər iştirakçılarını xəbərdar etmək məqsədilə lövhənin yuxarı hissəsində simsiz ötürülmə dalğaları təsvir edilmiş avtomobil simvolu, aşağı hissəsində isə ağ rənglə “AVTONOM NƏQLİYYAT VASİTƏSİ” sözləri yazılır.(APA)
 

Reyting.az xəbər verir ki, Ulu Öndər Heydər Əliyevin xalqın təkidli tələbi ilə hakimiyyətə qayıdışının 33-cü ildönümünə həsr edilən konsert Saat Qülləsinin qarşısında təşkil olunacaq.

Tanınmış müğənnilərin və yaradıcı kollektivlərin iştirakı ilə paytaxt sakinlərinə və şəhərin qonaqlarına Dənizkənarı Milli Parkda musiqi proqramı təqdim ediləcək.

Bayram konserti atəşfəşanlıqla yekunlaşacaq.

Reyting.az xəbər verir ki, bu barədə Dövlət İmtahan Mərkəzi məlumat yayıb.

İmtahan qrafikinə əsasən əcnəbi və vətəndaşlığı olmayan iddiaçıların Azərbaycan dili üzrə fəlsəfə doktoru imtahanı bütün bloklar üzrə iyunun 16-da keçiriləcək.

Doktoranturaya qəbul olmaq istəyən namizəd və doktoranturada oxuyan iddiaçıların danışıq bloku imtahanı 17 – 19 iyun tarixlərində keçiriləcək. Danışıq bloku üzrə qiymətləndirilmə şifahi formada kompüter proqramı vasitəsilə aparılır.

İyunun 25-də isə imtahanın dinləyib-anlama, oxuyub-anlama, dildən istifadə (leksik-qrammatik tapşırıqlar) və yazı blokları keçiriləcək.

Xarici dil üzrə qəbul imtahanında bloklar üzrə müvafiq bal məhdudiyəti (2 bal) nəzərə alınmaqla keçid balını (25 bal) toplamış namizədlər fəlsəfə, sonra isə ixtisas fənnindən imtahana buraxılırlar. Qəbul imtahanında 30 və daha çox bal toplayan namizədlər dissertasiyalarını həmin imtahanı verdikləri tarixdən beş il müddətində ilkin müzakirəyə təqdim etdikləri təqdirdə xarici dil üzrə fəlsəfə doktoru imtahanından azad olunurlar.

Reyting.az xəbər verir ki, bu barədə Bakı Dövlət Universitetinin Fizika fakültəsinin Astrofizika kafedrası məlumat yayıb.

Günəş səhtində müntəzəm baş verən C (zəif) sinif alışmalarla yanaşı, M (R1-R2-zəif-orta) sinif alışmalar və tac kültə atılması (TKA) baş verib. Bunun nəticəsində plazma kütləsinin iyun ayının ortaları üçün Yer yaxınlığından keçməsi proqnozlaşdırılır.

Bu gün saat 15:00-dan sonra Kp əmsalı 5 olan G1 səviyyəli geomaqnit qasırğası baş verəcək. Bu, iyunun 5-i səhər saatlarınadək davam edəcək. Gecə yarısı (5 iyun saat 00:00-03:00 aralığında) qasırğanın gücünün Kp əmsalı ilə 6 olacağı proqnozlaşdırılır.

İyunun 5-i saat 09:00-dan sonrakı müddətdə geomaqnit qasırğa sakit fon səviyyəsində olacaq. Prosesin Yerətrafı orbitdə olan aparatlara təsir etmə ehtimalı var.

Reyting.az xəbər verir ki, bu barədə “People” məlumat yayıb.  

Jurnalistlər qırmızı xalçada aktyordan 53 yaşlı Qrantı sevməyin onun üçün asan olub-olmadığını soruşublar. 61 yaşlı Rivz bu suala olduqca inandırıcı cavab verib.

Qeyd edək ki, Kianu Rivz “Matrix” franşizasının ulduzu və Hollivudun əfsanəsidir. Aktyor qapalılığı ilə tanınır və nadir hallarda sevgilisi ilə münasibətlərini ictimailəşdirir.

V. Quliyev
 

Reyting.az xəbər verir ki, bunu Macarıstanın Baş naziri Peter Macyar özünün “Facebook” səhifəsində yazıb.

Baş nazir qeyd edib ki, Ukrayna ilə razılaşma əldə olunub və bu, bir neçə həftə davam edən intensiv Budapeşt-Kiyev danışıqlarının nəticəsidir. 

Macyarın sözlərinə görə, razılaşma Zakarpat macarlarının siyasi təşkilatlarının və kilsənin də iştirak etdiyi ekspertlər səviyyəsində bir neçə həftəlik intensiv Macarıstan-Ukrayna danışıqlarının məntiqi nəticəsi olub.

V. Quliyev
 

Reyting.az-ın xarici mediaya istinadla verdiyi məlumata görə, jurnalist bildirib ki, Putinə məktub göndərib və yaxın aylarda Rusiya vətəndaşı olacağına ümid edir.

Qeyd edək ki, bundan əvvəl 10 uşaq böyüdən fransız Sorlin ailəsi Kremldə Rusiya Prezidenti Vladimir Putindən dövlət mükafatı alıb. İzabelle Beatris Margaret Laroçe-Sorlin “Qəhrəman Ana” ordeni ilə təltif edilib. O, 2015-ci ildə əri Fabris və uşaqları ilə birlikdə Avropadan Rusiyaya köçüb. 2024-cü ildə bütün ailə üzvlərinə Rusiya vətəndaşlığı verilib.

V. Quliyev
 

Reyting.az xəbər verir ki, Kimyaçılar qəsəbə sakini 32 yaşlı Urfan Baxışov yaşadığı evin qarşısında bıçaqlanaraq qətlə yetirilib.

Hadisənin onun qonşusu tərəfindən törədildiyi bildirilir. Şübhəli şəxs polis tərəfindən saxlanılıb.

Faktla bağlı Sumqayıt Şəhər Prokurorluğunda cinayət işi açılıb, araşdırma aparılır/qafqazinfo

Reyting.az xəbər verir ki, qanun layihəsini Konqresin 218 üzvü dəstəkləyib, 204-ü isə əleyhinə səs verib. 

Layihənin təsdiqi üçün minimum 218 səs tələb olunurdu. 

Bundan əvvəl ABŞ dövlət katibi Marko Rubio bəyan etmişdi ki, hazırda Ukraynada nizamlanmaya dair razılaşma perspektivi yoxdur. O, sözlərinə əlavə edib ki, münaqişə tərəflərindən heç biri sülhə nail olmaq üçün zəruri güzəştlərə getməyə hazır deyil.

Y. Qacar
 

Reyting.az xəbər verir ki, hazırda “Azeri Light”in bir bareli 104,40 dollara satılır.

Xatırladaq ki, bundan əvvəl neftimizin qiyməti 2.9 dollar ucuzlaşmışdı.

Reyting.az xəbər verir ki, bu barədə məlumat idman ictimaiyyətinə təqdim olunub.

Ümumilikdə 100 oyunçunun yer aldığı siyahıda transfer dəyərləri CIES-in xüsusi statistik modelindən istifadə edilməklə hesablanıb. Reytinq cədvəlinə "Barselona"nın 18 yaşlı cinah oyunçusu Lamin Yamal başçılıq edir.

Dünyanın ən dəyərli ilk 20 futbolçusunun siyahısı və transfer qiymətləri aşağıdakı kimidir:

1. Lamin Yamal ("Barselona") – 358,1 milyon avro

2. Erlinq Haland ("Mançester Siti") – 227,3 milyon avro

3. Kilian Mbappe ("Real" Madrid) – 165,7 milyon avro

4.Maykl Olise ("Bavariya") – 140,5 milyon avro

5. Morqan Rocers ("Aston Villa") – 136,8 milyon avro

6. Dezire Due (PSJ) – 133,2 milyon avro

7. Kenan Yıldız ("Yuventus") – 133 milyon avro

8. Niko Oreyli ("Mançester Siti") – 125 milyon avro

9. Arda Gülər ("Real" Madrid) – 124,8 milyon avro

10. Pau Kubarsi ("Barselona") – 124,6 milyon avro

11. Florian Virts ("Liverpul") – 124,1 milyon avro

12. Pedri ("Barselona") – 120,6 milyon avro

13. Cud Bellinqem ("Real" Madrid) – 120,3 milyon avro

14. Yann Diomand ("Leypsiq") – 118,7 milyon avro

15. Uqo Ekitike ("Liverpul") – 118,3 milyon avro

16. Joao Neves (PSJ) – 117,1 milyon avro

17. Fermin Lopes ("Barselona") – 115,9 milyon avro

18. Estevao ("Çelsi") – 113,4 milyon avro

19. Din Hoysen ("Real" Madrid) – 112 milyon avro

20. Bukayo Saka ("Arsenal") – 111,2 milyon avro.(Matc.az)
 

Reyting.az xəbər verir ki, "ScreenRant" nəşrinin yazdığına görə, gənc aktyor Kayl İstvud konsert zamanı məşhur atası ilə bağlı yayılan xəbəri təsdiqləyib. 

Oğul İstvud deyib ki, atası çoxdan təqaüdçü yaşında olsa da, indi təqaüdə çıxmaq qərarına gəlib, üstəlik, artıq onun 96 yaşı var və dincəlmək istəyir.
 
Gənc aktyor vurğulayıb ki, atası ilə bir neçə filmdə işləmək onun üçün çox böyük təcrübə olub. 

Qeyd edək ki, Klint İstvudun ekranda son aktyor işi "Kişi göz yaşları" filmidir. Kinorejissor kimi isə sonuncu dəfə "Münsif № 2" adlı filmi lentə aldığı deyilsə də, bununla bağlı hələlik rəsmi açıqlama verilmir.

Hollivudun kino tarixində 60 ildən çox davam edən yaradıcılıq fəaliyyəti ərzində daha çox aktyor kimi şöhrət qazanmış Klint İstvud müxtəlif dövrlərdə beş dəfə "Oskar" mükafatına layiq görülüb. 96 yaşlı İstvud təkcə ABŞ-da deyil, bütün dünyada kinonun ən nüfuzlu simalarından biri kimi qəbul edilir.

Oqtay Qorçu
 

Bu barədə Reyting.az-a Respublika Seysmoloji Xidmət Mərkəzinin Zəlzələlərin tədqiqatı bürosundan bildiriblər.

Yerli vaxtla saat 06:30-da qeydə alınan zəlzələnin maqnitudası 3,9 olub.

Zəlzələnin ocağı 62 kilometr dərinlikdə yerləşib.
 

Reyting.az xəbər verir ki, bu hadisələr ABŞ-ın vasitəçiliyi ilə əldə olunmuş İsrail-Hizbullah atəşkəs razılaşmasını və Vaşinqtonda İsrail ilə Livan arasında aparılan danışıqları ciddi sınaq qarşısında qoyur.

Livanın Səhiyyə Nazirliyinin məlumatına görə, çərşənbə günü həyata keçirilən hücumlardan biri təcili yardım maşınını hədəf alıb. Digər zərbələr isə Beyrutdan bir neçə kilometr cənubda yerləşən ərazilərə endirilib. Dövlət mediası İsrail hücumları nəticəsində azı 10 nəqliyyat vasitəsinin zərər gördüyünü bildirib.

Nazirliyin məlumatına əsasən, həlak olanlar arasında Çehur bələdiyyəsində çalışan iki tibb işçisi və sahilyanı Tir şəhəri yaxınlığında öldürülən daha altı nəfər var.

Livan ordusunun açıqlamasına görə, ölkənin cənubunda hərəkətdə olan bir əsgər də hücum zamanı həyatını itirib.

“Reuters” agentliyinin Livan təhlükəsizlik mənbələrinə istinadən yaydığı məlumata görə, Beyrutun cənub kənarında yerləşən Xalde bölgəsində baş verən zərbə nəticəsində iki nəfər yaralanıb.

V.Quliyev
 

Reyting.az xəbər verir ki, bu barədə İranın xarici işlər naziri Abbas Əraqçi "Əl-Mayadeen" televiziyasına müsahibəsində bildirib.

Livandakı vəziyyətə görə danışıqlar prosesinin dayandırılıb-dayandırılmadığı barədə suala cavabında Əraqçi deyib ki, xarici amillər danışıqlara təsir göstərir.

"Hazırda danışıqlar aparılmır, lakin mesaj mübadiləsi davam edir. İki gün əvvəl ABŞ-a İsrailin Beyruta qarşı təcavüzünün dayandırılmasının vacibliyi barədə mesaj göndərdik. Əlaqələrimiz kəsilməyib", - deyə nazir əlavə edib.

Xarici işlər naziri deyib: 

"Biz əvvəllər Amerika tərəfi ilə mübadilə edilmiş mətnləri nəzərdən keçiririk və sənədin yekun layihəsi üzərində işləyirik".

Y. Qacar