Azər Əhmədov mərkəz direktoru vəzifəsindən azad edilib

Azər Əhmədov Respublika Pediatriya Mərkəzinin direktoru vəzifəsindən azad edilib.

Reyting.az “Teleqraf” istinadla xəbər verir ki, Azər Əhmədovun işdən çıxarılmasının səbəbi hələlik açıqlanmayıb. 

Məlumat üçün bildirək ki, Azər Əhmədov 2001-2007-ci illərdə Azərbaycan Tibb Universitetində həkim-pediatr ixtisası üzrə təhsil alıb. 2007-2008-ci illərdə Ə. Qarayev adına 2 saylı Uşaq Klinik Xəstəxanasında internatura keçib. 2015-2019-cu illərdə Türkiyədə Qazi Universitetində təhsilini davam etdirərək uzmanlıq dərəcəsi alıb.

2020-ci ildə Bakı Sağlamlıq Mərkəzinin Pediatriya Mərkəzinin rəhbəri, 2020-2023-cü illərdə isə K.Y.Fərəcova adına Elmi-Tədqiqat Pediatriya İnstitutunda direktor müavini vəzifəsini icra edib.

2024-cü il aprelin 18-dən indiyədək Respublika Pediatriya Mərkəzinin direktoru vəzifəsində çalışıb.
 

• Teqlər
• #Azər Əhmədov