Hikmət Hacıyev Kolumbiyanın XİN rəhbərinin müavini ilə görüşüb

“Kolumbiyanın xarici işlər nazirinin müavini xanım Xuana Esperanza Kastro Santamaria ilə Azərbaycana səfəri zamanı səmərəli müzakirələr apardıq”.

Reyting.az xəbər verir ki, bunu Azərbaycan Respublikası Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev “X” hesabında yazıb.

H. Hacıyev qeyd edib ki, Azərbaycan və Kolumbiya arasında siyasi dialoqun hazırkı səviyyəsi ümidvericidir: “İqtisadi və ticarət, mədəni və humanitar, turizm və insanlararası mübadilə sahələrində əməkdaşlığı genişləndirmək üçün əhəmiyyətli potensial mövcuddur.

Həm Azərbaycan, həm də Kolumbiya mina problemindən əziyyət çəkir və biz bu sahədə əməkdaşlıq və təcrübə mübadiləsi imkanlarını da müzakirə etdik. Kolumbiya tərəfinə Azərbaycanda ispan dilinin təşviqinə verdiyi dəstəyə görə minnətdarlığımızı bildiririk”.

• Teqlər
• #Hacıyev
• #Kolumbiya XİN