ABŞ prezidenti Donald Trampın tapşırığı ilə Ağ evin xüsusi nümayəndəsi Stiven Uitkoff son İran şahının oğlu Rza Pəhləvi ilə məxfi görüş keçirib. Görüşdə İranda baş qaldıran kütləvi etirazlar və digər məsələlər müzakirə olunub.

Reyting.az xəbər verir ki, görüşün yanvarın 12-də keçirildiyi qeyd olunsa da, bəzi Qərb mənbələri yanvarın 13-də baş tutduğunu iddia edirlər.

Məlumata görə, çox uzun çəkən, lakin dəqiq vaxtı məlum olmayan görüşün nəticəsi hələlik gizli saxlanılır.

Yerli və Avropa mediasında yayılmış xəbərləri təsdiqləyən "Axiosсо" nəşri yazır ki, onlar da məlumatı Ağ evə yaxınlığı ilə tanınan çox yüksək vəzifəli amerikalı məmurdan alıblar.

Bəzi ehtimallara görə, Rza Pəhləvi çox cəhd etsə də, güman ki, ABŞ prezidenti Trampın devrilmiş İran şahının varisi Pəhləvi ilə bağlı "A planı"na üstünlük vermək niyyəti yoxdur.

Rza Pəhləvinin hələ də ümidlə ABŞ-dan və Trampdan dəstək gözlədiyi vurğulanıb. O, İrana qayıtmağa hazır olduğunu bildirib.

Oqtay QORÇU