AzTV-nin əməkdaşı koronavirusdan vəfat edib
Tarix: 01-07-2020 14:25 | Bölmə: Cəmiyyət
AzTV-nin əməkdaşı koronavirusdan vəfat edib

“Azərbaycan Televiziya və Radio Verilişləri” Qapalı Səhmdar Cəmiyyətinin əməkdaşı koronavirusdan vəfat edib.

AzTV-dən verilən məlumata görə, qurumun İctimai-siyasi və analitik verilişlər departamentinin rejissoru Samir Nəcəfzadə bir neçə gün əvvəl səhhətinin ağırlaşması səbəbindən xəstəxanaya yerləşdirilsə də, onun həyatını xilas etmək mümkün olmayıb.

QSC kollektivi həyatını itirən əməkdaşına Allahdan rəhmət diləyir və ailəsinə dərin hüznlə baş sağlığı verir.

Məlumatda qeyd edilir ki, hazırda AzTV-nin daha 5 əməkdaşı xəstəxanada müalicə alır, 1 nəfər evə buraxılıb və onların səhhətində hər hansı ağırlaşma yoxdur.

AzTV-dən bildiriblər ki, xəstəliyin əməkdaşlar arasında geniş yayılmaması üçün şirkət daxilində dezinfeksiya tədbirləri davam etdirilir, hərarəti yüksək olan əməkdaşlar QSC daxilinə buraxılmır və ümumi sayı 3000-ə yaxın olan kollektivin hazırda yalnız min nəfəri iş başındadır. Qalan əməkdaşlar isə əməkdaşlığı distant şəkildə, evdə qalaraq davam etdirir.

Reyting.az




Bölməyə aid digər xəbərlər
{sape_links}{sape_article}