Göygöl rayonunda iki nəfər göldə batıb (Yenilənib)

Göygöl rayonunda iki nəfər göldə batıb.

Reyting.az-ın məlumatına görə, iki nəfərin göldə çimən zaman batdığı bildirilir.

Hadisə yerinə FHN-nin xilasediciləri cəlb edilib.

Hazırda axtarışlar davam etdirilir.(APA)

***

Fövqəladə Hallar Nazirliyinin "112" qaynar telefon xəttinə Göygöl rayonu, Bəhranbağ qəsəbəsi ərazisində azyaşlıların süni göldə batması barədə məlumat daxil olub.

Nazirliyin Mətbuat xidmətindən Reyting.az-a bildiriblər ki, məlumatla əlaqədar dərhal FHN-nin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıcları çağırış üzrə cəlb olunub.

Dalğıclar tərəfindən 2017-ci il təvəllüdlü Həsənov Ramil Rövşən oğlunun meyiti suda tapılıb çıxarılaraq aidiyyəti üzrə təhvil verilib.

Göldə batan digər azyaşlı, 2016-cı il təvəllüdlü Nəsibov Yusif Sərxan oğlunun da meyiti tapılıb.

Hadisə ilə əlaqədar müvafiq qurumlar tərəfindən araşdırma aparılır.
 

• Teqlər
• #Faciə
• #Göygöl rayonunda iki nəfər göldə batıb