ABŞ koronavirusa görə Çini ittiham edir
Tarix: 26-03-2020 13:36 | Bölmə: Xəbərlər
ABŞ koronavirusa görə Çini ittiham edir

Koronavirus epidemiyasına görə, Çin və ABŞ-ın qarşılıqlı ittihamları davam edir.

Reyting.az
xəbər verir ki, ABŞ-ın Londondakı səfiri Vod Conson “The Times” qəzetində yazdığı məqalədə Çin dövlətini ittiham edib.

Səfir yazıb ki, əgər Çin Covid-19 epidemiyası ilə əlaqədar fəaliyyətini düzgün qursaydı, dünya bu qədər ciddi təsirə məruz qalmazdı.

Səfir, Çin hakimiyyətinin koronavirusu dayandırmaq üçün heç bir iş görmədiyini və virusla bağlı informasiyaları gizlətdiyini bəyan edib.

“Çin hökuməti əvvəlcə xəbərlərin səsini kəsməyə çalışdı. Daha sonra seçərək bəzi kritik informasiyaları cəmiyyətə duyurdu və beynəlxalq səhiyyə rəsmilərini ölkəyə buraxmadı. Çin zamanında doğru işlər görsəydi əhalisinin böyük çoxluğu və dünyanın geridə qalan hissəsi bu epidemiyadan ciddi zərər görməzdi”, - səfir məqaləsində yazıb.

Diplomat məqaləsinin sonunda qeyd edib ki, bu böhrandan sonra epidemiyanın nəticələrinə baxmaq və beynəlxalq əməkdaşlığı təkrar qiymətləndirmək lazımdır.

Reyting.az




Bölməyə aid digər xəbərlər
{sape_links}{sape_article}