İsmayıllıda qəza: ölən və xəsarət alanlar var

İsmayıllı rayonunda avtomobil qəzası baş verib.

Reyting.az APA-ya istinadla bildirir ki, iyunun 21-də saat 13 radələrində rayonun Uştal kəndi ərazisində “Ford” və “VAZ-2106” markalı avtomobillər toqquşub. Nəticədə “VAZ”-da olan sərnişin, 62 yaşlı Yeganə Salmanova hadisə yerində ölüb, sürücü 57 yaşlı Elxan Nağıyev, eləcə də digər sərnişinləri - 77 yaşlı Şahmalı Salmanov və 65 yaşlı İlham Salmanov xəsarət alıb.

Fakta görə Rayon Polis Şöbəsində cinayət işi başlanılıb, istintaq hərəkətləri aparılır.
 

• Teqlər
• #İsmayıllıda qəza
• #ölən və xəsarət alanlar var