Rusiya Türkiyəyə təşəkkürünü bildirib

Rusiyanın Ankaradakı səfirliyi Türkiyənin Montrö Konvensiyası ilə bağlı mövqeyinə görə təşəkkür bəyanatı yayıb.

Reyting.az xəbər verir ki, bu barədə xarici KİV-lər məlumat yayıb.

Səfirliyə Montrö Konvensiyası ilə bağlı daxil olan suallara cavab olaraq aşağıdakılar bildirilib:

“Rusiya 1936-cı il Montrö Konvensiyasına böyük əhəmiyyət verir və beynəlxalq münasibətlərin bütün iştirakçıları tərəfindən onun həyata keçirilməsini qətiyyətlə dəstəkləyir.

Biz inanırıq ki, Konvensiya, xüsusən də Aralıq dənizi və Yaxın Şərqdəki son hadisələr kontekstində hazırkı dramatik dövrdə bütün ölkələrin və dövlətlərin maraqlarına xidmət edir.

Bu baxımdan, Türkiyənin balanslı və məsuliyyətli mövqeyini yüksək qiymətləndiririk".

Montrö Konvensiyası 1936-cı ildə qəbul edilib. Montrö Konvensiyası həm sülh, həm də müharibə dövründə bütün ölkələrin ticarət gəmilərinin boğazlardan keçmə azadlığını qoruyur və Qara dəniz və Qara dəniz olmayan dövlətlərin donanmaları üçün hərbi gəmilərin keçməsində fərqli rejimlər müəyyən edir.

Türkiyə özü dəfələrlə Bosfor və Dardanel boğazlarında naviqasiyanı tənzimləyən Montrö Konvensiyasına riayət etməyə davam edəcəyini bildirib və bu, Ankaranın fikrincə, Qara dənizdə güc balansını qorumaq üçün zəruridir.

E. Kamal
 

• Teqlər
• #Rusiya
• #Türkiyə