ABŞ-nın vitse-prezidenti J.D.Vans deyib ki, Ukraynadakı müharibənin sona çatması ilə bağlı tezliklə xoş xəbərlər olacaq.

Reyting.az-ın məlumatına görə, o, “NBC News”-ə müsahibəsində bildirib ki, Ukrayna böhranının həllində böyük irəliləyiş əldə edilib, baxmayaraq ki, hələ finiş xəttinə çatılmayıb. J.D.Vans bu məsələdə nikbinliyini ifadə edib.

“Düşünürəm ki, ümid var - ümid edirəm ki, növbəti bir neçə həftə ərzində bu cəbhədən yaxşı xəbərlər olacaq”,- Vans deyib.

Bundan əlavə, o, vitse-prezident kimi ən böyük məyusluqlarından biri kimi Rusiyanın Ukrayna ilə müharibəsinə son qoymaq üçün razılığa gələ bilməməsini qeyd edib: “Düşünürəm ki, Rusiya-Ukrayna münasibətləri bütün Ağ ev üçün daimi məyusluq mənbəyi olub”.

Vitse-prezident daha sonra əlavə edib:

“Əgər siz Yaxın Şərqdəki sülhü Şərqi Avropadakı sülhdən üstün tutsanız, sizə dəli olduğunuzu deyərdim”.

E. KAMAL