33 il həbs cəzası çəkən şəxsin təqsirsiz olduğu sübuta yetirilib
Tarix: 27-05-2023 14:34 | Bölmə: Cəmiyyət
33 il həbs cəzası çəkən şəxsin təqsirsiz olduğu sübuta yetirilib

ABŞ məhkəməsi 1990-cı ildə iki yeniyetmənin yaralandığı hücuma görə adam öldürməyə cəhd ittihamı ilə 33 il həbs cəzasına məhkum edilən Daniel Saldananın təqsirkar olmadığı barədə qərar verib.

Reyting.az
-ın xəbərinə görə, dünən Los Anceles məhkəməsində keçirilən iclasda hücumla bağlı tapıntıların yenidən araşdırılıb. Məhkəmənin sonunda Saldananın təqsirsiz olduğu bildirilib.

Saldana hökmdən sonra prokuror Corc Qaskonla birgə mətbuat konfransında çıxış edib. Deyib ki, məhkəmənin qərarına sevinir: “Hər gün təqsirsiz olduğunu bilə-bilə həbsxanda oyanmaq, kameraya qapanaraq kömək çağırmaq çox çətin olub”.

Prokuror Qaskon bildirib ki, o, Saldananın 2017-ci ildə olay zamanı cəzaçəkmə müəssisəsindəki “heç bir şəkildə döyüşlərdə iştirak etmədiyini və döyüş zamanı orada olmadığını” bildikdən sonra onun bəraət qazanması üçün çalışıb.

Rayon prokurorunun müavininin hücumçunun ifadəsindən sonra heç bir tədbir görmədiyini bildirən Qaskon əlavə edib ki, bu, Saldananın daha 6 il həbs olunması ilə nəticələnib. Qaskon qeyd edib ki, o, işin yenidən açılması üçün vəsatət qaldırıb və bununla da Saldanının təqsirsiz olduğu sübuta yetirilib.

Onu da qeyd edək ki, 1990-cı ildə Los-Ancelesdə maşında olan 6 gənc banda üzvü olduqları düşünülərək güllələnib, daha iki gənc isə hücumda yaralanıb. Saldana hadisədən sonra həbs edilib və 45 il müddətinə azadlıqdan məhrum olunub.

ELÇİN




Bölməyə aid digər xəbərlər
12-06-2024, 12:49 Sabah yağış yağacaq

{sape_links}{sape_article}