Oğrular divardan bankomatı qoparıblar

Böyük Britaniyanın Kembricir şəhərində oğrular oğurlanmış ekskavatorla divardan bankomatı qoparıblar.

Reyting.az xəbər verir ki, bu barədə “The Sun” məlumat yayıb. 

“Bir qrup maskalı şəxs ekskavatorla binanın bankomatını qoparmaq üçün basqın təşkil edib”, - nəşr yazıb.

Nəşr oğurluğun videokamera görüntülərini paylaşıb. Videoda oğruların gecə yarısı ekskavatorla bank ofisinə gedib bankomatı qoparıb, maşınlarının arxasına yükləyib uzaqlaşdıqları görünür.

Polis cinayətkarları axtarır və ekskavatorun da oğurlandığına inanır. Bankomatda on minlərlə funt sterlinqin olduğu təxmin edilir.

V. Quliyev
 

• Teqlər
• #Britaniya
• #Oğrular divardan bankomatı qoparıblar