"Ulduz"lu görüşlər"in qonağı Rəşad Məcid olub

"Ulduz"lu görüşlər" çərçivəsində Azərbaycan Yazıçılar Birliyinin sədr müavini, şair-publisist Rəşad Məcidlə görüş keçirilib. "Ulduz" jurnalının təşkilatçılığı ilə keçirilən görüşdə "Ulduz" jurnalının baş redaktoru, şair Qulu Ağsəs, baş redaktor müavini Təranə Vahid, şöbə redaktorları Dayandur Sevgin və Taleh Mansur, eləcə də  Azərbaycan Universitetinin tələbə-müəllim heyəti iştirak edib. 

Reyting.az xəbər verir ki, tədbiri Qulu Ağsəs açaraq, artıq ənənə halını almış  görüşlərin tələbələrin yaddaşında dərin iz buraxdığını, onların dünyagörüşlərinin formalaşmasına müsbət təsir edəcəyini vurğulayıb.   

Söz Rəşad Məcidə verilib.  Ədəbiyyatla bağlı öz fikir və mülahizələrini bölüşən qonaq, şeirlərini səsləndirib. Mütaliə vərdişləri ilə bağlı tələbələrə öz tövsiyələrini verib, onların suallarını cavablandırıb. O, görüşdə fərqlənən tələbələrə şəxsi kitabxanasından seçmə kitablar hədiyyə edib. 

Qeyd edək ki, bundan əvvəl "Ulduz"lu görüşlər" çərçivəsində Azərbaycan Kinematoqrafçılar İttifaqında "Allaha salam" filminin rejissoru Xəyal Rza və  baş rolun ifaçısı Xalq artisti Məmməd Səfanın iştirakı ilə sözügedən filmin nümayişi baş tutmuşdu.

• Teqlər
• #Ulduz
• #görüş