Filmlərdə çəkilən məşhur futbolçular - Siyahı

Futbol meydançasından kino dünyasına keçid edənlər arasında dünya futbol tarixində qazandıqları uğurlarla tanınan bir sıra məşhur oyunçular da var. Bu futbolçular yaşıl meydanlardakı karyeralarından sonra və ya onunla paralel şəkildə Avropa və Amerika kino sənayesində özlərini sınayıblar. Onların bəziləri epizodik rollarda, digərləri isə tamhüquqlu aktyor kimi əsas obrazlarda çıxış ediblər.

Reyting.az xəbər verir ki, bu futbolçular arasında “futbol kralı” kimi tanınan, Braziliya futbolunun əfsanəsi sayılan Pele xüsusi yer tutur. O, 1981-ci ildə çəkilən “Escape to Victory” (“Qələbə uğrunda qaçış”) filmində rol almaqla futbolçular arasında kinoya keçid edən ilk böyük ulduzlardan biri olub.

İngiltərə futbolunun tanınmış keçmiş oyunçusu Vinnie Jones isə futbolçu karyerasını başa vurduqdan sonra Hollivudda uğurlu aktyorluq fəaliyyəti qurub. O, “Snatch” (“Tez qoparmaq”), “Lock”, “Stock and Two Smoking Barrels” (“Kart, pul və iki tüstülənən lülə”) və digər məşhur filmlərdə çəkilib.

Eric Cantona, Fransa millisinin sabiq kapitanı və dünya futbolunun ən məşhur simalarından biri kimi, futbol karyerasını başa vurduqdan sonra kino sahəsində də özünü sınayıb. O, bir sıra Avropa filmlərində və seriallarda müxtəlif rollar ifa edib.

Digər məşhur ingilis futbolçusu David Beckham isə kinoya daha peşəkar yanaşması ilə seçilir. “Bekhem King Arthur: Legend of the Sword” (“Kral Artur: Qılıncın əfsanəsi”) filmində rol alıb. 

Fransa futbolunun canlı əfsanəsi Zinedine Zidane da müxtəlif film layihələrində və qonaq rollarında iştirak edib.

Müasir futbol ulduzlarından olan Neymar “xXx: Return of Xander Cage” (“Xander Keycin qayıdışı”) filmində, dünya şöhrətli futbolçu Ronaldinho isə “Kickboxer: Retaliation” (“Kikboksçu: İntiqam”) filmində rol alıb. 

İsveçli hücumçu Zlatan Ibrahimović isə “Asterix & Obelix: The Middle Kingdom” filmində qədim romalı döyüşçü obrazını canlandırıb.

Argentina futbolunun əfsanələri Diego Maradona və Lionel Messi əsasən öz həyatlarından bəhs edən filmlər və sənədli ekran əsərləri vasitəsilə kino dünyasında yer alıblar.

Türkiyə futbolunun tanınmış simalarından Arda Turan “Hükümet Kadın 2” filmində epizodik rolda çəkilib. Keçmiş futbolçu və aktyor Osman Alyanak isə Yeşilçam dövrünün ən tanınmış kino simalarından biri hesab olunur.

Almaniya futbolunun tanınmış nümayəndələrindən Joshua Kimmich məşhur Tatort serialında rol alıb. Bundan başqa, Almaniya millisinin sabiq qapıçısı Oliver Kahn və digər alman futbolçuları da müxtəlif televiziya seriallarında və kino layihələrində iştirak ediblər.

Beləliklə, dünya şöhrətli futbolçuların bir qismi epizodik rolları ilə tamaşaçıların yaddaşında qalsa da, onların arasında aktyorluğu ikinci peşəyə çevirərək kino dünyasında ciddi uğurlar qazananlar da az deyil.

Mütəxəssislərin fikrincə, futbolçuların kino layihələrinə cəlb edilməsi və onlara müxtəlif ölçülü rolların verilməsi filmlərin populyarlığını artırır. Eyni zamanda, bu, futbol azarkeşlərinə sevdikləri idmançıları fərqli ampluada görmək imkanı yaradır.

Oqtay Qorçu
 

• Teqlər
• #Filmlərdə çəkilən məşhur futbolçular
• #Siyahı