14:48 / 08-08-2022
Daşkəsəndə yenə sel olub
12:45 / 08-08-2022
Sabah yağış yağacaq
Ərdoğan Putinlə görüşüb: "Türkiyə ilə Rusiya arasında yeni səhifə açacağıq" - Yenilənib
Tarix: 05-08-2022 17:29 | Bölmə: Gündəm
Ərdoğan Putinlə görüşüb: "Türkiyə ilə Rusiya arasında yeni səhifə açacağıq"

Bu gün Türkiyə prezidenti Rəcəb Tayyib Ərdoğan Rusiyaya gedib.

Reyting.az
xəbər verir ki, bu barədə məlumatı Türkiyə Prezident Administrasiyası açıqlayıb.

Bildirilib ki, Soçi şəhərində o, Putinlə görüşəcək.

Məlumata görə, görüşdə tərəflər Ukrayna böhranı, taxıl ixracının davamlı xarakter alması və bölgədəki digər məsələri müzakirə edəcəklər.

Ərdoğan səfəröncəsi deyib ki, əgər Ukraynada savaş dayanacaqsa, bu, Türkiyənin böhranı yumşaltması istiqamətində atdığı addımların bəhrəsi olacaq.

Putinin sözçüsü isə görüşdə Suriya məsələsinin də müzakirə olunacağını deyib: "Rəsmi Moskva Ankaranın təhlükəsizliklə bağlı narahatlığını nəzərə alır. Liderlər mütləq Suriyadakı durumu müzakirə edəcək. Daha sonra digər məsələlərlə bağlı toplantı keçiriləcək".

***

Reyting.az xəbər verir ki, Türkiyə prezidenti Rəcəb Tayyib Ərdoğanla Vladimir Putin arasında Soçidə təkbətək görüş başlayıb.


Ərdoğan deyib ki, bu gün müzakirə edəcəkləri mövzular Türkiyə-Rusiya münasibətlərində yeni səhifə açacaq: "Suriya ilə bağlı müzakirə edəcəkləri mövzular isə region üçün böyük əhəmiyyət kəsb edəcək. Biz, həmçinin, energetika sahəsində əməkdaşlığı da müzakirə edəcəyik".

Putin isə Ərdoğana Ukrayna taxılının tədarükü və Rusiya məhsullarının daşınması probleminin həllində iştirakına görə təşəkkür edib: “Tədarük prosesinə start verilib. Rusiya ərzaq məhsullarının və gübrələrinin də dünya bazarlarına çıxarılması və fasiləsiz tədarükü haqqında qərar qəbul edilməsinə görə sizə minnətdarlığımı bildirmək istəyirəm...”.

Məlumata görə, tərəflər daha sonra heyətlərlə birlikdə müzakirə aparacaqlar.




Bölməyə aid digər xəbərlər
{sape_links}{sape_article}