77 nəfəri öldürən terrorçu adını dəyişib

Norveçin müasir tarixində ən böyük terror hücumuna görə məhkum edilən Anders Breivik rəsmi olaraq adını dəyişdirib. 

Reyting.az xəbər verir ki, o, hazırda ölkədə ən çox rast gəlinən və soyad kombinasiyası olan Yan Yohansen kimi qeydiyyata alınıb.

Ad dəyişikliyi Norveçin milli reyestrində təsdiqlənib. Statistikaya görə, 2025-ci ilin sonunda ölkədə təxminən 600 nəfər Yan Yohansen soyadını daşıyır və bu, Norveçdə ən çox rast gəlinən soyaddır.

Bu, məhkum edilən şəxsin adını dəyişdirdiyi ilk hal deyil. O, əvvəllər Far Skaldigrimm Rauskjoldr af Nortrik də daxil olmaqla, digər adlardan istifadə edib və əvvəllər Fyotolf Hansen kimi qeydiyyata alınıb.

Məhkum edilmiş şəxsin vəkili Oystein Storvik ad dəyişikliyi və ya onun mümkün səbəbləri barədə şərh verməkdən imtina edib.

Xatırladaq ki, Anders Breivik 22 iyul 2011-ci ildə Osloda və Utoya adasında 77 nəfərin ölümünə səbəb olan terror hücumlarının arxasında duran şəxs kimi tanınır. 2012-ci ildə o, Norveçin ən yüksək - 21 il həbs cəzasına məhkum edilib və müddətinin uzadılması imkanı qüvvədə saxlanılıb. O vaxtdan bəri terrorçu tək kamerada saxlanılır.

V. Quliyev
 

• Teqlər
• #Norveç
• #terrorçu