İraq ABŞ-İran danışıqlarına ev sahibliyi etməyə hazırdır

Zəruri hallarda İraq ABŞ və İran arasında danışıqlara ev sahibliyi etməyə hazırdır.

Reyting.az xəbər verir ki, bunu İraqın Rusiyadakı səfiri doktor Əbdül-Kərim Haşim Mustafa TASS-a bildirib. 

Diplomat deyib: "2014-cü ildə İraq ABŞ və İran arasında ilk dolayı danışıqlara ev sahibliyi edib. İraq bu rolu oynamağa həmişə hazırdır, lakin bu, iki ölkənin - ABŞ və İranın iradəsindən və istəyindən asılıdır".

O əlavə edib ki, İran, ABŞ və İsrailin iştirak etdiyi münaqişə adi iraqlıların həyatına o qədər də təsir etməyib.

Haşim Mustafa təəssüflə bildirib ki, İsrail raketlərinin çoxu təkcə İraq hava məkanından deyil, həm də Suriya, Livan, bəzən İordaniya hava məkanından [İrana doğru] uçub və bunun qarşısını almaq üçün texniki imkanı olan ölkələrin sayı azdır.

E. Kamal
 

• Teqlər
• #Səfir
• #İraq ABŞ-İran danışıqlarına ev sahibliyi etməyə hazırdır