Ukrayna prezidenti Vladimir Zelenskinin son açıqlaması Ağ evdə birmənalı qarşılanmayıb.

Reyting.az-ın "Reuters" agentliyinə istinadla verdiyi məlumata görə, V. Zelenski deyib ki, ABŞ Ukraynaya təzyiqləri artırmaqla, bu dəfə təhlükəsizlik zəmanətləri müqabilində Donbasdan qoşunların tam çıxarılması ilə bağlı tələb irəli sürüb.

Ukrayna prezidenti bildirib ki, D. Tramp müharibənin tez bitməsində israrlıdır və bu da, Yaxın Şərqdə, xüsusilə İran ətrafındakı gərgin vəziyyətlə bağlıdır.

Zelenski xəbərdarlıq edib ki, Ukrayna ordusu Donbasdan çıxmayacaq, çünki bu, Ukrayna ilə yanaşı, həm də Avropa coğrafiyasının təhlükəsizliyini risk altına qoya bilər.

ABŞ və prezident Trampın hakimiyyəti isə Rusiya-Ukrayna müharibəsi ilə bağlı sülh razılaşması çərçivəsində zəmanətləri yalnız prezident V. Zelenski Ukraynanın tam ərazi güzəştlərinə razı olduqdan sonra təqdim etməyə hazır olduğunu bəyan edib.

Oqtay QORÇU