Prezident daha dörd ölkənin səfirinin etimadnamələrini qəbul edib

Xəbər lenti

07:47 / 27-11-2024

“Ekspedisiya Qüvvələrini Ukraynaya göndərməyin vaxtı çatıb” - Ekspert

07:41 / 27-11-2024

Məhkəmə Trampın işi üzrə prosesi dayandırıb

00:01 / 27-11-2024

Pənah Hüseynin partiyasına 3400 manat ayrılıb

23:40 / 26-11-2024

ABŞ Türkiyəyə “F-35” qırıcılarının verilməsi ilə razılaşıb

21:38 / 26-11-2024

Ordubadda zəlzələ olub

18:49 / 26-11-2024

Məhkəmə Quranı yandırmış şəxs barəsində hökm verib

18:36 / 26-11-2024

Britaniya nəhəngi iki ölkə ilə əməkdaşlığı dayandırıb

18:24 / 26-11-2024

Öldüyü elan edilən şəxs dəfn zamanı dirilib

18:04 / 26-11-2024

Rusiyanın 300 milyard dolları Ukraynaya verilə bilər

18:02 / 26-11-2024

Deputatlar daha 15 qanuna dəyişiklik edəcək - Siyahı

17:53 / 26-11-2024

Azərbaycan və Türkiyə dəniz xüsusi təyinatlıları birgə təlimə qatılıblar

17:45 / 26-11-2024

Britaniya Ukraynaya qoşun göndərəcək?

17:26 / 26-11-2024

Rayonlara qar yağır - Siyahı

16:56 / 26-11-2024

Məzahir Pənahov: "Namizədlərin sayının çox olması narahatlıq yaratmır"

16:42 / 26-11-2024

Azərbaycan və İranın birgə hərbi təlimi başa çatıb - Fotolar

16:28 / 26-11-2024

Sabah güclü külək əsəcək - Xəbərdarlıq

16:27 / 26-11-2024

Məktəbdənkənar təhsil müəssisələrinə şagird qəbulu başlayır

16:16 / 26-11-2024

Nazir İsraili Qəzzanı işğal etməyə çağırır

16:05 / 26-11-2024

Deputat: "Prezident İlham Əliyevin ehtiyat fondunun vəsaiti artırılmalıdır"

15:58 / 26-11-2024

Milli Məclis gələn ilin dövlət büdcəsini I oxunuşda qəbul edib

15:52 / 26-11-2024

NATO müharibə xəbərdarlığı edir

15:34 / 26-11-2024

Pentaqon Donald Trampa mesaj yollayıb

15:25 / 26-11-2024

İpoteka və Kredit Zəmanət Fondu 549 tam təmirli mənzili kirayəyə çıxarıb

15:22 / 26-11-2024

Bakı metrosunun iş rejimində bir günlük dəyişiklik olacaq

15:16 / 26-11-2024

Hikmət Hacıyev: "Politico" nəşri dezinformasiya yaymaqda davam edir"

14:56 / 26-11-2024

"Sumqayıt" klubu 800 manat cərimələnib

14:50 / 26-11-2024

AFFA "Səbail" klubunu cərimələyib

14:20 / 26-11-2024

70 kq qızılla həbs olunan hərbi attaşe akademikin qardaşıdır - Foto

14:02 / 26-11-2024

Yüksək Texnologiyalar Parkının adı dəyişdirilib

14:00 / 26-11-2024

Trampın Cənubi Qafqaz və Mərkəzi Asiya siyasəti necə olacaq?

Xəbər lentinin davamı

Ən çox oxunanlar

21:06 / 25-11-2024

Direktor və dəstəsi oğurluğa cəhd edərkən yaxalanıb - Fotolar

14:10 / 25-11-2024

Azərbaycanda yeni bələdiyyələr yaradılıb - Siyahı

22:10 / 25-11-2024

70 kq qızılla tutulan diplomat haqqında həbs qərarı verilib - (Yenilənib)

18:00 / 25-11-2024

Hərbi ekspert Ədalət Verdiyev həbs edilib

08:28 / 25-11-2024

COP29 - Dünyanı sevindirən 13 gün: nəticələr və perspektivlər

16:59 / 24-11-2024

“COP29 kimi qlobal tədbiri MDB-də yalnız Azərbaycan keçirə bilərdi” - Professor

12:23 / 26-11-2024

Vəzifəli şəxslər həbs olunub

15:30 / 22-11-2024

Nüvə müharibəsi ssenarisi - Təhlükədən qorunmaq üçün bunker sifariş edənlərin sayı artır

11:14 / 26-11-2024

Tramp üç ölkəyə xəbərdarlıq edib

14:00 / 25-11-2024

Nazirlik Boradigah sakinlərinə müsbət cavab verib

00:05 / 23-11-2024

Sumqayıt-75: keçmişə baxış və inkişaf impulsları

22:45 / 25-11-2024

İlham Əliyevlə Donald Tramp arasında telefon danışığı olub

Prezident daha dörd ölkənin səfirinin etimadnamələrini qəbul edib - Fotolar (Yenilənib)
Tarix: 23-11-2021 14:26 | Bölmə: Gündəm

Şirift ölçüsü:

Azərbaycan Prezidenti İlham Əliyev noyabrın 23-də Banqladeş Xalq Respublikasının ölkəmizdə yeni təyin olunmuş fövqəladə və səlahiyyətli səfiri Qousal Azam Sarkerin etimadnaməsini qəbul edib.

Reyting.az xəbər verir ki, səfir Qousal Azam Sarker əsası ulu öndər Heydər Əliyev tərəfindən qoyulan Azərbaycanın enerji siyasətində əldə etdiyi uğurlarda Prezident İlham Əliyevin müdrik siyasətini yüksək qiymətləndirdiklərini vurğulayıb.

O qeyd etdi ki, səfirlik fəaliyyəti dövründə ölkələrimiz arasında münasibətlərin inkişaf etdirilməsi üçün əlindən gələni əsirgəməyəcək.

Səfir etimadnaməsini Prezident İlham Əliyevə təqdim edib.

Dövlətimizin başçısı səfirlə söhbət edib.

Prezident İlham Əliyev ölkələrimiz arasında beynəlxalq təşkilatlar çərçivəsində yaxşı siyasi dialoqun aparıldığını vurğulayıb və Azərbaycanın Qoşulmama Hərəkatına sədrlik müddətinin 2023-cü ilədək uzadılmasında Banqladeşin göstərdiyi dəstəyə görə minnətdarlığını bildirib.

Dövlət başçısı Azərbaycanın Qoşulmama Hərəkatına sədrliyi dövründə üzv ölkələrin maraqlarının qorunması, COVID-19 ilə mübarizə, vaksinlərin ədalətli bölgüsü sahəsində fəal şəkildə böyük səylər göstərdiyini qeyd edib.

Prezident İlham Əliyev tarixi torpaqlarımızın erməni işğalından azad edilməsi məsələsində həm Qoşulmama Hərəkatı, həm də İslam Əməkdaşlıq Təşkilatı çərçivəsində Azərbaycanın haqlı mövqeyinin Banqladeş tərəfindən dəstəkləndiyini yüksək qiymətləndirib.

Dövlətimizin başçısı Qousal Azam Sarkerin səfirlik fəaliyyəti dövründə ölkələrimiz arasında münasibətlərin inkişafına və iqtisadi əməkdaşlığın prioritetlərinin müəyyənləşməsi işinə töhfə verəcəyinə ümidvar olduğunu bildirib.

Banqladeş Xalq Respublikasının ölkəmizdə yeni təyin olunmuş fövqəladə və səlahiyyətli səfiri Qousal Azam Sarker ölkəsinin Azərbaycanla münasibətlərə böyük önəm verdiyini deyib.

***

Azərbaycan Respublikasının Prezidenti İlham Əliyev noyabrın 23-də Filippin Respublikasının ölkəmizdə yeni təyin olunmuş fövqəladə və səlahiyyətli səfiri xanım Maria Elena Alqabrenin etimadnaməsini qəbul edib.

Reyting.az xəbər verir ki, səfir Maria Elena Alqabre Filippin Prezidenti Rodriqo Roa Dutertenin və xalqının salamlarını dövlətimizin başçısına çatdırıb.

O, Filippin dövlətinin başçısının iki ölkə arasında əlaqələri genişləndirmək istədiyini vurğulayıb.

Səfir etimadnaməsini Prezident İlham Əliyevə təqdim edib.

Prezident İlham Əliyev səfirlə söhbət edib.

Dövlət başçısı Filippin Prezidenti Rodriqo Roa Dutertenin salamlarına görə minnətdarlığını bildirib, onun da salamlarını Filippin dövlətinin başçısına və xalqına çatdırmağı xahiş edib.

Prezident İlham Əliyev Azərbaycanın da Filippinlə əməkdaşlığın, o cümlədən ticarət əlaqələrinin genişləndirilməsində maraqlı olduğunu bildirib. Dövlət başçısı ölkəmizin Qoşulmama Hərəkatına sədrliyinin 2023-cü ilədək uzadılması və bu təşkilat çərçivəsində Azərbaycanın irəli sürdüyü təşəbbüslərə, xüsusilə vaksinlərin ədalətli bölgüsü ilə bağlı təşəbbüsə Filippinin verdiyi dəstəyə görə minnətdarlığını bildirib. Prezident İlham Əliyev Qoşulmama Hərəkatının sədri kimi Azərbaycanın mövqeyinin həmişə üzv ölkələrin maraqlarının qorunması və əlaqələrin möhkəmləndirilməsindən ibarət olduğunu vurğulayıb. İkitərəfli münasibətlərə gəldikdə dövlət başçısı siyasi və iqtisadi sahələrdə əlaqələrin fəallaşdırılması, iqtisadi-ticari münasibətlərin qurulmasının vacibliyini qeyd edib və Maria Elena Alqabrenin səfirlik fəaliyyəti dövründə iki ölkə arasında əlaqələrin möhkəmlənəcəyinə töhfə verəcəyinə ümidvar olduğunu ifadə edib.

Filippinin Azərbaycana yeni təyin olunan fövqəladə və səlahiyyətli səfiri xanım Maria Elena Alqabre ilk növbədə, Prezident İlham Əliyevi və Azərbaycan xalqını Zəfər Günü və ərazi bütövlüyünün bərpa olunması, həmçinin Milli Dirçəliş Günü münasibətilə təbrik edib.

Maria Elena Alqabre səfirlik fəaliyyəti dövründə Azərbaycanla Filippin arasında həm ikitərəfli, həm də çoxtərəfli müstəvidə siyasi, iqtisadi əməkdaşlığı, eləcə də insanlar arasında əlaqələrin inkişafı istiqamətində səylərini əsirgəməyəcəyini deyib.

Səfir Azərbaycan Prezidentinin təşəbbüsü ilə COVID-19-a həsr olunan videokonfrans formatında Zirvə toplantısının, BMT Baş Assambleyasının xüsusi sessiyasının keçirilməsinin və bu günlərdə BMT BAŞ Assambleyasında COVID-19 və vaksinlərə dair qəbul olunmuş qətnamənin əhəmiyyətinə toxunub. Maria Elena Alqabre, həmçinin Azərbaycanın uğurlu iqtisadi inkişaf modeli haqqında danışaraq, ölkəmizin bu nailiyyətlərinin beynəlxalq təşkilatların hesabatlarında mütərəqqi nümunə kimi əks olunduğunu qeyd edib.

***

Prezident İlham Əliyev noyabrın 23-də Kamboca Krallığının Azərbaycanda yeni təyin olunan fövqəladə və səlahiyyətli səfiri Kim Henq Measın etimadnaməsini qəbul edib.

Reyting.az xəbər verir ki, səfir Kim Henq Meas etimadnaməsini Prezident İlham Əliyevə təqdim edib.

Sonra Azərbaycan Prezidenti İlham Əliyev səfirlə söhbət edib.

Kombocanın Azərbaycana dost ölkə olduğunu deyən dövlət başçısı Azərbaycan tərəfinin münasibətlərin inkişafında maraqlı olduğunu vurğulayıb. Azərbaycanla Kamboca arasında çox yaxın siyasi əlaqələrin mövcud olduğunu deyən dövlət başçısı səfir Kim Henq Measın ölkələrimizin biznes dairələri arasında da əməkdaşlığın qurulması işində səylərini əsirgəməyəcəyinə ümidvar olduğunu bildirib. Prezident İlham Əliyev, eyni zamanda, humanitar sahədə də əməkdaşlığın genişləndirilməsi üçün yaxşı potensialın olduğunu qeyd edib.

Xoş sözlərə görə təşəkkürünü bildirən səfir Kim Henq Meas Kambocanın Kral həzrətləri Norodom Sihamoninin salamlarını və firavanlıq arzularını dövlət başçısına və Azərbaycan xalqına çatdırıb.

Prezident İlham Əliyev Norodom Sihamoninin salamlarına görə minnətdarlığını bildirib, onun da salamlarını Kral həzrətlərinə çatdırmağı xahiş edib.

Səfir Kim Henq Meas iki ölkə arasında regional və beynəlxalq təşkilatlar çərçivəsində yüksək səviyyədə əlaqələrin olduğunu vurğulayaraq fəaliyyəti dövründə Kamboca-Azərbaycan dostluq münasibətlərinin və əməkdaşlıq əlaqələrinin möhkəmlənməsi istiqamətində səylərini əsirgəməyəcəyini diqqətə çatdırıb.

***

Azərbaycan Prezidenti İlham Əliyev noyabrın 23-də Çili Respublikasının ölkəmizdə yeni təyin olunmuş fövqəladə və səlahiyyətli səfiri Rodriqo Arkosun etimadnaməsini qəbul edib.

Reyting.az xəbər verir ki, səfir Rodriqo Arkos etimadnaməsini Prezident İlham Əliyevə təqdim edib.

Sonra Azərbaycan Prezidenti İlham Əliyev səfirlə söhbət edib.

Dövlətimizin başçısı Azərbaycanla Çilinin beynəlxalq təşkilatlar çərçivəsində və ikitərəfli formatda əməkdaşlıq etdiyini bildirib. Prezident İlham Əliyev ölkələr arasında ticarət, iqtisadiyyat sahələrində əlaqələrin qurulmasının önəmini vurğulayaraq biznes dairələri arasında əməkdaşlığın yaradılmasının vacibliyini vurğulayıb, bu baxımdan ölkələrimiz barədə məlumatların insanlara çatdırılmasının önəmini qeyd edib.

Prezident İlham Əliyev Qoşulmama Hərəkatına Azərbaycanın sədrliyinin 2023-cü ilə qədər uzadılması ilə bağlı Çilinin göstərdiyi dəstəyə görə minnətdarlığını bildirdi, Azərbaycanın bundan sonra da sədr kimi Qoşulmama Hərəkatına üzv dövlətlər arasında əməkdaşlığın gücləndirilməsi istiqamətində səylərini əsirgəməyəcəyini vurğulayıb.

Xoş sözlərə görə minnətdarlığını bildirən səfir Rodriqo Arkos ölkəsinin Azərbaycanla münasibətlərin inkişaf etdirilməsində maraqlı olduğunu bildirdi. Eyni zamanda, Azərbaycanın Qoşulmama Hərəkatına və Türk Dövlətləri Təşkilatına uğurlu sədrliyi ilə bağlı təbriklərini çatdırdı. Səfir Rodriqo Arkos Azərbaycanla Sakit Okean Alyansında müşahidəçi statusunda münasibətlərə xüsusi əhəmiyyət verdiklərini bildirdi, post-COVID dövründə ölkələrimiz arasında daha sıx əlaqələrin qurulacağına əminliyini ifadə edib.