09:43 / 03-04-2025
Amerikada Trampa inam azalır
AMİP sədrinin müavini: "Müsavat Partiyasını bilərəkdən tədbirə dəvət etməmişik”
Tarix: 02-04-2025 16:01 | Bölmə: Siyasət
AMİP sədrinin müavini: "Müsavat Partiyasını bilərəkdən tədbirə dəvət etməmişik”

Xəbər verdiyimiz kimi, keçmiş AMİP sədri Etibat Məmmədovun 70 illik yubileyinə həsr edilən tədbir keçirilib.

Reyting.az
xəbər verir ki, tədbir çərçivəsində AMİP liderinin həyatından bəhs edən kitabın da təqdimat mərasiminə çoxsaylı partiya liderləri, jurnalistlər qatılıb.

Hətta YAP-dan belə olan deputatların qatıldığı mərasimdə diqqəti çəkən məqamlardan biri Etibar Məmmədovun müttəfiqi olmuş, prezident seçkilərində onun vahid namizədliyini dəstəkləyən AXCP sədri Əli Kərimlinin və əsas müxalif partiyalardan biri olan Müsavatın dəvət edilməməsi idi.

AMİP sədrinin müavini Elşən Mustafayev Gununsesi.info-ya açıqlamasında bildirib ki, AXCP uzun illərdir onların tədbirinə qatılmır:

“Əli Kərimli bizim tədbirlərə qatılmır. O səbəbdən son illər onlara dəvət göndərilmir. Orada kifayət qədər kəskin müxalif fikirdə olan qonaqlar da var idi. Ona görə də kimsə düşünməsin ki, AXCP radikal mövqedə olduğu üçün tədbirə dəvətli deyildi. Müsavat Partiyasına gəlincə, biz onları da bilərəkdən dəvət etməmişik”.




Bölməyə aid digər xəbərlər