Paşinyan: Bu il TRIPP-in tikintisinə başlamaq istəyirik

“Texniki problemlər mane olmazsa, bu il TRIPP layihəsinin tikinti işlərinə başlamaq istəyirik”. 

Reyting.az xəbər verir ki, bunu Ermənistanın Baş naziri Nikol Paşinyan ölkəsinin genişmiqyaslı TRIPP infrastruktur layihəsinə inteqrasiyası ilə bağlı şərhində bildirib.

O, hazırda ixtisaslaşmış qrupların birbaşa yerdə mühəndislik tədqiqatları apardığı aktiv və hərtərəfli iş prosesinin davam etdiyini vurğulayıb. 

“Proses davam edir və işçi qrupları potensial rabitə marşrutlarının, nəqliyyat qovşaqlarının və elektrik xətlərinin yerində yoxlamalar aparırlar. Hazırda müxtəlif mühəndislik, dizayn, layihə, maliyyə və logistika məsələləri demək olar ki, həftəlik, bəlkə də gündəlik müzakirə olunur”, - deyə Baş nazir əmin edib.

Paşinyan vurğulayıb ki, bu strateji logistika dəhlizinin inkişafı hazırda hökumət səviyyəsində heç bir maneə ilə üzləşmir. 

Baş nazir əlavə edib ki, siyasi və ya maliyyə baxımından heç bir maneə yoxdur, lakin sırf texniki və təşkilati məsələlər yarana bilər.

E. Kamal
 

• Teqlər
• #Paşinyan:
• #Bu il TRIPP-in tikintisinə başlamaq istəyirlər