Rubio İtaliya və Vatikana səfərə hazırlaşır

ABŞ Dövlət Departamenti dövlət katibi Marko Rubionun 6-8 may tarixlərində Roma və Vatikana səfərlərini təsdiqləyib.

Reyting.az xəbər verir ki, bu barədə departamentin mətbuat xidməti məlumat yayıb.

Səfərlərin məqsədi İtaliya və Vatikanla münasibətləri gücləndirməkdir.

Vatikanda Rubionun Yaxın Şərqdəki vəziyyəti və Qərb yarımkürəsində qarşılıqlı maraqları müzakirə etmək üçün Müqəddəs Taxt-tacın rəhbərliyi ilə görüşü planlaşdırılır.

Romada dövlət katibi ortaq təhlükəsizlik maraqları və strateji koordinasiya mövzularında danışıqlar aparmaq üçün italyan həmkarları ilə görüşəcək.

İtaliyanın Baş naziri Giorgia Meloni bazar ertəsi günü ABŞ dövlət katibi ilə mümkün görüşünü elan edib.

Qeyd edək ki, yüksək vəzifəli Amerika rəsmisinin səfəri Vaşinqton və Roma arasında münasibətlərin əhəmiyyətli dərəcədə pisləşməsi fonunda baş verir.

E. Kamal
 

• Teqlər
• #Rubio
• #səfər