Əbu-Dabidə Rusiya, Ukrayna və ABŞ arasında danışıqların ilk günü başa çatıb və danışıqlar sabah davam edəcək.

Reyting.az-ın məlumatına görə, Rusiya prezidentinin mətbuat katibi Dmitri Peskov bildirib ki, Moskva Ukrayna münaqişəsinin sülh yolu ilə həll üçün qapını açıq qoyur, Kiyev qərar verənə qədər sülh danışıqlarını davam etdirir.

Peskov qeyd edib ki, Moskvanın mövqeyi həm Ukrayna, həm də Amerika tərəfləri üçün aydındır. O əlavə edib ki, Rusiya amerikalı danışıqçılara minnətdardır.

Qeyd olunur ki, məsləhətləşmələr Rusiya, ABŞ və Ukrayna nümayəndələrinin iştirakı ilə üçtərəfli və ikitərəfli formatlarda keçiriləcək. Əvvəlcə hamısı birlikdə, sonra amerikalılar, ruslar və ukraynalılar ayrı-ayrılıqda müzakirə aparacaqlar.

***

ABŞ-nın xüsusi elçi Stiven Uitkoff və Cared Kuşner sabah Əbu-Dabidə Rusiya, ABŞ və Ukrayna arasında üçtərəfli danışıqların növbəti mərhələsində iştirak edəcəklər.

Reyting.az xəbər verir ki, bunu Ağ evin mətbuat katibi Kerolin Levit bu gün Əbu-Dabidə Ukrayna münaqişəsinin həlli ilə bağlı görüşdən danışarkən bildirib.

Levitt əvvəlki danışıqları yenidən tarixi adlandırıb. O, əvvəllər onların nəticələrindən sonra sülh prosesinin əla vəziyyətdə olduğunu bildirmişdi. Prezident Donald Tramp isə öz növbəsində hazırkı vəziyyəti "çox yaxşı" adlandırıb.

Xatırladaq ki, yanvarın sonunda Əbu-Dabidə Moskva, Kiyev və Vaşinqton nümayəndələrinin iştirakı ilə üçtərəfli işçi qrupunun iclası keçirilib. Tərəflər Amerika sülh planındakı həll olunmamış məsələləri bağlı qapılar arxasında müzakirə ediblər. Yeni danışıqlar ötən bazar günü planlaşdırılsa da, onlar 4-5 fevral tarixlərinə təxirə salınıb. Rusiya prezidentinin mətbuat katibi Dmitri Peskov bunu cədvəldəki ziddiyyətlə əlaqələndirib. 

E. KAMAL