Yevlax və Ağdamda ağır qəza: ölənlər və çoxsaylı yaralı var

Yevlaxda ağır yol-nəqliyyat hadisəsi baş verib.

Reyting.az APA-ya istinadla bildirir ki, “Mercedes Sprinter” markalı mikroavtobus idarəetmədən çıxaraq aşıb. 

İlkin məlumata əsasən, qəza nəticəsində 20-yə yaxın şəxs xəsarət alıb. Yaralılar Yevlax və Mingəçevir şəhərlərində yerləşən tibb müəssisələrinə çatdırılıblar.

Faktla bağlı araşdırma aparılır.

***

Ağdam rayonunda da ağır yol-nəqliyyat hadisəsi baş verib.

Qəza Ağdam-Xankəndi yolunun Ağdam rayonunun Çuxurməhlə kəndi ərazisindən keçən hissəsində qeydə alınıb.

“KIA” və “VAZ-2106” markalı minik avtomobilləri toqquşub. 

İlkin məlumata görə, qəza nəticəsində 4 nəfər həyatını itirib, xəsarət alanlar var.

Hadisə yerinə təcili tibbi yardım briqadaları və FHN-nin Qarabağ Regional Mərkəzinin xilasediciləri cəlb olunublar.

Faktla bağlı araşdırma aparılır.
 

• Teqlər
• #Yevlax və Ağdam
• #ağır qəza