16:01 / 15-12-2019
Azərbaycanda zəlzələ oldu
Türkiyə XİN: "Qarabağ münaqişəsinin beynəlxalq gündəmdə saxlanılması çox vacibdir"
Tarix: 21-11-2019 11:58 | Bölmə: Siyasət
Türkiyə XİN: "Qarabağ münaqişəsinin beynəlxalq gündəmdə saxlanılması çox vacibdir"

Beynəlxalq Münasibətlərin Təhlili Mərkəzinin sədri Fərid Şəfiyev və Dağlıq Qarabağın Azərbaycanlı İcmasının rəhbəri Tural Gəncəliyev Ankaraya səfər çərçivəsində Türkiyə xarici işlər nazirinin müavini Sedat Ünalla görüşüb.

Mərkəzdən Reyting.az-a verilən məlumçata görə, görüşdə Türkiyə-Azərbaycan münasibətləri, əməkdaşlığın gələcək perspektivləri, o cümlədən Ermənistan-Azərbaycan münaqişəsi müzakirə olunub.

Nazir müavini bildirib ki, bu münaqişə məsələsinin beynəlxalq gündəmdə saxlanılması çox vacibdir.

Daha sonra çıxış edən Beynəlxalq Münasibətlərin Təhlili Mərkəzinin sədri Fərid Şəfiyev Türkiyənin Azərbaycana göstərdiyi dəstək üçün təşəkkür edib. O da çıxışında hər iki ölkənin xüsusilə həssas mövzularda hər zaman bir-birinə dəstək verdiyini ifadə edib. BMTM sədri Ermənistan rəhbərliyinin son zamanlar səsləndirdiyi ritorik çıxışlara diqqət çəkərək, Türkiyənin ATƏT-in Minsk qrupunun üzvü kimi, buna reaksiyasının çox əhəmiyyətli olduğunu əlavə edib.

Görüşdə Azərbaycanın Türkiyədəki səfiri Xəzər İbrahim də iştirak edib.

Səfər çərçivəsində nümayəndə heyəti həmçinin Türkiyə XİN yanında Strateji Araşdırmalar Mərkəzinin rəhbəri Ufuk Ulutaşla görüşüb.

Görüşdə iki beyin mərkəzi arasında əməkdaşlıq məsələləri, o cümlədən ötən ay imzalanmış Anlaşma Memorandumu çərçivəsində birgə fəaliyyət planı müzakirə olunub.скачать dle 10.5фильмы бесплатно




Bölməyə aid digər xəbərlər
{sape_links}{sape_article}