Moldova Respublikası əsas sənədlərin denonsasiyasını həyata keçirməklə, Müstəqil Dövlətlər Birliyindən (MDB) çıxmaq prosesini başladıb.

Reyting.az-ın məlumatına görə, Moldovanın xarici işlər naziri Mixail Popşoy bildirib ki, onun ölkəsi 1991-1993-cü illər ərzində qəbul edilmiş MDB Nizamnaməsini və yaradılması haqqında sazişi ləğv etmək ərəfəsindədir.

"NewsMaker" nəşri yazır ki, bu prosesin fevralın ortalarına qədər tamamlanması və daha sonra parlamentin müzakirəsinə çıxarılması planlaşdırılır.

Qeyd olunur ki, uzun illərdir müstəqil siyasət yürüdən və Avropaya inteqrasiyanı seçən Moldova dövləti MDB üzvlüyündən çıxmaq istəyini ilk dəfə 2023-cü ilin dekabr ayında açıqlayıb. Bundan əvvəl bu addımı Gürcüstan (2008) və Ukrayna (2018) atmışdı.

Oqtay QORÇU