23:11 / 18-03-2024
Ukrayna ordusu geri çəkilir
20:16 / 18-03-2024
Borrell ikibaşlı danışır
Finlandiya xoşbəxtlərin, Əfqanıstan bədbəxtlərin birincisidir - Hesabat
Tarix: 23-03-2023 12:21 | Bölmə: Slayd
Finlandiya xoşbəxtlərin, Əfqanıstan bədbəxtlərin birincisidir

Birləşmiş Millətlər Təşkilatı (BMT) ən xoşbəxt ölkələrin siyahısını açıqlayıb. BMT-nin Dayanıqlı İnkişaf Həlləri Şəbəkəsi tərəfindən hazırlanan hesabatda ümumi daxili məhsulun (ÜDM) səviyyəsi, sosial təminat, sağlam orta ömür uzunluğu, vətəndaşların öz həyatları ilə bağlı qərarvermə azadlığı, xeyriyyə təşkilatlarına yardım imkanı, korrupsiyanın səviyyəsi kimi hallar nəzərə alınıb. Finlandiya yenə siyahıda birinci yerdədir.

Bunu Reyting.az-a politoloq Xəqani Cəfərli deyib.

X. Cəfərli bildirib ki, Finlandiyanın uğurunun səbəbini marşal Karl Qustav Emil Mannerheyminin məşhur sözlərində tapmaq olar. Finlandiyanın azad xalqların əhatəsində müstəqil həyat yaşamaq hüququ qazanmasında müstəsna xidməti olmuş marşal Karl Qustav Emil Mannerheym deyirdi: “Müdafiəyə çoxlu pul xərcləməzdən əvvəl insanlar üçün müdafiə edəcəkləri bir həyat yaratmalısınız”.

X. Cəfərlinin fikrincə, əgər belə olmasaydı, Stalinin əmri ilə 1930-cu ilin 30 noyabrında Finlandiyaya hücum edən 450 minlik Qırmızı Ordu cəmi 3.5 milyon nəfər əhalisi olan Finlandiyanı bir neçə günə tam işğal edərdi: "Finlər itirməkdən qorxduqları həyat tərzini Qırmızı Ordunu çox ağır itkilər verməyə məcbur edərək qorudular”.


X. Cəfərli

Politoloq əlavə edib ki, Marşal Mannerheymin arzuladığı dəyərli həyat tərzini Finlandiya dünyada ən yüksək səviyyəli təhsil sistemi qurmaqla yaradıb:

“Avropa Yenidənqurma və İnkişaf Bankının sifarişi ilə aparılmış təhqiqatın sonunda Banka verilən tövsiyədə qeyd edilirdi ki, Finlandiyanın təhsil sistemi Avropa ölkələrinin hamısında tətbiq olunsa, Avropa İttifaqının ümumi daxili məhsulu 15 faiz arta bilər. Avropa İttifaqının ÜDM-i 17.2 trilyon dollardır.

X. Cəfərli diqqətə çatdırıb ki, Finlandiyanın ard-arda altıncı dəfədir dünyanın ən xoşbəxt ölkə ünvanı almasında 38 yaşlı Sanna Marinin 2019-cu ildən rəhbərlik etdiyi koalision hökumətin də böyük rolu var. Bu koalision hökumət isə beş qadın liderin başçılıq etdiyi beş partiya tərəfindən qurulub.

Qeyd edək ki, dünyanın ən xoşbəxt ölkələrinin ön sıralarında əsasən Skandinaviya ölkələri yer alıb. “Taliban”ın məktəbləri qızların üzünə bağladığı Əfqanistan isə xoşbəxt ölkələrin siyahısında sonuncu - 137-ci yerdədir.

E. KAMAL
Reyting.az




Bölməyə aid digər xəbərlər
{sape_links}{sape_article}