11:29 / 07-12-2021
Azərbaycan nefti bahalaşır
Soçi görüşündən gözləntilər... - Ermənistan prosesi uzatmağa çalışacaq
Tarix: 25-11-2021 16:02 | Bölmə: Slayd
Soçi görüşündən gözləntilər... - Ermənistan prosesi uzatmağa çalışacaq

“Soçi görüşündən böyük gözləntim yoxdur. Görünən odur ki, Soçidə hər bir tərəfin öz gündəliyi var. Azərbaycan istərdi ki, 10 noyabr razılaşması əsasında Ermənistan üzərinə götürdüyü öhdəliklər yerinə yetirsin. Bu da konkret olaraq üçtərəfli razılaşmanın IV maddəsinə uyğun olaraq Azərbaycan ərazisində qalan erməni ordusunun çıxarılması, Zəngəzur dəhlizinin açılması, sərhədlərin müəyyən edilməsi üçün demarkasiya və delimitasiya prosesinin aparılmasını özündə ehtiva edir. Azərbaycan çalışacaq ki, bu məsələlər icra edilsin”.

Bu fikirləri Reyting.az-a politoloq Oqtay Qasımov sabah Soçi şəhərində Azərbaycan, Rusiya prezidentləri və Ermənistan Baş nazirinin görüşünü şərh edərkən deyib.

Politoloq bildirib ki, Soçidə Rusiyanın gündəliyi bir qədər fərqlidir: “Rusların marağı konkret olaraq regionda dominat rolunun davamı və gücləndirilməsi, kommunikasiyaların açılımasıdır. Eyni zamanda sərhədlərin delimitasiya və demarkasiyası da Rusiyanın prioritetlərinə daxildir”.

O. Qasımov əlavə edib ki, Soçidə Ermənistanın da gündəmi prinsipcə aydındır: “Ermənistanın gündəmi ondan ibarətdir ki, 10 noyabr razılaşmasının icrası mümkün qədər gecikdirilsin. Belə düşüncələri var ki, uyğun şərtlər və şəraitdə güc toparlayaraq savaşda uduzduqlarının bir hissəsini masada kompensasiya edəcəklər. Paşinyanın son mətbuat konfransı bu baxımdan bizə müəyyən qədər “ip ucu” verir”.

Politoloqun fikrincə, Rusiya Baş nazirinin müavini və üçtərəfli komissiyada Moskvanı təmsil edən Overçukun Bakı və İrəvana səfəri göstərir ki, əsas müzakirə iki istiqamətdə aparılacaq: “Birinci istiqamət kommunikasiyaların açılması, ikinci istiqamət isə sərhədlərin delimitasiya və demarkasiya prosesidir. Paşinyan da bildirdi ki, sərhədlərin demarkasiya və delimitasiyası ilə əlaqədar komissiya yaradıla bilər. Bundan başqa, nələrinsə razılaşdırılacağına dair mənim gözləntim yoxdur”.




Bölməyə aid digər xəbərlər
bütün xəbərlər
{sape_links}{sape_article}