Türkiyə yığması 24 ildən sonra dünya çempionatına vəsiqə qazanıb

DÇ-2026-nın “pley-off” finalında Türkiyə komandası Priştinada Kosovonu 1:0 hesabı ilə məğlub edib.

Reyting.az “Anadolu” agentliyinə istinadla xəbər verir ki, futbol üzrə Türkiyə milli komandası 24 ildən sonra dünya çempionatının final mərhələsində çıxış edəcək. 

Avropa zonası üzrə pley-off finalında italyan məşqçi Vinçenzo Montellanın komandası səfərdə Kosovo yığmasına 1:0 hesabı ilə qalib gəlib. Qələbə qolunu oyunun 53-cü dəqiqəsində Kərəm Aktürkoğlu vurub.

Dünya çempionatında Türkiyə ABŞ, Paraqvay və Avstraliya ilə birlikdə D qrupunda mübarizə aparacaq. 

Qeyd edək ki, 2026-cı il dünya çempionatı iyunun 11-dən iyulun 19-dək üç ölkədə: ABŞ, Kanada və Meksikada keçiriləcək.

V. Quliyev
 

• Teqlər
• #Türkiyə
• #Milli