Kukla Teatrında yoxlamalar dayandırılıb
Tarix: 06-01-2023 15:35 | Bölmə: Mədəniyyət
Kukla Teatrında yoxlamalar dayandırılıb

"Azərbaycan Dövlət Kukla Teatrında yoxlamalar dayanıb".

Reyting.az
xəbər verir ki, bu barədə Mədəniyyət Nazirliyi məlumat yayıb.

Bildirilib ki, teatrda yoxlama davam etdirilmir və yenidən hər hansı bir yoxlamanın aparılması nəzərdə tutulmayıb: "Bəzi sosial media hesablarında yoxlamanın yenidən keçirilməsi ilə bağlı məlumatlar həqiqəti əks etdirmir".

Qeyd edək ki, Mədəniyyət Nazirliyi ötən il noyabrın 21-də Kukla Teatrında yoxlamalara başlamışdı. Bununla bağlı əmri həmin dövrdə mədəniyyət naziri olan Anar Kərimov imzalamışdı.

Teatr rəhbərliyi mətbuat konfransı keçirərək, yoxlamalara etiraz etmişdi. Lakin indiyədək yoxlamaların hansı səbəbdən aparılmasına aydınlıq gətirilməyib və nəticələri açıqlanmayıb.

Xatırladaq ki, Prezident İlham Əliyevin 2022-c il 22 dekabr tarixli sərəncamı ilə Anar Kərimov mədəniyyət naziri vəzifəsindən azad olunub.

Dövlət başçısının imzaladığı digər sərəncama əsasən, Adil Kərimov mədəniyyət nazirinin birinci müavini təyin olunub. Nazir vəzifəsinin icrası Adil Kərimova həvalə olunub.




Bölməyə aid digər xəbərlər
{sape_links}{sape_article}