Qız qaçırmağa görə 4 nəfər saxlanılıb

Aprelin 3-də Tovuz Rayon Polis Şöbəsinə rayon sakini, 19 yaşlı xanımın evlənmək məqsədilə zorla qaçırılması barədə məlumat daxil olub.

Reyting.az-ın məlumatına görə, Daxili İşlər Nazirliyinin Mətbuat Xidmətinin regional qrupundan bildiriblər ki, polis əməkdaşlarının tədbirlərilə xanımın yeri müəyyən edilərək ailəsinə təhvil verilib.

Cinayət əməlini törətməkdə şübhəli bilinən rayon sakinləri - 32 yaşlı Nemət Məmmədov, onun qardaşı 34 yaşlı İsmət Məmmədov, həmkəndliləri 38 yaşlı Elmar Abdıyev və 42 yaşlı V. Tağıyeva saxlanılaraq istintaqa təhvil veriliblər.

Faktla bağlı Cinayət Məcəlləsinin adam oğurluğu maddəsi ilə cinayət işi başlanaraq onlar cinayət məsuliyyətinə cəlb olunublar. 

İstintaq araşdırmaları davam etdirilir.
 

• Teqlər
• #Qız qaçırma
• #həbs