Rus ordusu yeni ərzilərin işğalına hazırlaşır

Rusiya ordusu aprelin sonuna qədər Ukraynanın bir çox ərazilərini ələ keçirmək istəyir ki, 9 May-Faşizm üzərində Qələbə Günü müharibəni davam etdirmək qabiliyyətini bəyan edə bilsin. 

Reyting.az xəbər verir ki, belə bir iddia ilə Ukrayna Milli Qvardiyasının nümayəndəsi İqor Yaremenko çıxış edib.

“Bu, PR hərəkəti üçün bayağı bir formallıqdır. Real vəziyyətə gəldikdə, Pokrovskoe sektoru ən qaynar ərazilərdən biridir və orada çoxlu sayda düşmən qüvvəsi cəmləşib. Lakin Ukrayna müdafiəçiləri xətti saxlayır və düşmənin çox sayda şəxsi heyətini məhv edirlər”, - deyə zabit əlavə edib.

Yaremenko ruslar tərəfindən elan edilən qondarma “Pasxa atəşkəsi” barədə danışarkən bildirib ki, Ukrayna Silahlı Qüvvələri atəş və hücumların əslində dayanmayacağını başa düşürdü.

“Bəli, kütləvi və hava hücumları olmayıb, amma Rusiya ordusu piyada hücumları və artilleriya atəşi həyata keçirib. Dronlar da yoxa çıxmayıb. Buna görə də, Putinin “Pasxa atəşkəsi” ilə bağlı bütün açıqlamaları sadəcə tüstü pərdəsidir və bunun arxasında Rusiya yalnız görmək istədiklərini ortaya qoyaraq dünyanı aldatmağa davam edir”, - deyə yüksək çinli zabit bildirib.

Onun sözlərinə görə, Rusiya rəhbərinin dedikləri saxtadır, dünyaya onun “dindarlığını” göstərmək məqsədi daşıyır, lakin bunların heç biri reallığa uyğun gəlmir: “İşğalçının ərazilərimizi ələ keçirmək cəhdi davam edir; hücum qrupları hücuma hazırlaşır. Buna görə də işğalçılara inam yoxdur”, - Yaremenko əlavə edib.

V. Quliyev
 

• Teqlər
• #Ukrayna
• #Rusiya