Tramp İran nümayəndələri ilə görüşə bilər

ABŞ prezidenti Donald Tramp Tehranın nüvə proqramını müzakirə etmək üçün İran nümayəndələri ilə görüşə bilər.

Bu barədə “Reuters“ Ağ evin mətbuat xidmətinə istinadla məlumat yayıb.

Məlumata görə, yanvarın 10-da İran rəhbərliyinin nümayəndələrinin görüşlə bağlı Trampla telefon danışığı baş tutub.

"Görüşdən əvvəl hərəkətə keçməli ola bilərik. Görüş təşkil olunmaq üzrədir. İrandan zəng ediblər. Onlar danışıqlar aparmaq istəyirlər", - Tramp deyib.(APA)