Tramp Nobel mükafatına namizədlər arasındadır

ABŞ Prezidenti Donald Tramp 2026-cı il Nobel Sülh Mükafatına namizəd göstərilib.

Reyting.az “Reuters” agentliyinə istinadla bildirir ki, bu barədə Norveç Nobel Komitəsinin katibi Kristian Berq Harviken məlumat verib.

Onun sözlərinə görə, siyahıda ümumilikdə 287 namizəd var, onlardan 208-i fərdi, 79-u isə təşkilatdır.

Katib qeyd edib ki, bu il siyahıda əvvəlki illə müqayisədə bir çox yeni ad var.

O, Avropa və Yaxın Şərqdəki münaqişələr fonunda sülh səylərinə toxunaraq deyib: "Sülh Mükafatı bu kimi dövrlərdə daha da vacib olur. Bu gün görülən işlər eyni dərəcədə, bəlkə də daha çoxdur".

E.Kamal
 

• Teqlər
• #Tramp
• #Nobel