ATƏT Minsk qrupunun ləğvi prosesini başa çatdırıb.

Reyting.az-ın məlumatına görə, təşkilatın bəyanatında deyilir ki, ATƏT Minsk prosesini və onunla əlaqəli strukturlarını bağlayıb.

Bəyanatda deyilir: "ATƏT Minsk prosesini və onunla əlaqəli strukturları 30 noyabr 2025-ci il, saat 23:59-da, Ermənistan və Azərbaycanın Finlandiyanın ATƏT sədrliyinə birgə müraciətindən sonra 1 sentyabr 2025-ci il tarixində qəbul edilmiş Nazirlər Şurasının qərarına uyğun olaraq bağlayıb".

Qeyd olunur ki, bütün zəruri inzibati prosedurların tamamlanması bağlanma prosesinin başa çatmasını göstərir.

Bəyanatda əlavə olunur: "Bu proses, 8 avqust 2025-ci il tarixində Vaşinqtonda Ermənistanın baş naziri Nikol Paşinyan və Azərbaycan prezidenti İlham Əliyev tərəfindən ABŞ prezidenti Donald Trampın iştirakı ilə imzalanmış tarixi Birgə Bəyannamədən sonra qəbul edilmiş 1 sentyabrda bütün 57 ATƏT iştirakçı dövlətinin konsensus qərarının həyata keçirilməsidir".

Xatırladaq ki, ATƏT-in Minsk qrupu 1992-ci ildə yaradılıb və Rusiya, Fransa və ABŞ tərəfindən sədrlik edilib. 2022-ci ilin aprel ayında Rusiyanın xarici işlər naziri Sergey Lavrov Paris və Vaşinqtonun qrup daxilində Moskva ilə əməkdaşlıq etməkdən imtina etdiyini açıqlayıb.

E. KAMAL