25 nəfəri öldürən qatil fil 14 ildir bir ailəni təqib edir

Nepalda qatil fil 14 ildir bir ailəni təqib edir.

Reyting.az xəbər verir ki, bu barədə “Kathmandu Post” qəzeti yazıb.

Nepal sakini Şaniçara Bote 2012-ci ildə Dhurbe adlı vəhşi filin valideynlərini tapdalayaraq öldürdüyünü bildirib. Daha sonra ailə evlərini satıb başqa bir əraziyə köçüb, təhlükəli heyvanla bir daha qarşılaşmamaq ümidi ilə yaşayıb. Lakin 14 il sonra həmin fil onların həyatında yenidən peyda olub.

5 iyul gecəsi Dhurbe ailənin Çitvan Milli Parkının yaxınlığındakı Caqatpur rayonundakı yeni evinə soxulub. Hücum zamanı Şaniçaranın 25 yaşlı gəlini Aşika Bote və dörd yaşlı nəvəsi Bharat öldürülüb.

Kişinin sözlərinə görə, ailə qəsdən bir neçə çayı keçərək bunun onları vəhşi heyvanların hücumlarından qoruyacağına inanıb. Lakin fil evlərinə qayıdıb. 

Çitvan Milli Parkı administrasiyasının məlumatına görə, Dhurbe ilk dəfə insanlara hücum etməyə 2010-cu ildə başlayıb. O vaxtdan bəri o, parkı qoruyan iki əsgər də daxil olmaqla ən azı 25 nəfəri öldürüb.

İlk ölümcül hücumlardan sonra hakimiyyət orqanları hətta genişmiqyaslı məhv əməliyyatına başlasa da, yaralı heyvan qaçmağı bacarıb. Daha sonra hərəkətlərini izləmək və sakinləri təhlükə barədə xəbərdar etmək üçün ona bir neçə dəfə peyk boyunbağıları taxılıb.

Yerli sakinlər Rapti çayı üzərindəki körpünü bağlayaraq, milli parkın rəhbərliyini başqa bir hücumun qarşısını ala bilməməkdə ittiham ediblər.

V. Quliyev

• Teqlər
• #Nepal
• #25 nəfəri öldürən qatil fil 14 ildir bir ailəni təqib edir