“Ermənistan dost ölkədir və iki ölkənin liderləri arasında yüksək səviyyədə etimad mövcuddur”.

Reyting.az xəbər verir ki, bunu İranın Ermənistandakı fövqəladə və səlahiyyətli səfiri Xəlil Şirqolami bu gün keçirdiyi mətbuat konfransında bildirib.

“Ermənistanın blokdan çıxarılması və inkişafı istiqamətində atılan hər hansı müsbət addımı alqışlayırıq. Blokdan çıxarma prosesinin bir hissəsi olaraq, Ermənistan həm Qərb-Şərq, həm də Şimal-Cənub istiqamətlərində mühüm rol oynaya bilər. Şimal-Cənub dəhlizi həmçinin Ermənistanda da şaxələnə bilər: Omandan Rusiya və Hindistana, Omandan Qara dənizə qədər”, - Şirqolami qeyd edib.

Səfir əlavə edib ki, Ermənistan və ABŞ arasındakı razılaşmalarla bağlı onların mövqeyi aydındır: “Erməni həmkarlarımıza onlara etibar etdiyimizi, lakin İrana qarşı tədbir görən ABŞ ilə iş gördüyümü dedik. Biz ABŞ-a etibar etmirik. ABŞ-nın bu layihədən (TRIPP-red.) öz təhlükəsizlik siyasətinin bir hissəsi kimi istifadə edə biləcəyindən narahatıq. Bunu erməni tərəfdaşlarımıza çatdırdıq və onlar bizə Ermənistanın heç vaxt İran üçün təhdid mənbəyinə çevrilməyəcəyinə zəmanət verdilər. Bu layihənin əhatə dairəsini anlamaq üçün müzakirələrimizin vaxtaşırı davam etdiriləcəyi barədə razılığa gəldik”.

Səfir deyib ki, İran-Ermənistan münasibətləri strateji əhəmiyyət kəsb edir və heç bir məsələ bu münasibətlərə meydan oxumamalıdır:

“Ümid edirik ki, İranın narahatlıqları həll olunacaq. Bu məsələni diqqət mərkəzində saxlamağa davam edirik”.

E. KAMAL