Çilidə ifrat sağçı namizəd Xose Antonio Kast prezident seçkilərinin ikinci turunda qalib gəlib.

Reyting.az xəbər verir ki, artıq bülletenlərin 99 faizi sayılıb. Kast səslərin 58,2 faizini toplayıb. Jeannette Jara isə 41,8 faizini toplayıb. Jara məğlubiyyətini etiraf edib.

Kast 11 mart 2026-cı ildə vəzifəsinin icrasına başlayacaq.

Respublika Partiyasının namizəd olan Kastı ABŞ da dəstəkləyirdi.

Çili prezidenti Qabriel Boric televiziyada canlı çıxış edərək Kastı təbrik edib. Kast isə hakimiyyətin təhvil verilməsi ilə bağlı əməkdaşlığa çağırışına görə prezident Boricə təşəkkür edərək deyib: “İstəyirəm ki, bu, son dərəcə nizamlı və hörmətli bir keçid prosesi olsun. Həmçinin, onun 11 martdan sonra ölkə ilə bağlı fikirləri və qiymətləndirmələri mənim üçün çox dəyərli olacaq”.

Qeyd edək ki, Çilinin ifrat sağ qanadının aparıcı siyasi xadimi, hüquqşünas və Respublika Partiyasının qurucusu Kast, hərbi diktator Auqusto Pinoçetlə əlaqəli siyasi keçmişi ilə tanınır.

V. QULİYEV