ABŞ prezidenti Donald Trampın xüsusi elçisi Stiv Uitkoffun Moskvaya səfəri təhlükəli eskalasiyanın qarşısının alınması baxımından böyük əhəmiyyət daşıyır.

Reyting.az xəbər verir ki, bunu “The New York Times” qəzetinin sitat gətirdiyi politoloq İlya Qraşçenkov bildirib.

Politoloqun sözlərinə görə, əsas gözləntilər, yəqin ki, bu böhran dövründə yüksək səviyyəli əlaqə kanalının qorunub saxlanmasına yönəlir. Bu isə özlüyündə təhlükəli eskalasiyanın qarşısını almaq üçün mühüm hesab olunur.

Qeyd edək bu gün günortadan sonra Moskvada ABŞ prezidentinin xüsusi elçisi Uitkoff ilə Rusiya prezidenti Vladimir Putin arasında danışıqlar keçiriləcək.

Ağ ev danışıqlardan əvvəl bildirib ki, nizamlanma planı ciddi şəkildə yenidən işlənib və Tramp administrasiyası münaqişənin tezliklə başa çatacağına optimist yanaşır.

Y. QACAR