Millinin sabiq müdafiəçisi 200 min avro cərimələnib

“Barselona” və İspaniya millisinin sabiq müdafiəçisi Gerard Pike (Gerard Pique) insayder ticarəti səbəbindən cərimələnib. 

Reyting.az xəbər verir ki, bu barədə COPE məlumat yayıb.

İspaniyanın Qiymətli Kağızlar Bazarı üzrə Milli Komissiyası (CNMV) Pikeyə 2021-ci ildə Aspy Global Services şirkətinin səhmlərini şirkətin satın alınacağı barədə məlumat ictimaiyyətə açıqlanmamışdan bir neçə gün əvvəl aldığı üçün 200 min avro cərimə tətbiq edib.

Məlumata görə, keçmiş futbolçu məxfi informasiyadan istifadə edib və daha sonra dəyəri 20 faiz artan səhmləri sataraq qazanc əldə edib. Tənzimləyici qurum bunu “çox ciddi pozuntu” kimi qiymətləndirib.

Pikeyə insayder məlumat ötürdüyü bildirilən iş adamı Elias Navarro da 100 min avro məbləğində cərimələnib. Tərəflərin qərardan İspaniya Ali Məhkəməsinə şikayət vermək hüququ var.(QOL.az)
 

• Teqlər
• #Sabiq müdafiəçi
• #cərimə