Rusiya aviaşirkətləri 2026-cı ildə sərnişin daşınmasını təmin etmək üçün köhnə təyyarələri yenidən işə salacaq.

Reyting.az xəbər verir ki, bura müxtəlif növ təyyarələr daxildir - doqquz “Tu-204/214”, bir “An-148” və iki “İl-96”.

Mütəxəssislər bu təyyarələrin 30 il əvvəlin istehsalı ola biləcəyini təxmin edirlər.

Bərpa prosesi 2022-ci ildə başlayıb. Hazırda 12 sərnişin və yük təyyarəsindən 10-u xidmətə qaytarılıb və müxtəlif müştərilər tərəfindən istifadə olunur.

Köhnə təyyarələri alanlar arasında Rusiyanın “Red Wings” şirkəti də var. 2026-2027-ci illərdə daha iki bərpa olunmuş “Tu-204” təyyarəsi operatorlara təhvil veriləcək.

Yalnız Rusiya deyil, həm də Qərb təyyarələri yenidən işə salınır. Yaxın gələcəkdə Rusiya marşrutlara bərpa olunmuş bir ikimərtəbəli “Boeing 747” təyyarəsini buraxa bilər. Digər oxşar təyyarə isə bərpa prosesindədir.

“Boeing 747”-nin bərpası Rusiyaya dost ölkələrdə, məsələn, İranda həyata keçirilə bilər, burada lazımi texniki imkanlar və mütəxəssislər mövcuddur. Təyyarənin bərpasının nisbətən sadə olacağı gözlənilir, çünki onlar üçün komponentlər kütləvi istehsal olunub.

Qeyd edək ki, “Rosaviasiya”nın məlumatına görə, ötən ilin oktyabr ayından etibarən uçuşların 99 faizini həyata keçirən 76 Rusiya aviaşirkətinin donanması 1135 təyyarədən ibarətdir.

Rusiya aviasiya donanmasının tərkibində yüzlərlə Qərb istehsalı olan təyyarələr var. Lakin sanksiyalar səbəbindən bu təyyarələr üçün ehtiyat hissələri və ya texniki xidmət yoxdur.

V. QULİYEV