Mənzil proqramının bir hissəsi olaraq Qarabağdan Ermənistana köçən 4040 ailə sertifikat alıb.

Reyting.az xəbər verir ki, bu barədə Ermənistanın əmək və sosial məsələlər naziri Arsen Torosyan mətbuat konfransında bildirib.

Onun sözlərinə görə, sertifikat proqramı bu il də davam edəcək və Ermənistan vətəndaşlığı tələb olaraq qalacaq. Üstəlik, 1755 ailə mənzil alıb.

“Yeni uzunmüddətli kirayə proqramının tətbiqinə də qərar verilib. Bu proqram, yaşlılar və ya əlillər kimi sertifikatlardan istifadə edə bilməyən Qarabağdan gələn ermənilər üçün nəzərdə tutulub. Proqram 1 iyulda başlayacaq”, - deyə nazir əlavə edib.

Qarabağdan köçən ermənilərin sertifikatla mənzil ala biləcəyinə gəldikdə, nazir bildirib ki, əgər bir ailə qiymətlərin sertifikatın dəyərindən yüksək olduğu bir yerdə ev almaq istəsə, əlavə vəsait cəlb edə bilər

V. QULİYEV