Baş redaktorun qətlini Qulinin boynuna qoymaq istəyiblər
Tarix: 10-10-2019 16:01 | Bölmə: Cəmiyyət
Baş redaktorun qətlini Qulinin boynuna qoymaq istəyiblər

“Qanuni oğru” Nadir Səlifova (Quli) həbsxanada olarkən təzyiq edilib.

Reyting.az
-ın xarici KİV-ə istinadla verdiyi məlumata görə, nüfuzlu “Qanuni oğru”nu döyüb şantaj edərək açılmayan cinayət işlərini öz üzərinə götürməyə məcbur etmək istəyiblər. Bu zaman onun uzun müddət həbsxanada oturacağı nəzərə alınıb. Qulini buna məcbur etməyə cəhd göstərənlərin isə niyyətləri baş tutacağı təqdirdə xidmətdə daha irəli getmələri olub.

Məlumata görə, bu işdə güc strukturlarına kriminal aləmin nümayəndələri də ən güclü rəqiblərinin sıradan çıxacağını nəzərə alaraq kömək ediblər.

Xatırladaq ki, 1995-ci ildə Azərbaycan məhkəməsi Səlifovu bir sıra ittihamlarla 15 il azadlıqdan məhrum edib. Sonradan ona qarşı yeni ittihamlar da irəli sürülərək cəza müddəti 27 ilə çatdırılıb.

2005-ci ilin mart ayında tanınmış azərbaycanlı jurnalist, “Monitor” jurnalının baş redaktoru Elmar Hüseynov öldürülüb. Məlumatda qeyd edilir ki, bu qətl də Quliyə həbsxana işçilərinə və əməliyyatçılara xüsusi təsir göstərməsi üçün əlavə bəhanə verib. Bununla belə, bu qətli üzərinə götürməsinin ömürlük azadlıqdan məhrum ediləcəyinə səbəb olacağını başa düşən Quli təzyiqlərə baxmayaraq, E. Hüseynovun qətlini boynuna almayıb.

“Qanuni oğru”nu fiziki cəhətdən sındırmaq mümkünsüz olduqda, ona psixoloji təzyiq göstərməyə başlayıblar. Qulinin kiçik qardaşı – Bakı Dövlət Universitetinin 4-cü kurs tələbəsi Müşfiq Səlifov toyu ərəfəsində həbs olunub. O, Bakıdakı İdman sarayında keçirilən voleybol oyunu zamanı tamaşaçı kimi aradan götürülüb.

2005-ci ilin axırlarında isə Quliyə qarşı zorlama ittihamı ortaya atılıb. Azərbaycanın kifayət qədər tanınan qadınları, o cümlədən gözəllik müsabiqəsinin təşkilatçısı da bəyan ediblər ki, onları dəfələrlə həbsxanaya aparıblar və orada aralarında Quli də olmaqla məhkumlar tərəfindən zorlanıblar. Onlar eyni zamanda etiraf ediblər ki, hər dəfə həbsxanaya aparılanda hərəsinə 400-500 dollar ödənilib. Tezliklə ittiham götürülüb.

Bəzi məlumatlara görə, Azərbaycan Beynəlxalq Bankının keçmiş rəhbəri Cahangir Hacıyevin arvadının qaçırılmasını da Qulinin boynuna qoymağa cəhd ediblər.

Xatırladaq ki, Quli 2017-ci ildə həbsxanadan buraxılıb və dərhal Türkiyəyə yollanıb.

Reyting.az




Bölməyə aid digər xəbərlər
{sape_links}{sape_article}