III Çarlz müsəlman olmaqda şübhəli bilinir

Kral III Çarlz əvvəllər müsəlman bayramları üçün təbrik videoları paylaşmasına baxmayaraq, üç illik hakimiyyəti dövründə ilk dəfə Pasxa nitqi söyləmədikdən sonra gizli şəkildə İslamı qəbul etməkdə şübhəli bilinir.

Reyting.az xəbər verir ki, bu barədə “Christian Post” qəzeti yazıb.

Qeyd olunur ki, Kral III Çarlz fevral ayında müsəlmanlara "mübarək və xoşbəxt Ramazan" arzulasa da, əsas xristian bayramını görməməzliyə vurması Britaniya xristianlarını və ruhaniləri qəzəbləndirib.
 
Məlumata görə, Avropa Parlamentinin keçmiş üzvü Qodfri Blum hətta III Çarlzı "müsəlman kralımız" adlandırıb və onun taxtdan imtinasını tələb edib: "Sən bu ölkə üçün tamamilə faydasızsan. Allahın adı ilə get!" 

Qəzet yazır ki, Çarlzın gizlicə İslamı qəbul etməsi ilə bağlı şayiələr, onun Sikstin Kapellasında Papa ilə son görüşü - min ildən sonra hökmranlıq edən ingilis monarxının papaya ilk səfəri - və 2025-ci ildə "bütün böyük dinləri" təriflədiyi Milad çıxışı ilə daha da güclənir.

V. Quliyev
 

• Teqlər
• #Kral
• #Çarlz