Baş Prokurorluq səfirlikdəki maliyyə fırıldağını araşdıracaq
Tarix: 28-12-2018 14:48 | Bölmə: Slayd
Baş Prokurorluq səfirlikdəki maliyyə fırıldağını araşdıracaq

Azərbaycanın Hesablama Palatasının növbəti kollegiya iclası keçirilib.

Palatanın mətbuat xidmətindən verilən məlumata görə, iclasda həyata keçirilən aşağıdakı nəzarət tədbirləri üzrə auditor hesabatları müzakirə olunub.

"Ünvanlı dövlət sosial yardımı sisteminin təkmilləşdirilməsi istiqamətində həyata keçirilmiş tədbirlərin əldə olunmuş nəticələr baxımından təhlili və 2015-2017-ci illər üzrə qiymətləndirilməsi" mövzusunda təhlilə dair, Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun Gədəbəy rayon şöbəsinə dövlət büdcəsindən ayrılan vəsaitlərin, məcburi dövlət sosial sığortası üzrə gəlirlərin və xərclərin icrasına dair nəzarət tədbirləri üzrə auditor hesabatları müzakirə olunub.

Kollegiya iclasında hər bir nəzarət tədbiri üzrə müvafiq qərar qəbul edilib.

Kollegiyada dövlət büdcəsindən Azərbaycanın Ukraynadakı səfirliyinin inzibati binasının əsaslı təmirinə ayrılan vəsaitlərdən istifadəyə dair auditin nəticəsi üzrə materialların Azərbaycan Baş prokuroru yanında Korrupsiyaya qarşı Mübarizə Baş İdarəsinə göndərilməsi qərara alınıb.

Eyni zamanda, həmin qərarların icrasını təmin etmək məqsədilə aidiyyəti dövlət qurumlarına təqdimatların göndərilməsi və nəzarət tədbirlərinin nəticələri barədə məlumatların Milli Məclisə təqdim olunması qərara alınıb.

Reyting.az




Bölməyə aid digər xəbərlər
{sape_links}{sape_article}