Moskva Yerevanın cavabını gözləyir

Rusiya Yerevanın Kollektiv Təhlükəsizlik Müqaviləsi Təşkilatında (KTMT) üzvlüklə bağlı qərar verməsini gözləyir. 

Reyting.az-ın məlumatına görə, bunu “RİA Novosti” agentliyinə Rusiyanın təşkilatdakı daimi nümayəndəsi Viktor Vasilyev deyib.

Rusiyanın Ermənistandan hansı addımları atmasını gözlədiyinə dair suala cavab olaraq V. Vasilyev bildirib: "Qərar versinlər - təşkilatda qalıb-qalmırlar, yoxsa başqa bir ssenariyə üstünlük verirlər".

Vasilyev əlavə edib ki, Ermənistan bu barədə məlumat verməlidir.

Bir müddət əvvəl Rusiyanın KTMT-dəki daimi nümayəndəsi Ermənistanın Kollektiv Təhlükəsizlik Müqaviləsi Təşkilatına üzvlüyünün davam etdirilməsinin təşkilat rəhbərliyi tərəfindən ətraflı müzakirə olunacağını bildirmişdi.

E. Kamal
 

• Teqlər
• #KTMT
• #Moskva Yerevanın cavabını gözləyir